عروس ابي المساعد

السلام عليكم ً خواتي ماادري من وين ابدا.                                                                                  انا زواجي بشهر 5 ان شاء الله ادعولي بتوفيق. والله مو عارفه اسوي شي  اكبر اخواتي مو عارفه اشتري وش بذات المكياج  مادري وش الماركات الحلوه  والمهر كيف اقسمه ع كيف يكون اتقسيم وش اشتري يارب وربي محتاجه لكم تكفون بنات لا تبخلون علي. بشتري مختلطه يعني عاديه مو سمراه ولا بيضاء ابي افضل. اساس عادي و اساس برنزي  صديقات بالمدرسه يقول لي برنزي افضل شي جفنشي وش رايكم            وش الاسواق لي اروح لها بالمكياج انا مشكلتي بس المكياج امي الله يخليها لي ماتعرف من يوم رجعت من العيد متورطه بالمهر ضايق صدري احس اني ماراح اسوي شي. 🙆🙆

5 تعليق 910 مشاهدة

شاركي في النقاش

سجلي الدخول لإضافة تعليق.

التعليقات

5
  1. @nh_alaanzy

    صاحبة الموضوع
    نهى العنزي: اليوم 11:57 مساءًعروس ابي المساعد
    السلام عليكم ً خواتي ماادري من وين ابدا.                                                                                  انا زواجي بشهر 5 ان شاء الله ادعولي بتوفيق. والله مو عارفه اسوي شي  اكبر اخواتي مو عارفه اشتري وش بذات المكياج  مادري وش الماركات الحلوه  والمهر كيف اقسمه ع كيف يكون اتقسيم وش اشتري يارب وربي محتاجه لكم تكفون بنات لا تبخلون علي. بشتري مختلطه يعني عاديه مو سمراه ولا بيضاء ابي افضل. اساس عادي و اساس برنزي  صديقات بالمدرسه يقول لي برنزي افضل شي جفنشي وش رايكم            وش الاسواق لي اروح لها بالمكياج انا مشكلتي بس المكياج امي الله يخليها لي ماتعرف من يوم رجعت من العيد متورطه بالمهر ضايق صدري احس اني ماراح اسوي شي. 🙆🙆
  2. @mdaoy_alaasl

    نهى العنزي
    نهى العنزي: اليوم 11:57 مساءًعروس ابي المساعد السلام عليكم ً خواتي ماادري من وين ابدا.                                                                                  انا زواجي بشهر 5 ان شاء الله ادعولي بتوفيق. والله مو عارفه اسوي شي  اكب…
    الله يووفقك ياقلبي

    اول خطوه تسوينه تقسيم المهر تقسيمه صح
    وبعده الذهب والحجوزات من كوفيره وكوشه ومصوره
    بعده فستان الزواج


    وباقي التجهيز من ملابس

    طلعه وبيت وكماليات

    والمكياج امره سهل
    ارواج ريميل و كريم اساس شوفي ديور يناسبن فيه بيج ووردي البرونزي مااحبه يسمر انتي جربي عند المحل وشوفي مناكير تيفاني والباقي مسكره وكحل وحمره خدود ..الخ كل سعر وجودته

    والشتاء جاي تدلجي وحطي كريمات طبيعيه مثل اللوز والجليسرين مع باقي الخلطه قبل تنامين وتطلعين السوق واراح تلاحظين النعومه والتفتيح مع الوقت
  3. @bkttkm

    نهى كم مهرك عشان اقدر اقسم لك اياه
    انا بطلع بعد شوي من المنتدى لو مارديت ارسلي لي خاص ذكريني تراني نسايه وان شاءالله كل امورك بتصير تمام
    واذا حابه تعالي معنا تجمع العرايس فيه موضوعين واحد ياعروس الكون تقفل بس فيه اشياء بتفيدك
    وفيه ثاني ياعروس افرحي ليلة زفافك قربت هذا رابطه
    http://forum.hawaaworld.com/showthread.php?t=3814041
    والله يوفقك ويتمم لك على خير بس ذكريني اوكي
  4. @bkttkm

    باك للموضوع
    شوفي حبيبتي ولنفرض ان مهرك حدود 30 وان شاءالله انه اكثر

    حتى لو اقل نقصي من كل شي خفيف وسدي حاجتك بالباقيات

    الف شنط سفر من الشماسي او قزاز

    فستان الزواج اذا بالرياض روحي لمكه بتفصلين احلى فستان مايتعدى 3 او4 الاف
    بس قبل تروحين خوذي صوره مضبوط للموديل الي تبين وخليه يسوي لك اياه مثله بالتمام لايزود ولا ينقص عشان ماتحوسين شغله

    واذا بجده العماره الزرقاء رخيص تخييطهم

    الفين لبس سهرات وهذا على حسب لو انتم من النوع الي يسوي عزايم او لا والافضل اتشري واحد او فصلي واذا بغيتي بعد الزواج السوق موجود يمكن ماتنلبس حرام تنرمي

    الفين لبس طلعات فخم لايام زواجك الاولى لو انعزمتي او شي لاحد

    الفين لبس طلعات ناعم لاهلك واهله بعدين تنلبس ذي طبعا

    3 الاف لبس بيت شكلي خوذي من تخفيضات الماركات لو حبيتي عندك بيرشكا برامود جنيفر سنربوينت ستي ماكس الهرم الماركات استغلي التخفيض الحين على الصيفي

    وقمصان النوم 3 الاف بعد روحي لنعومي لاسنزا خوذي حقات الايام الاولى منها والباقيات خوذيها من الهرم وستي ماكس لو نبشتي فيه اشياء ناعمه وانيقه

    الف روب الحمام الله يكرمك لك وله وهذي محل عن محل يفرق عندك واحة الجلابيات ارخص من نعومي بكثير
    وفيه بالمحلات العاديه

    الف مفرش السرير خوذي واحد فخم واحد خوذي من الناعمات مجرد تغير فيه ب300
    700 سجاجيد صلاة وشارشفها ومعطرات لها

    الف بخور عود لشعرك مبثوث معمول لبيتك ودهن عود لك واستغلي وقت مايسون العربيه للعود والماجد والدخيل تخفيضات وروحي نص القيمه تاخذينه مع مبخرته بعلبه كبيره عندهم عرض وعند درعه بعد

    الف شموع فواحات صناديق لغرفتك خوذيها من ايكيا او اي محل وسنتربوينت عندهم بعد اشياء حلوه بلايف ستايل

    الف عطور وبتجيك هدايا لاتكثرين خوذي واحد فرنسي واحد شرقي
    وعندك روبرتو كفالي حلو وعطر بربري حلو بعد
    وهذي اظنها عند باريس غاليري

    الف مكياج على قد حاجتك

    الف عبايات خوذي 2 طراح ونقابات وعبايات من كل شي اثنين وبدون اسم يسوي تخفيض دايم
    وعند المغاتير بالعثيم حلوه عباياته

    الف اكسسوارات للبيت واحزمه للي يحتاج مع لبسك

    الفين ساعه حلوه او ثنتين وفيه الركن السويسري والدهام يسوي عروض دايم

    الف اغراض صيددليه للي تحتاجين وشوفي وشو واكتبيه قبل مو كل شوي ترجعين

    العطور والكريمات واغراض الصيدليه خليها اخر شهر قبل الزواج عشان ماتخرب
    لبس الطلعات خليه على الموديل بشهر 5 يمكن تنزل بضاعه صيفيه وبنفس الوقت بيسوون تخفيض على الشتوي اكيد
    اعذريني لو نسيت شي ولي رجعه للموضوع لاني ماعرف كم مهرك مارديتي
    اما الباقي الحجوزات وهالاشياء ماعرف بالاسعار مكان عن مكان يفرق اسالي اهل منطقتك ويدلونك
    الحين خلصنا حدود 30 الف الباقي للي ينقص واذا اقل نقصي من كل شي بس هذا الدراج الناس التجهيز
    الله يوفقك يارب ..........بقطتكم
  5. @rd_amy

    انا بعد كنت مثلك بس احس اهم شي تقسيم المهر المضبوط لا تصرفينه كله على ملابس وخرابيط خلي صرفك على حسب حاجتك
    الاحتياجات تقريبا لكل عروس
    ١- الذهب
    ٢-فستان الزواج
    ٣-الصالون
    ٤-المصوره
    ٥-ملابس النوم
    ٦-ملابس البيت
    ٧-ملابس الطلعات الرسميه حقة العائله والصاحبات
    ٨-ملابس سهره ومو كثير فستانين يكفي
    ٩-الجزم والشنط والاكسسوارات
    ١٠-العطورات واغراضك الشخصيه
    ١١-العبايه وملابس الحجاب للسفر ورووب الحمام
    ١٢-مفرش غرفتك
    المكياج روحي ل سيفورا
    من سيفورا في اساس رائع قولي له ابي اساس يومي واللي ينحط تحت الاساس
    اللي ينحط تحت الاساس فيه منه شفاف وفي منه مثل لون البشره وهو يغني عن الاساس خفيف ويجنن بحاول اصوره لك
    وعندهم ارواج وكل شي ادخلي واختاري بس ترى ٢٠٠٠ بتصرفينها على المكياج حطي براسك هذا الشي

    بس مابراسي شي ثاني

تابعي تجارب أخرى من هذا القسم.