فتاه مختلفه من جد كلامك انا شكلي يصير سيء بالمكياج
جدا سيء فوق ما تتصوري كنت شايله هم يوم ملكتي ايش اعمل
بس ما قلت لهم اني عروسه عملت مكياج خفيف وناعم حد الجفن المتحرك
واضائه خفيفه كمان الروج والبلاشر كان خوخي والتسريحه كانت نازله على ظهري لاني ما احب التريحات المرفوعه
ولبست تاج صغير وناعم المسكه كانت ورد طبيعي اوف وايت وانزفيت على حسين الجسمي الورد الابيض
كان يوم رائع من جد تحسي انك ملكه بطلته خصوصا اذا كان شكلك يغلب عليه الهدوء
طبعا ردة فعل زوجي كانت الاهم يومها :)
الحين محتاره في الفرح كل الي كان براسي طلعته مع الملكه يعني ما احب ارفع شعري يتريحه كامل
وكمان ماينفع اعمل تسريحه نازله على الظهر عشان عملتها بالملكه
عموما لسه قدامي وقت
كنت ابغى اسالكم بالنسبه للذهب ما اعرف ايش ممكن اشتري
انا ما عندي ذهب نهائيا غير الي شبكني فيه واعطاني مع الخطوبه والعيد غيره من قبل ما عندي
فكرت اشتري بالمهر كله ذهب وانا اجهز حالي بس اصلا مو عارفه ايش ممكن اشتري
دخلت جمعيه واخذتها قد مهري بالضبط
الي عندها خبره احتاج احد بس يضبط معاي الميزانيه وتقسيماتها
انا تاركتها عايمه كذا اصلا حتى لما افلس وما يصير عندي مصروف اخذ منها عشان كذا خلاص ابغى اقسمها
عندي حسابات في 3 ينوك ممكن اوزعها فيهم يس واحد منهم ينزل عليه راتبي وممكن كمان اخذ حساب اختي او امي مؤقت
وبس الله ييسرها علي وعليكم
صح بنات جده انا قبل الملكه نزلت لسوق الهنداويه عشان التوزيعات اخذن من عندهم مبخرتين ذهبي وفضي عشان امي
شكلهم يخقق روحوا هناك تلقوا اشياء من جد انتيكه بس يبغالكم تفرفروا كويس عشان تطلعوها
تجمع العرآآيس // يَـاعروس إفرحَي ليلـَة زفَـافك قَـربـت .. ~
متابعة النقاش، صفحة 48