تجمـع رقم (3) لحزب المخطـوبات 00 حياكم :)

كنوفة ياقلبي .. غنيله ياقلبي احفظي القصايد ولحنيها بصوتك ..
واحسن كذا يكون لحنها مميز ومايلقاه لا بشريط ولا عند مغني
اي قصيدة تعجبك الطشيها ولحنيها والله يسعدكم يارب

ياااااااااااربي يابناااات صيحتوووني... طلعنا كلنا نمر بنفس الشعووووور... تصدقووو اني نفس الشيء... مره من المراريت... جلست ابكي تقوووولو احد ذبحني وانا عندي شيء مو حلووو لما ابكي يصيروووو خدودي محرووووقين يعني مره حمراااااء... وشفتي حمراااااااااااااااااااا اتخيلو ما ادري ليه....!! الموهيم مر خطيبي بالصدفه على بيتنا... عشان يسمعني شريط الزفة لما كان زواجي المفروض يكون هادي الصيفية بس أتأجل.... :(... وماكان فيه أحد وانا فكرته اخوياااا وفتحت الباب... وشافني بالحاله الفظيعه واصررررررررر انووو يدخل... وانا متفشله... مره مره مره...

الموهيم دخل وانا رحت غيرت... وغسلت وجهي... وجلست ساعه اتبسم قدام المرايا عشان تروح الصيحه....

والله ماراحت... :(

الموهيم وجلسنا تكلمنا وقال لي قولي بصراحه ايش اللي مزعلك...؟؟؟ وانا خلاااص تشوووفو العمايل السودا اتكلم وابكي... اشهق وربي... تقووووولو ليا الف وميتين وعشرين سنة مابكيت...

وهوه مصدووووووووووووووووم مره...


بس انا ماقلت احساس وما احساس.. قلت له احس نفسي ملخبطه وخايفه من التجربه كيف راح امسك بيت وزوج... ومافيه احد يصحيني من النوم وللصلاة.. ويسوي لي الفطور>>>عندي خصله بشعه مستحيل ما اقدر اسوي فطور لنفسي ولو سويته ما اكله.... ومين يغسل ملابسي ومين يفتكرني... ومين ومين... وهوه فاتح فمه... وعيونه وربي دمعت معايا.. على الحاله اللي انا فيها....!! اظن هذاك اليوم انهيار كان عندي....

وهداني وقال لي هذا شيء طبيعي وشعور طبيعي وهرموناتك جالسه تتغير والنظام كلووو يتغير وتغييرات جسمانيه وسيكولوجيه ومن هدا الكلااام....!!

بعدها ارتحت وانقهرت من نفسي... احس ماكان لازم ابكي قدامووو.. تصدقووو يقووول لي شكلك مره يقطع القلب لما انتي تبكي...!! :(....


والله يمر عليا ايام انتظر اهلي الين ينامو واطالع في اخواني واختي الوحيده وابكي من قلبي... كيف راح اترك هذا البيت اللي فرحت فيه.. وانبسطت فيه واتهاوشت فيه وعشت معنى العيله فيه.. واللمه الحلوه فيه... واطالع في بابا وابكي لان كل شيء راح يتغير وراح اصير شويا رسميه معاه خصوصا اني راح اتزوج... يعني مثال لما ابغى فلوس دحين عادي اروح اطلب بابا بس بعدين ما اقدر....!!!
اطالع في غرفتي وملابسي واغراضي... وكيف راح يتغير كل شيء.... :(

وربي يابناااااات... كل ماقريت شيء عن الاب او الام اصييييييييييح... رغم ان زواجي تأجل...

والمشكله اني ما ابغى خطيبي يحس في هذه المناحه اللي انا عاملتها.. وكمان انا اكبر وحده عند ماما... وتقريبا اخواني الصغا الاتنين يحبوووووووووني مره ويطلبو كل شيء مني... مره من المرات بغيت اموت من الصياح لما اخويا الصغير اللي عمره 5 سنوات خاصمته ماما وجاء يجري عندي... مين حيكون عندووو بعدين.... وكمان ماما لما تكون متضايقه وتجي تشكي لي.... لمين حتشكي بعدين؟؟؟ واختي الوحيده مين معاها يعلمها ويوجها ويضحك معاها... مره لقيتها كاتبه خاطره عني لما اسافر واتزوج وجلسسست ابكي...!!


اه بس... احس نفسي انفجرت... بس يلا هذا المتنفس الوحيد.. بدال مانكتم في نفسنا وننفجر بعدين...


بنات استغفرو الله... وصلوووو واذكرووو ربنا وان شاء الله مايصير الا كل خيررر....

غدووووو حبيبتي لاتشيلي هم وافرحي وفرفشي...

كنافه بالنسبة للاغنيه.. لما يقول لك غني اظن مره شفت موقع فيه كلمات الاغاني ممكن تاخدي الكلمات وتغنيها له ... اممممممممم يعني صوتك حلوووو من ورانا....!! حركات والله...
بالتوفيق قلبي.... وبالنسبه لموعد جيتي السعودية ان شاء اللله يوووم الاثنين الجاي يعني 19 ميلادي...

اوركيده..... ورهوفه مراااااااحب فيكم حبايبي

كي بورد ..

يا رائعه تسلمي لي وربي يحفظك ويخليك ..

والله دائما أدعي الله عز وجل واحاول ما أنسى أذكار الصباح والمساء .
لكن انا يوصلي كلام كثير وأحاول عن طريقه أستشف هذا الإنسان كيف شخصيته ..

أحس اني تعبت من التفكير .. والخووووف ..

تسلمين يا أختي ..

..


أوركيده ..

إرتحت كثير لكلامك وحسيت كأنك أختي .. أو أقرب ..

تدري أنا مشكلتي اني مرررره حساااسه وخواااافه .. أنا أحاول إني أأقلم نفسي انو ما في أحد كامل وانا اول الناقصين ,, لكن برضو خايفه يخيب ظني وأملي ..

وأنا والله ما أهتم بالشكل أهم شي يكون رجل بمعنى الكلمه .. ويحميني .. بس مدري أحس اني غبييييييييه ..

رغم انو من عيله كويسه واهلو مره يحبوني بس برضو لما أقابلهم بالافراح ماابغى اطالع فيهم احس اني مقهوره منهم انهم بياخدوني من اهلي .. :|

مو قلتلك غبيه ..

تصوري حتى الآن اخواتي يخططوا للملكة والفرح وانا اصرخ عليهم واحاول اغير الموضوع ..

يعني من كل الجهات مقفله معايا ..

الله يعين ..

وتسلمين يااختي على النصايح ..

وربي يهدي سرك وترتاحي .. ويجعلك من أمرك فرجاااا ياالله ..

ويرزقكم جميعا السعاده من حيث لا تعلموا ..

ياالله يا بنات عن جد حبيتكم مااتوقعتكم تاخذوا موضوعي بهذا الإهتمام .. ربي يجازيكم على هذا الخير بخير أعظم وأكبر يارب ..

*Fantastic*

ياالله وربي بكتيييييييييييييييييييييييييييييني ياعمري انت ..

قلت كل الكلام اللي بداخلي ..
رغم انو لسه بس خطوبه ما ملكت وفرحي احتمال بالاعياد او الصيف ..

وحالتي النفسيه عدددددم وكل صحباتي وبنات خيلاني يتريقوا علي .. طوال الوقت دمعتي بعيني والغصه تخنقني ..

انا عندي اختي بس اصغر مني والباقين كلهم أكبر مني ومتزوجين .. يعني انا دلوعة البيت ومتعلقه مرررررره بأهلي وتاج راسي ابوووووووويه وببزورة اخواتي واخواني ..

احبهم بجنوووون احس الكل فرحان بالخطوبه والفرح الا انا .. انا الوحيدة الحزينه ماني قادره افرح زي باقي البنات ..

مدري امكن لأني مااحمل أي مشاعر لخطيبي .. بس احيانا احس بالنقمه عليه وانو بياخدني من بيتنا من غرفتي .. من جنوني .. من طفولتي .. من دفاتري وأحلامي ..

من ابويه رجل حياتي .. مين بيبقى معاه .. مين يتفرج معاه التلفزيون .. مين يتناقش معاه .. مين يدي نصائحه ..

مره سمعتو يقول لأمي .. لما تتزوج هذه البنت وليلتها أجي وما أحصلها نايمه على سريرها والله لأبكي كأني طفل ..

ومره يقول انا لما تتزوج هذه البنت راح اهااااجر هذا البيت ما راح ادخلو ..

ولما اقولو ماابغى اتزوج يقولي هذه سنة الحياه ..!

وامي مين يختارلها ملابسها .. أشياءها .. وتحكيلو وتشكيلو ..

وكمان أختي .. قسما بالله العظيم يا فنتاستيك انو انا كمان حصلت لها خاطره كاتبتها عني .. وكنت وقتها حموت .. حسيت بتعااااااااااسه ما يعلمها الا الله ..

احس اني ماني قادره افرح ولا راح افرح ..

ياالله قلبتي الموااااااجع ..


ياربي يزيل همك وهمي وهم كل أخواتنا يارب

أوركيده حبيبتي لاتنسين تبشرينا اش اللي صار بعدين؟

انتي شكلك ملخبطه رديتي علي على انها رهوفه

مو مشكله

اهم شي تستفيدي

فانتاسيك

والله ذكرتيني بنفسي

انا مره جيت على الجهاز لقيت اختي الاصغر مني مخليه ماسنجرها مفتوح

وكانت حاطه في النيك نيم (أفتقدك بشده) انا كنت متأكده انها تقصد صاحباتها اللي زمان ماكلمتها عالماسنجر

بس انا بكيت كثييييير لما شفت الكلمه حسيت اني مقصره كثير معاها


المهم لاتخلوا هالمور تأثر علسيكم وحاولوا تنسوها(والله اقولكم ودموع في عيوني على طول)



ممكن تقولا اسامي مواقع القى فيها اشعار حلوه تتغنى


بالنسبه للي تبغى مواقع تسوي زفات فيه واحد غير اسامه كمان شغلهم باين حلو

واغانيهم حلوه بدون ميوزيك

اسمه اوكاريا

وهذا الموقع

http://www.orkaria.com/aghani.html

وبالتوفييييق

ممكن اي وحده فيكم عندها موضوع ام عمر اعطيها ايميلي ترسله لي

لأني سرت اثق فيكم



يارب توفق الجمييع

يارب توفق بسومه يارب (شكلها الحين في الحنا)