رساله الى نوره الفايز من امهات الطالبات..

فعلا يعني المعلمه تركن الكتب على جنب .. وتبدا موال الملازم والملفات والملخصااات
والكتب اللي انصرف عليها ملايين مالها داعي يا اهل التطوير والتعليم .. بس لهط بقيمة الكتب اضعاف مضاعفه..يفكرون اننا شعب نايم .. حنا صاحين بس اللي يسرق بيتعاقب عند الله وحده ..ماحد بيخاويه بقبره

والله كلامك عين العقل وفي الصميييم

شوفي انا ماعندي بنات يدرسون
لكن الله يعينكم
التعليم يشكل عام عندنا حدث ولا حرج,,,وخاصةً البنات,,,يااختي والله اني ارحم اهالي البنات,,من كثر الطلبات
اللي كل معلمه لها طلب,,جيبوا هاتوا
ونوره الفايز,,بدال ماتقضي على السلبيات في تعليم البنات قاعده تزيده
الظاهر مادرت انو فيه ناس يبتلشون بالفسحه لمن كانت وحده,,من ضيق عيشهم,,وهي جيبه ثلاث فسح
المشكله عندنا ناس,,يقترحون وزارة تعليم للبنات تمسك رئاستها حرمه,,اللي هذا اوله ينعاف تاليه
والكل يذكر لها لمن انسألت عن حركة النقل,,المحبطه لكثير من المعلمات,,في اول سنه لها بالوزاره
لمن ردت وقالت اللي مو معجبتها حركة النقل تقعد في بيتها,,بالله هذا كلام وكيلة تعليم

هههههههههههههههههههههههههه
بصراحه ردودك يبغالها معجم يفسرها

الحين هي مالها شغل بالمباني ولا بالمدرسه ..حبيبتي هذي نائبه الوزير تفهمين والا افهمك اكثر
يعني زي وكيلة المدرسه بالضبط لها صلاحياااات بكل شئ يخص التعليم والمدارس والكتب والادارات وكل شئ ..! وتقدر ترسل توصيات وعندها حريه بالقرارات وعندها فرص تعدل امور كثير لو ودها وتبي ..

وبعدين شلون تطبيق عشوائي للانظمه فسريها لو سمحت لاني قلبتها في راسي ولافهمت شئ ؟؟

انتي تقولين حاوووووووووووولت تطور التعليم بس ماقدرت ..طيب ذكرني متى حاولت ووش التفاصيل علشان اكون في الصوره .. تطور.. امممم تحط بناتنا بالحوش متحاشرات كنهن بحوش غنم ..! يجوني مراييلهم دماار شامل .. من جلسه البلاط الخايس ..!


الدول اللي زارتها نوره مو دول فقيره ... زارات دول متقدمه وغنيه وشافت وعاينت واستمعت وانصت وقبضت المعلوم وتمشت وتفسحت ورجعت .. بالسلامه تدور الورقه والقلم تكتب قراراتها الفلكيه ...:laughing:


ولمعلوماتك مافيه دوله بالعالم ميزانية التعليم اعلى ميزانيه على الاطلاق ... وين تروح ياخويه نوره الفايز ... وتقولين ان ساعات الدوام الطويله بالساحات الخانقه والعطش والجوع والحر ترفع نسبة الذكااااء .... اهاااا يمكن انتي اولادك مع اولادها واحفادها بنفس المدرسه الانترناشيونال :smheart:

المراييل ..... امممممممم من عهد الملك فيصل ماتغيرت قولي والله ..!
اقول انا ما اعترضت على تغييرها بالعكس .. ولكن هي اختارت الالوان على ذوقها الخاص :mad:
والمفروض تعطي فرصه للبنات وامهاتهم بالاشتراك معها بالاختيار
لان كل منطقه ومرحله لها ضروفها وواجوائها .. مو شختك بختك ..

والسيوله موجوده .. ولكن هي مابتتكلم بهالمواضيع علشان الامانه المهنيه والدينيه تمنعها وماتبي تزعل اهل اللهط منها.. تقول بسوي اني اتخذت قرارات والسلام ..