رأيكم بمشرووع كويس لزوجي

موفقين

أقدر أوفرلك بخور وزعفران وسكاكين مميزه تباع عند أي جامع وتمشي بيومها ماتقعد

وأقدر أوفرلك عسل طبيعي إنتاج سعودي 100% من مزرعه بالشرقيه وبأقل سعر وبإذن الله رح تطلبون منه مره ثانيه وثالثه.

وخاصه الي رح يتاجر رجال صدقيني مارح يخسر غير وقت بشمس أو برد

حتى أجار محل مله داعي

الله يوفقكم

اختى هي بالدرجة الاولى تعتمد على متطلبات المحيطين بك
مثلا ذا المبلغ اللي عندكم كبير جدا
الان فيه ازمة سكن
اشترو عمارة واجروها
واذا بسيط
برضو شوفي اللي حواليك محتاج وشو واشتغلي فيه
انا مثلا
خواتي فية اشياء بالنت يشوفونها ومو موجوده في منطقتنا او انها موجوده لكن مايقدرون يجيبونها لاسبابهم ....المهم
يشوفونها ويقولون ما ادري من وين يجيبونها وهل فية مثلهم هنا ووو
انا اقول لهم اقدر اجيبها لكم
اجمع طلبيات
وادخل النت وادور على اقل سعر يبيعونه طبعا جملة
واتفق مع التاجر/ه واجيبه لاخواتي او اقاربي او معارفي بسعري انا الجديد
بس
مره مثلا دخلت في مجال ( بس طلعت منه لانه تعب علي ولا فية احد يوديني)
تعرفين خبز الرقاق نسمية احنا خبز التاوه او المسح
فية وحده تسوية ما شاء الله وتلفه يكون اسطوانه وباتقان ونظافة
وانشهرت وعليها طلبيات
تبيع الكرتون فية 4 أكياس وكل كيسه فيها 20 حبه بـ 45 يال
انا اخذه منها ب 40
وابيعه بـ 55 لمنطقتي لان مكانها بعيد وصعب يروحو وكنت انا اجيبه لهم
وفعلا لله الحمد ربحت منه
لكن تركت الشغله هذي
الوالده مثلا
اجتماعية
واغلبيه اللي تعرفهم مايحبون يروحون اسواق وووو
لذلك نوعت لها بضاعه من كل شي وشرتها وادخلت مجال التجارة
والحمد لله امورها طيبه مع ان نسبتها قليله جدا ...لكن الحمد لله قنوعه ربي يبارك لها
تشتري مثلا عطر جمله 50 للحبه
تبيعها 53 ريال
تقول 3 ريال بركه
اذا خذت اكثر ماراح احد يشتري
يعني بالمختصر
شوفي اللي حواليك ايش محتاجين وحاولى تدخلين في هالمجال
وبالتوفيق اختي