يسعد مساكم غالياتي
اخواتي والله ضايقه فيني الدنيا نفسيتي دماااااااار من بعد ماولدت والسبب كله من هالخياطه
انا بكريه وكنت احسب إن نهايه همي هو ولادتي وراحتي من الثقل والتعب مادريت إنه ينتظرني هم اعظم واعظم الله يكتب اجر هالحريم
وماضيعني إلا كلمة يمدحون
دلوني بنات ع مستشفى ومدحوا لي الدكتوره وفعلا ما ألوم الناس في مدحها لأنها تخدع مرضاها بكلامها المعسول لكن للأسف ليتها كانت متقنه لعملها مثل إتقانها للنفاق
وكان قدري إنها تولدني وتخيطني
والله يابنات مانصحتني ولانبهتني ولاجابت اي طاري بخصوص الإهتمام بجرح الخياطه يعني طلعت ع عماي
لكن مو هنا مشكلتي
مشكلتي كانت في ان خياطها اي كلام من جد لماشفته تعبت نفسيتي بس قلت ممكن كل الخياطات كذا
لكن ما مر 5ايام من نفاسي إلا وكم غرزه انفتحت من جهة الفخذ وكانت جدا جدا مؤلمه
رجعتلها بعد اسبوع قالت استخدمي ميبو وحتشوفي إن الجرح بيلتأم
استخدمت ميبو لمده شهر والجرح مثل ماهو لدرجه اني كنت ما اعرف اجلس ولا حتى امشي بسبب هالجرح
في الأخير رجعتلها واصريت عليها تعملي خياطه
المهم رجعت خيطتني من جديد وعذاب من جديد وياليتني ماتخيطت عندها لأنها خدعتني و قالت بس باخيط الجرح إلي انفتح يعني باقي الغرز إلي التأمت ماراح تقربها
وبس بدأت الخياطه اشوفها اخذت وقت مو سهل فسألتها قالت اضطريت ارجع افك الخياطه كلها عشان يجي شكلها مرتب .....ياربي محد طلبها بجد انقهرت وليتها صادقه إن الغرض يكون شكل الخياطه مرتب
والله بس رجعت البيت واناظر فيها جاتني صدمه الله يرضى ع الخياطه القديمه والله بجد اثبتت فشلها بهالخياطه
بس رضيت وسكت قلت اهم شي ينقفل الجرح وارجع اجلس طبيعي وامشي طبيعي مو مهم الشكل
لكن ياحسرتي رضينا بالهم والهم مارضى فينا
كلها ثلاث ايام والاقي هالمره مو غرزه انفتحت لا
لأن خياطتها رديئه وبسبب انها عادت الغرزه كذا مره في منطقه وحده وشدت الجلد بقووووه لقيت إن الجلد إلي حولها بدأ يتمزق وبدأ بفتحه صغيره ويوم عن يوم بسبب شد الجلد ع هالمنطقه تكبر الفتحه خلاااااص بأنجن ماعاد ابي اشوف الخياطه ابعدت المرايه من عندي وحلفت ماعاد اشوفها لأن نفسيتي خلاص من اشوف الجرح تتعب واقعد يومي كله إكتئاب وبكا
طبعا بعد خياطتها الثانيه طلبتها رقمها واعطتني اياه وكل مادقيت عليها ألاقيه مفصول من الخدمه فشكيت انه رقمها
فدقيت ع المستشفى وطلبت رقمها طلع غير الرقم الي اعطتني ودقيت عليها وارسلتلها مسجات لكن تطنيش انا مستحيل باقي ارجع اتخيط عندها بس ودي استشيرها لأني بجد احس نفسي ضايعه مو عارفه وش اسوي خلاص نفسيتي تعبت بجد مو عارفه وش اسوي الآن لي شهر ونوص من ولدت ومددت جلوسي عند اهلي لحد ما اطيب من الخياطه الثانيه بس ياحظي لاني طبت ولاني سلمت من ترقيعها للمره الثانيه بجد محتاره مو عارفه وش اسوووووووي
بيتي في الرياض وش تنصحوني ارجع بيتي واشوفلي دكتوره ممتازه تعيدلي الخياطه وهل بيعيدوها لي وانا مرتين تخيطت
وإذا بتعيد الخياطه بتقولي انتظري وقت لحد مايطيب الجرح ولا كيف ارجوكم لا تبخلوا علي بخبراتكم وإذا فيه دكتوره ثقه تنصحوني فيها بأكون لكم من الشاكرين
الشي الثاني زوجي ماخبرته ان الخياطه انفتحت للمره الثانيه شوركم اقله ولا لا
كثير نصحوني ما اخبره عشان لا يبدأ يوسوس وتكبر في راسه
بس بجد انا افكر فيها ليش مو من حق الحرمه ان زوجها يشاركها ألمها ويحس فيها هذا اكثر شي ممكن يسويه
بجد محتاره
طبعا المستشفى اسمه غدران في الباحه والدكتوره رجاء فتحي
تمنيت لقيت تحذير من احد قبل لا اطيح فيه بس يالله الحمدلله ع كل حال
وإن شاءالله بانزل بعدين قصة ولادتي فيه وباكون منصفه وبأذكر إيجابياته وسلبياته وإللي للأسف كانت تغلب على إيجابياته
شاركي في النقاش
سجلي الدخول لإضافة تعليق.
التعليقات
30- بذمتك انتي تعانين من نفس الطبيبه وترجعين لها
يااماما الغلط عندك خلاص جربتيها مره مانفعت غيريها - سلامات و الله انا رايي ترجعي الرياض و تشوفيلك دكتورة ممتازه و تروحي تكشفي و هي تقولك ايش الحل
و بالنسبه لجوزك البنات هنا كلهم حيقولولك لا تقوليلو عشان لا يفكرك خربانه و مدري ايش
انا بالنسبه ليه زوجي بيدري عن كل شي و بيروح معايا كل مواعيدي
اصلا احنا لما نجي نقرر اي شي نقرر سوا - ايوة و انسي الدكتورة اللي خيطتك و لا ترجعيلها
- اولا هدي نفسك
والحمدلله على سلامتك وربي يباركلك فيما اعطاك
انفتاح الخياطة يرجع لعدة اسباب
1- عدم إجادة الطبيبة لعملها
2- عدم إستخدام الخيوط المناسبة للجروح الداخلية لأن خياطةالداخلي بخيوط غير الجرح الخارجي
3- لأن المنطقة من أسفل منطقة لينة تجلسي تشد مرة وتوقفي ترخي فسهلة تتفتح
الحل بأذن الله لا تستشيريها ولا حاة طالما انتي شايفة الدكتورة مافادتك
علمي زوجك عن الجرح وقوليله تبغي طبيبة نسائية ممتازة في مجالها
ثانيا لمن ترجعي الرياض في كثير ممتازات هناك اختاري طبيبات مستوصفات العقالي ممتازات جدا في مجالهم لي عشر سنوات عندهم
خذي موعد للعلاج وعالجي الجرح والالتهابات الناشئة وبعدين اطلبي خياطة تجميلية داخلية وخارجية - ياليت ذكرتي اسم الدكتوره لانروح لها ننغش مثلك
وانصحك تغيريها
مواضيع مشابهة
تابعي تجارب أخرى من هذا القسم.