حقوق المطلقة اذا كانت تربي ابناءها من طليقها

اذا القاضي ما يحكم عليه بالعدل
هي تاخذ حقها وبقوة وفوقها حبة راس
لا وبعد احترام الطليق لها واحترام اهله لها بعد
مو من يطلقها تسجد على رجوله وتذل نفسها وتصيح عيالي ابيهم ابيهم تكفى لا تاخذهم
وهو يمثل عليك الا باحرمك منهم
تدرون ليه يمثل علشان تقول له ما ابي نفقة ما ابي شي بس الله يخليك خليهم عندى لا تاخذهم
طبعا انا ما الومها حشاشة جوفها عسى الله لا يحرم ام من ضناها ولا تدعون علي اني اذوق ما ذقتوا فوالله ما اردت السخرية ولا الشماتتة بل النصح من محبة لحبيبتها
لكن اقول زي ما يمثل ما راح يضرك قولي الحمد لله احسن زي ما جيتك رجعت ربي انت وانا القى الي يعرف قيمتي ودور لك على مرة تربي لك ولا تدري عنك وتاخذك
ساعتها يبدا التنازل لو تصبرين بس والله ان يعطيك اياهم ونفقتهم وحتى السكن يوفره لهم بس اعرفي كيف تاخذين حقك
ترى الرجال يعرفون المره وقوايتها وثقتها وضعفها ويدرون ان التربية تعب ومشقة وكبد وانهم مستحيل يربون مثل امهم
المطلوب معرفة نقاط ضعف طليقك ونقاط قوته وبدون اي انفعال تاخذين حقك
الي عندها حل تزيد الين يكتمل تقريبا ساعتها نجمع الموضوع بنقاط
تراي ما ني مطلقة وماني صاحبة المعرف أنا أمها
بس والله من كثر ما اقرا قصص المطلقات بعد الخلفة وتزمت الطليق وشحه وقوايته على طليقته وسكون المطلقة وتسليم امرها بدون نقاش وتفاهم على النفقة والمسكن اتمنى ان تستفيد ممن سبقنها
وليش القاضي ما يلزم الطليق بالسكن الخاص خاصة ان كانو ثلاثة فما فوق فليس كل الاهل مستعدين يستقبلون اولاده اما نفسيا او
ماديا او لظروف خاصة

الله يكون في عون المطلقات

مع احترامي لكل المطلقات
الي تربي عيال طليقها
تعتبر غبيه
هذي وجهة نظري

القضاة يبي لهم قضاة ..