السلام عليكم والرحمه
عندي موضوع او بالاصح مويضيع صغير بخصوص بنتي عمرها 3 سنوات
بنتي ماشاالله تبارك الله تقدرون تقولون مؤدبه وخلوقه اذا زرنا ناس لاني معودتها ماتلمس شي بسفرة الحريم
بس هالشي يحز بخاطري اذا شفت غيرها
يعني مثلا امس حطت الحرمه الي زايرينها حلى وووو مع القهوه
وللاطفال سفره لحالهم
بس مع كذا جو الاطفال عند الحريم ويهجمون على سفرة الحريم الي يمطرس وياخذ من ذا وذاك وامهاتهم لا حس ولا خبر تسولف ومخليه بزرها برااااحته يحوس
وبنتي لا
تجي معهم بس ماتاخذ ولاتلمس شي تقول عطيني ياماما واعطيها
ولما يروحون تروح معهم ويرجعون يحوسون السفره حتى مايكون لي نفس بالي حاسوه تنسد نفسي
ولما بنتي تطلب من الي موجود اقولها لا خلاص اكلتي
لاني اولا ماابغاها تاكل حلى الا بالمعقول
وثانيا ماابيها تتعود تاخذ من سفرة الحريم والاطفال حاطين لهم سفره لحالهم
وبنفس الوقت لما اقولها لا خلاص حبيبتي اجلس اندم واقول احس اني معقدتها مااخليها تمد يدها وتاخذ زي الاطفال
دايما تطلبني انا اعطيها حتى بالعشا الاطفال يجلسون يبكون يبون ياكلون من نفس سفرة الحريم وبنتي اعيي عليها تجلس تناظر فيهم وتاخذ صحنها وترجع برضاها واكون وضحت لها الموقف انه هذولا مو شطار ومايسمعون الكلام
ونفس الشي اجلس افكر واتحسف ليش كذا احس بيكون بعدين عند هالاطفال انطلاق وثقه بانفسهم وبنتي لا اخاف تتعقد من هالشي
آرائكم بهالموضوع هل انا على صح ولا اسلوبي مع بنتي مو كويس:frown:
وشكرآ ..
شاركي في النقاش
سجلي الدخول لإضافة تعليق.
التعليقات
10- بالعكس تربيتك رووووعه
نفسي لما تكبر بنتي تصير زي بنتك ماشاء الله
احنا اتذكر امي ربتنا كذا وشوفينا ماشاء الله مافينا شي
انا اكرررره الاطفال الي يجون ع سفرة الحريم
بلييييز خبريني كيف بديتي تعلمين بنتك من سن كم وكيف ...؟! - ماشاء الله الله يخليها لك
لاتخافين إن شاء الله مابيأثر عليها
احب المؤددبين اللي كذه - كل الحياة
مشكوووره بس ارحمها اذا شفت غيرها
ومن ناحية باي عمر بديت من وقت بدت تحبي صحيح ماكانت تفهم الكلام زين بس تعرف بالاشارات بسم الله عليها
واذا كانت بنتك ماشاالله ذكيه بتفهم عليك مره مع مره بتعرف وعوديها اذا قربت للسفره قولي خطأ وحطيها جنبك مو وراك وعطيها انتي واذا كبرت شوي بتكون تعطينها بصحن لحالها
تربية الاطفال صعبه والله يقدرنا
توليب الطائف
جزاك ربي الجنه ان شاالله مايأثر - أختي بكل صرااااحه أسلوبك بالتربيه
حلو وراقي و واعي ماشاء الله عليك إستمري ولا عليك من بقية الأطفال
بسسسس فيه نقطه مهمه لازم لما توصلين لبيتك وتروقين تمسكين بنتك وتتكلمين معها
بخصوص تصرف هالأطفال وإثني عليها وشجعيها قولي يا ماما أنا مبسوطه
إنك بنت مؤدبه وماتسوين شقاوه مثل هالأطفال قولي إلي عملوه غلط وأكيد الناس
بيضحكون عليهم وبيقولون ماشاء الله على فلانه أموره ومؤدبه وتسمع كلام ماما
بهالطريقه بتخلينها تنبسط وتقتنع من تصرفها وتفخر فيه وتتعود عليه وتبيض وجهك
الله يحفظها لك يارب وأكبر غلط إلي تروح لناس وتخلي عيالها يحوسون وعلى راااحتهم
يتصرفون أعتبرها قلة ذوق و وعي الله يهديهم لإني عانيت من ناس جوني
وعيالهم كذا الله يعافيهم ولا يبلانا - ماشاء الله عليك اسلوبك حلو وراقي
مواضيع مشابهة
تابعي تجارب أخرى من هذا القسم.