بنات استشارة في أرث

نصيييييحه لك ولاخواتك خذوا ورثكم ونصيبكم من ورث ابوك 
احنا توفي ابوي رحمة الله عليه وترك بيت واراضي وفلوس وسكتنا عشان امي  والله ياحبيبتي والله ما احد عبرني لا انا ولا اخواتي  واخواني كلا لاهي بحاله  اللي  يشتري واللي يبيع والفلل والبيوت والمحلات  والمشاغل  والتجاره الله يزيدهم من فضله لكن كله عذا من ورث ابوي ومن غبائنا تزوجنا وتركنا  كل شي لهم 
والله اللذي لا اله الا هو ان اذا كنا موجودين 
بالاعياد تخيلي اخواني يعيدونا ب200ريال شفتي كيف المذله كأنه يتفضل علي من ماله نسي انه من مال ابوي  وخيره 
ماينفع الواحده الا حقها الشرعي هذا شي كتبه الله لك خذيه وتمتعي بوه  تصدقي منه 
وعلى فكره امي والله ما فكرت فينا بالعكس تقول خلن ورثكن لاخوانكن وبالمهاوشً بعد 
لكن الله  فيه وربي يجازي كل واحد بعمله ،،،

يابنات البيت في ديرة ثانية وامي ساكنة في بيت ابوي في ديرة ثانية والي بيسكن فيه اخواني وحريمهم بس اخاف نطلع ولاشئ في الاخير

صادقه في نقطه الام مع عيالها واللي تقول الام ماتظلم احد

استريحي اعرف وحده تقول لبناتها خلوا الاراضي باسم اخوكم

وهم ياكلون هوى مافكرت فيهم ولاجابت خبر انهم بنات وفيهم اللي ماعرسوا

نصيحه دامه بيبيع اتفقوا تجتمعون انتي وخواتك ويبيعه وتقسمون الحلال

وبالمره بيعوا الاراضي لاتبقى كذا ومافيه اثبات بالاخر هاللي يبيع ومتحكم فيها بيورثها لعياله

عادي يا اختي قوليها لهم اذا انباع البيت توزع التركه وكل واحد ياخذ نصيبه. ومحد يزعل من كلمة الحق  واولا واخيرا هم المستفيدين اكثر منكم يا البنات 

دام امك مؤ معهم في البيت وهم يبون يبعونه عشان ينزلون في بيت ازين اجل قولو لهم يشرون نصيبكم او يباع وكل واحد ياخذ حقه.والمفروض الورث يصفى ويقسم وكل واحد ياخذ حقه ويترك البيت اللي فيه الام خاص لها