السلام عليكم ورحمة الله وبركاته
يابنات ماكتبت الموضوع الا بعد تردد كبير ابغا النصيحة والمشورة الزينة
انا كافحت فحياتي وتعلمت وتخرجت بتخصص مرغوب والكل يحسدني عليه
االلي صار اني للتو واللحظة مازلت عااااااطلة لي 7سنين متخرجة والعمر يمضي
اشتغلت في كذا وظيفة خاصة وتركتها لضعف راتبها وطول دوامها وكثرة مهام العمل بالمقارنة بالشهادة
بعد 3 سنين من التخرج تزوجت وانجبت كتكوتين زي القمر الله يخليهم لي
الآن انا في صراع نفسي عميق ماحققت ذاتي واشتغلت والعمر ييمضي
زوجي مو من النوع اللي يعطي مصروف
وراتبه علا قد التزامات البيت والاطفال
الوظيفة الحكومي مابعد جات
وعندي خيارين
يا اتوظف قطاع خاص مختلط بدوام مرهق وراتب مجزئ وحلو
يا اتوظف حكومي عن طريق جدارة خارج المنطقة اللي انا ساكنه فيها يعني سفر واقامة بعيد عن اطفالي
انا متعلقة كثير بيهم واعمارهم صغيرة تحت السنتين
زوجي ماعنده مانع اتعين واسافر واترك عيالي عند امه تربيهم
وانا رافضه كلياً لان محد راح يهتم بعيالي لا امي ولا امه زييي
ورغم كل اللي حواليني عندهم اطفال جتهم الوظيفة وسافروا واللي شالت عيالها معها كبار بالمدارس واللي تركتهم ياقوة قلبها
المطلوب :
انصحوني
شوروا علي
دلووووني راسي يوجعني من كثرة التفكير وقلبي مفطور علا اطفالي وابغا احقق ذاتي واتوظف
لو انتي مكاني ايش بتسوييين وايش بتختارين
انا مقتنعة بجلوسي وتربية اطفالي
اهلي موعاجبهم لانهم متعلمين ومتوظفين ومو متوقعين اني اختار اكون ربة منزل
الناس اكلوني بكلامهم ماتوظفتي مالك مستقبل هذا وانتي متعلمه ومن هذا الكلام
وانا احتاج الدخل المادي بصراحة!!!!
سااااااااااااااااعدوني الله يفرج كربكم
شاركي في النقاش
سجلي الدخول لإضافة تعليق.
التعليقات
31- تقريبا نفس حالتي الان
كثير فكرت بالوظيفه بس كتكوتي محتاجني اكثر من الوظيفه
لان بجد الان كل شيء غالي ولا احد ينكر حتى المدرهمين صارو ضعوف من غلا الاسعار ما عليش شكلي طبيت بموضوع ثااني
لكن بجد نحن محتاجين الوظيفه ولابد منها وما بعد العسر يسر
لو جاتك وظيفه خوذي اطفالك معك نصيحه لا تخلينهم وشوفي رزقك يا خيتي بجد حسيت فيكي - والله صعبة مرة وفيها حيرة .....
بس لو اشتغلتي في المختلط اي قطاع هل هو قطاع طبي يعني في مستشفى اذا كان مستشفى فالحمد لله كثير بنات يشتغلون فيها والحمد لله ما صار شي لانهم ماشاء الله محافظات ... وعادي اذا زوجك وافق اشتغلي ....
بالنسبة انك تشتغلين برا واطفالك صغار فيها شغلات كثيرة تحير يبيلك شغالة ويبيلك سواق ..... الخ
انتي استخيري وشاوري من هم اخبر ....
والله يمهل لك - والله يااقلبي لو تبين نصيحه حاولي انك ماتستلمين دوري من هنااا ومن هنااا ان شااء الله بتلااااااقين بس حرام عليكي تتركين عياااااالك
- انا جربت الغربة في الوظيفة قبل زواجي عذااااااااب الواحدة ما ترتاح إلا في منطقتها
ترك الأطفال صعبه عليك وعليهم لا يصير تركهم ضريبة لنيل الوظيفة
اذا كان في وظيفة بنفس منطقتك خير وبركة وإذا تشوفين الوظيفة البعيدة فرصة لا تعوض خذي زوجك وأولادك معك يعني ممكن زوجك يحصل انتداب بوظيفته في نفس المنطقة لين يجيك نقل اعرف واحدة سوت كذا - شوفي انتي استخيري دامك في حيرة من امرك و اللي فيهه خير ربي بيسره لك
مواضيع مشابهة
تابعي تجارب أخرى من هذا القسم.