شاركي في النقاش

سجلي الدخول لإضافة تعليق.

التعليقات

107
  1. @aahd_alzman

    يسسلم بوووووك يااعسل
    ودناااا نطلع ونستانس ونغير جو ونعيش زي الناس ليش كل شي مربووط بزواج
    بس طبعا نطلع بحجابنا الكاامل ونستشعرمراقبة الله
  2. كلامك غير صحيح
    الحمد لله انا كنت قبل ما اتزوج أكثر حرية بعد الزواج
    يعني إذا كان مجتمعك فارض عليك حصار فغيرك بالعكس
  3. @elham_6

    كخ ضحكتيني
    حشيتي ببنات حواء وانتي ماتدرين!
    والي يضحك اكثر ان هم راضين بحالهم :42:

    فديتك بس
  4. @dym_alsnyn_1

    والله العالم انتس رحتي ل المشغل ع اساس تسوين حمام مغربي وقامو يدقدقون عليتس اهلتس

    ورجعوتس ب الملابس الداخليه م بعد فركت لتس الجسم

    وانغبنتي وكتبتي هالموضوع وانتي ف غيبوبة الغضب

    اقول وش ذا الخثرده وش اللي مطعم ومشغل واخر شيء تقولين حمامات مغربيه؟

    مير انتي لو قلتي غير هالكلام ممكن نصير معتس

    بس كل اهتماماتس اللي مطنقره عشانها سخيفه وتافهه

    تبين الحريه عشان تركضين ف الشارع وف النوادي ؟

    وعشان تروحين الاسواق والمطاعم والمشاغل ؟

    سلامات ي الحبيبه

    بعدين وش الرابط بين الحريه وبين الظلم وبين الحمامات المغربيه تكفين؟

    يعني الحمام المغربي ذا وش حاشرو ب نص السالفه؟

    والله اني حسيت ان الحمام المغربي قام يتسأل يقول انا وش دخلني حاشرتني ب الموضوع

    بعدين الحمامات المغربيه م احد يسويها ب المشاغل عسى بكره يلقن اعمارهن يناقزن ع اليوتوب

    من الخبله اللي تروح ل المشغل عشان تسوي حمام مغربي ؟

    الله يخلي البيت شغلي السخان وصككي الدنيا عليتس واقعدي افركي

    يبي لها حريه؟

    والنوادي يعني اذا مره حاسه عمرتس رشيقه وراعية للياقه وتبين نادي انزلي الحوش اركضي

    ولا اطلعي السطح ناقزي

    ليش النادي ؟ ولا الدعوه برستيج ؟ وكشخه؟

    والمطاعم والله مادري انا احس النمونه اللي يهتمن ل سالفة المطاعم ومادري وش فاهمات الدلع غلط

    يعني م تدلعين عمرتس الا اذا تعشيتي ولا افطرتي ف مطعم؟ من زين اكل المطاعم الحين م تدرين هو نظيف ولا

    اللي يطبخ طالع تو من الحمام ومو مغسل يدو وطابخ لتس ولا حاط اصبعو ف خشموه ف وسط الاكل

    وانتو تبلعون

    ليش يعني تحبون المطاعم ل درجة يصير هاجس عندكن؟ واذا الوحده طرالها تتمشى ولا توسع صدرها قالت مطعم

    صدق عنز بدو وطاحت ب مريس

    بعدين وش دخل الكرامه؟ والاستقلاليه؟ انتي شكلتس قاريه مقال كاتبوه ليبرالي

    وضيعتي م عاد قدرتي تقضبين سالفه انلحس مختس

    حريه واستقلال وكرامه وحجاب ومطاعم م بقى الا تقولين مظاهرات وثوره

    بعدين وش تربيه سليمه؟ تبين يعني تطلعين وتدجين وم احد يقولتس وين رايحه ومن وين جايه؟

    هذي هي الحريه؟ انتس تروحين السوق وم احد يتصل يصمختس وينتس ؟

    تطلعين مطعم وتطلبين ومادري وشو

    اذا والله اخوانتس م فيهم خير و رخوم وكارفينتس وكنتس خدامه عندهم

    الغلط منتس ليش تسمحين لهم يعاملونتس كنتس شغاله ع قولتس ؟ مع انو عادي اغلب البنات يخدمن اخوانهن

    اوكي الله خلقني حره طليقه اعيش الحياة اللي ابيها فيما يرضي الله

    انتي م انخلقتي عشان يكون اكبر همتس حريه واستقلال وسوق ومطعم وحمام مغربي

    في دين وشرع واحكام وحلال وحرام

    الانسان يكون لو مباديء وقناعات وتفكير سليم والدنيا ابتلاء وامتحان ودار فناء

    يعن كل شيء مكتوب لنا ب نعيشو ف هالدنيا لين م نرحل منها

    حلو انتس تطلعين وتغيرين جو بس ب حدود العقل اما بنت 24 ساعه ويوميا ودها تفرفر ب الاسواق والمطاعم

    والمشاغل؟ م انتي ب عاقله ي كيم كردشيان كل يوم والكاميرات لاحقتس

    خلي تفكيرتس اكبر من هالسخافات

    انتي قولي المجتمع والتعليم والوظايف والوسطات والظلم ووو نقول اوكي

    بس مدهره علينا مطاعم ومادري وش

    وع طاري انتس مصدومه ف بناتنا

    ي الناشطه السعوديه ل حقوق المرأة

    اجل شخصيتس انتي وشو ؟

    اللي تتكلمين عنها هالشخصيه ب الموضوع مو انتي ؟


تابعي تجارب أخرى من هذا القسم.