السلام عليكم
خواتي انا مالي فالمقدمات
لكن والله مدري من وين ابدى
انا تعبببببببببانه نفسيا من وضعنا الاسري
من وعيت ع الدنيا واحنا فمشاااكل
ابوي اكبر مصدر قلق وتعب نفسي فالشرق الاوسط
اااه متعببب جدا جدا بدرجه ماتتصورونها
يخرررررع هو اساسا مريض نفسي
طبعا مايتعالج لانه مايشوف عنده اي مشكله
ولو نقوله تعالج احتمال يطردنا من البيت
السالفه انه سبب لجميع اهل البيت
امراااض نفسيه موب صاحي والله مسكين
طيب احنا الحمدلله ع كل حال ولااعتراض ع
قضاء الله وكل سنه نقول بكرى حتفرق(تفرج)
ومازلنا نقووول ان شاالله
لكن مااعرف ايش اقولكم
اللحين احنا كبرنا اصغرنا اختي ع 22
ومازالت المعاناة ولاحول ولاقوة الا بالله
طبعا مسكين اللي حولنا كارهينه سبحان الله ماله قبول
فصاير 24 ساعه بالبيت باستثناء العصر
فاتح له بقاله ويروح هناك
احيان ارحمه واحيان اكرهههههه
ماتدرون ايش الاثر النفسي اللي
مسببه لنا عصبي جدا جدا
مافي طلعات الا بالعزر ومشاكل
علما انا مانطلع الا للضروره القصوى
وانا من فوق 5شهور ماعاد طلعت
اشتهي اطلع لكن اتذكر المشاكل
اللي بتصير اقعد وانطم
حتى ماعاد لي نفس فالطلعات والاسواق
حتى مع غيره
احب اطلع اشوف الناس وهم داخلين وطالعين
من السوق وانا فالسياره
ولا ابي اشوف احد ولا احد يشوفني
وغير كذا عندي مشكله ثانيه
غاثتني ذاالايام
فصايره الفتره هذي مجهههده ومتعبه جدا
مدري شالحل
فكرت بعد تعب شديد الخلاص من الوضع هذا
وقلت الزواج هو الحل باذن الله
انحش من ذالبيت
احب اقولكم انا ع قدر من الجمال
بشهادة الجميع وخلوووقه بشهادة الجميع
والحمدلله
لكن للاسف مافيه خطاب اللهم 1
من خمس سنوات ورفضته بسبب امه
طبعا تعرفون طموح كل بنت تاخذ واحد
كامل والكامل الله
كنت اتوقع بعد ماخلص الثانويه الاقي
نفسي متزوجه
حتى زميلتي ايام الثانويه قالت لي ماخطبك احد
هاليومين قلت لها لا قالت متاكده غريبه
ناس سئلونا عنك وعجبتيهم
قلت شسويلهم عاد كيفهم
خلصت الجامعه
والان عمري 29
طبعا كان طموحي اتزوج واااحد وسيم جدا
وطيب حيل والناس تحبه وظيفته حلوه وكريم
ويممووت فيني وينسيني السنين العجاف
وجلست سنوات انتظر فارس الاحلام
ومازلت لكن مع كثرت الطفش والهم :tongue3: تنازلت عن
الوسامه
وبعد فتره تنازلت عن الطيبه مع الناس
طز اهم شي معي
وشيئا فشيئا :icon19: قلت وش فيه المطلق
وبعدها اقنعت نفسي بالمسيار
ثم قلت وش فيه الشايب :rolleyes: يبسطني وابسطه
عياله متزوجين وقاعد برويحاته :rolleyes:
احيان اتمنى مره واخاف اموت لاقدرالله وانا ماتزوجت
تفكيير تفكيير وتعب
بعدها قررت وعلى مضض اطلب من خطابه تساعدني
قمت وارسلت رساله لخطابه اثنو عليها كثيير هنا بالمصداقيه والخوف من الله وقلت لها
لو سمحتي ارغب بزوج غني وخلوق وكريم
قامت ارسلت لي (نعم )
مدري كذا الناس تدورلها رجاجيل او لا
قمت ارسلتلها (وشو نعم )
ولاعاد ردت ولاعاد ارسلت
ابغى ارتاح مع انو والله اشياء كثيره ماصار لها اي متعه عندي
ابغى الراااحه والحمدلله ع كل حال
اللي ابغاه منكم حل ثاني غير الزواج
رجاء صلي اقري قران استغفري ادعي ارقي نفسك فيك عين فيك بلا خلاص
اطلعي لقرايبكم هذي كلها اعرفها
وسويتها
الزواج مو كل شي وفلسفه بلاش منه
انا عارفه مو كل شي لكن الظروف احيان
يمكن يكون حل ان شاالله
شاركي في النقاش
سجلي الدخول لإضافة تعليق.
التعليقات
8- الله يرزقك اختي عليك با الاستغفار وقيام الليل وتصدقي لو بريال
- احسك. مُحبطه كارهه حياتك يائسه مافي حسن ظن بالله
تخرجين من بيت اهلك بحل ،،،،، اكيد مافي غير الزواج
تأكدي اختي منتي رايحه من هالدنيا الا وانتي ماخذه اخر لقمه من رزقك اللي الله كاتبه لك
اكتشفت الجمال مو كل شي ،،،
النصيب والحظ والرزق يلعب دوووور كبير
معليش بقولك وبقولك
اكثري من الاستغفار وقومي الليل لو بركعتين
الدعاء لايفارقك ،،،، - المشكله تدورين الغني لو تدوري واحد على قد الحال كانت فرجت
- مشكورين
حبها سعودي انا ماقلت الوليد بن طلال
اللي اقصده واحد يعوظني شوي يطلعني بدون صرراخ محترم
اذا اشتهيت شي يشتريه عطر شنطه
يغطي مصاريف بيته هذا اللي اقصده
ماطلبت يهديني يخت او طياره - وعليكم السلام
بصراااحه احسني الظن بالله وتفاءلي بالخير
اقولك استغفري اكثري منها وقومي الليل وتصدقي وحافظي ع صلواتك وانسي الدنيا وهمومها ومشاكلها
خلي همك رضا الله والاخره خليكي قريييبه من الله رب العباد صدقيني رااح تشوفي عجاااايب اكثري من اعمال الصالحه
الحل الثاني زواج مو كل شي
عندك موهبه اشغلي عليها مثل خياطه الرسم او الرياضه او احفظي القرأن الكريم او تعلمي انقلش او الفوتشوب
وبسس الله يفرج همكم
مواضيع مشابهة
تابعي تجارب أخرى من هذا القسم.