عندك حفله ؟! تعالي أصمم لك الثيم ✺⌡ طلبات تصميم الثيمات 1⌠الاقتباسات الطويله ممنوعه

طريقه استخدام موقع الاكواد ،ـ
الموقع جدا سهل ويوفر كل الدرجات والالوان
كل ماعليكم ،

تدخلون هالموقع :
colorpicker

وبعدها تحددون اللون المطلوب



بعدها تنسخون الكود وتحطون بردكم



مثال للطلب :
ابي ثيم بهالالوان :
6091EB + E3E3E3
وحابه يكون الثيم لمولود اسمه فلان .،
ابي اعواد للكب كيك + المويه + وبطاقه دعوده بسيط

مساء الخير للجميع ...

راح اخصص ردي اليوم لمقاسات الثيمات للطباعه ونوع الورق ..

في البداية احب انوه ..
ان المصممه تصمم لك الثيم باعلى دقه ممكنه من الصور+ الباترون الي طالبته انتي .. لكن هذا لا يعني ان المقاس كما تشوفينه هنا جاهز للطباعه !!
لا طبعا المصممه تعطيك اعلى دقه تحسباً منها للتكبير والتصغير لو حبيتي اثناء الطباعه..

لكن مقاسات التصميم اثناء الطباعه تعتمد على مقاس السنتمتر .. بمعنى
انتي تبين دوائر الكب كيك جاهزة للطباعه راح تحتاجين برنامج الوورد لضبط المقاسات ..

نضرب مثال هنا على هالتصميم ..



كيف راح يكون جاهز للطباعه لتكون اعواد الكب كيك ؟؟؟
شوفي هذا الملف المنسق ببرنامج الوورد وجاهز لطباعه وركزي بالمقاسات ..

إقتباس »
https://dl.dropbox.com/u/61471204/rosescupcake.pdf

او مثلا الزينه ..عطتك المصممه كذا مثلا .


انتي تدخلينه بالوورد وتضبطين المقاسات تمام مثل هذا ..


إقتباس »
https://dl.dropbox.com/u/61471204/vi...werbunting.pdf



أو تصميم ثيم المويا تضبطينه مثل هذي المقاسات بالضبط ..


إقتباس »
https://dl.dropbox.com/u/61471204/Mo...lkaDotPink.pdf

وعلى هالاساس قيسي جميع التصاميم للمربعات وزينة المزازات .. الخ الخ.. يعني الموضوع يحتاج اجتهاد منك ببرنامج الوورد
المصممه ماقصرت ضبطت لك التصميم عليك انتي تضبطين المقاسات للطباعه واذا انتي خلفيتك ضعيفة بهالمجال مو مشكله تروحين لمطبعه او خدمة طالب يخدمونك بهالموضوع ...

ملاحظة :
جميع التصاميم الي طرحتها بالشرح مجانيه من مواقع اجنبيه يمكنكم الاستفادة منها مباشرة ..

بالنسبه لانواع الورق المخصصه للطباعه ..

يفضل للمويا والكاسات ..ورق الطباعه الامع لانه يتحمل الرطوبه ..
يفضل للكب كيك والبطاقات ..الورق المقوى الفاخر لانه يبقى ثابت
للفازات او الشوكلت والتوزيعات .. الخ يفضل ورق الطباعه ذاتي اللصق اسرع بالشغل وانظف

باقي الثيم الورق العادي او حسب حاجتك والمتوفر عندك

كل هالاوراق المذكورة ...متوفرة بمكتبة جرير+ مكتبة طيبه + مكتبة العبيكان
بقسم اوراق الطباعه ..

اتمنى افدت الجميع ..
واعيد واكرر ياحبيباتي اذا جيتوا تطلبون تصميم
وين تطبيق شروط الطلب ماشوف الاكواد ولا توضيح للطلب ..؟؟؟
وليه ماتشيكون على الردود السابقة وتتاكدين من تنفيذ طلبك او على الاقل تشوفين التصاميم السابقة بالصفحات القديمه يمكن تلاقين شي يعجيك وتريحين راسك من التفكير وان ماعندك فكرة وش يكون التصميم...
يعني المصممات يتعبون معكم فمن ابسط حقوقهم تقدمين لهم طلبك واضح مكتمل وغير مكرر كذا مرة بكذا صفحة ماعاد نركز الله يهديكم ...

وهالموضوع مقدم لكم مجانا فلا يكون ردودكم العشوائية وعدم التزامكم بالقوانين سبب خسارتكم للموضوع ويقفلونه الادارة ..


موفقين وبارك الله فيكم

انتظركم

حياكي الله

يسلمك ربي بس مااشوف تفاعل بالمره

موضوع رائع ربي يوفقك