تجربتي الاولى مع بديل الزيت من دوف ( امي حسبتني مسويه استشوار)

روشت بنتي اليوم ومسحت على شعرها منه زي مااحط الكريم العادي
ومشطت شعرها وتركته لحد ماجف
ويوم جف صار الشعر كيرلي وفيه يبوسه يعني مب طري وناعم زي اذا حطيت لها كريم
اتوقع انه ماينترك على الشعر .. يعني يكون استعماله زي البلسم
اذا وضع على الشعر لازم ينشطف بالماي اما اذا ترك عل الشعر يصير الشعر يابس
للمعلوميه
اللي استعملته لبنتي نفس اللي تكلمتي عنه الذهبي للشعر الجاف



هذي تجربتي معاه

الله يسعدك شكرا عالافاده الرائعه

مرحبا حبيتي اشكرك على ذكر التجربه :blink: بس غريبه يمكن يكون خطا فيه او ما يناسب شعر بنتك
للعلم اني اعطي اختي الصغيره منه هي بالصف 5 ومناسبها حيل وفرحانه فيه :icon32::icon32:
وهذا من تجربه وكمان اختي الكبيره جربته ونعم شعرها ورجعت تاخذ منه وبكره راح تشتري منه لها بروحها
يترك على الشعر صح بس ترجعي تمشطيه مره ثانيه عشان لاحظين معفوله
والله اعلم حبيتي

آااها ... ترجعين تمشطين الشعر مره ثانيه بعد مايجف ... نقطه مهمه
لأن فعلا فيه بعض كريمات الشعر اذا حطيتي منها والشعر مبلول حلوه
بس بعد ماينشف الشعر يصير يابس ومايتحرك وانا ارجع امشي المشط على الشعر
ويصير الشعر سايح ويهفهف .. يعني متعوده على هالشي
بس مدري ليه ماخطر على بالي اسوي هالحركه مع بديل الزيت
يمكن لأني متعوده استعمل بديل الزيت بانتين كـ بلسم ومافكرت استعمله كـ كريم
عشان كذا مااقتنعت اني استخدم بديل الزيت دوف عن كريم
على فكره قريت المكتوب على العلبه ماحصلت انه ينترك على الشعر ولا ينغسل
يعني ماوضحوا هالنقطه
على العموم .. ان شالله بكره احطه مره ثانيه على شعرها واذا نشف بمشطه
وبشوف .. ان شالله تنجح التجربه

وهذي الكريمات اللي قلت انها تيبس الشعر بس بعد ماتمشطينه يصير حلو هي

كريم هير سيلك من بالمرز


وكريم غارنييه



وكل هالنوعيه من الكريمات


وغالبا ما اضيف عليهم كريم ثاني زي صانسيلك او فاتيكا او هامالايا او اي كريم دهني
عشان يخفف من يبوستهم للشعر
وعلى فكره هم مايناسبون الا الشعر الناعم
اما اذا استعملتيهم للشعر الخشن مايبان فيه ابد وينتفش ولا كأن مر عليه كريم