(التجمع الثاني) للي يعانووون من سكر الحمل >>>>حياااااكم

السلام عليكم ورحمة الله وبركاته..

حبيباتي الله لايحرمكم الجنه قولو امين...

افيدوني جزيتم خيرا انا هذا حملي الثاني الله يتمم على خير بأذن الله...

الاحظ في حملي الثاني عجزت اضبط السكر مع اني دخلت المستشفى وتنومت

وجلست اربع ايام والسكر عالي ماتضبط ونفسيتي تعبت وطلبت خروج ع مسؤليتي

حملي الاول ماشاء الله ماكان كذا كان السكر مره مضيطته والحين لا وانا خايفه بقوه

لانه سمعت انه ارتفاع السكر يسبب تشوهات للجنين وافكر اروح انزله..

من صار لها كذا وبقدرت رب العالمين طفلها جاء سليم وهل فعلا انه حمض الفوليك بأذن الله اذا الواحد استمر عليه يقي من التشوهات ارجوكم تفاعلوا معي..

الله لايوريكم في ذريتكم مكروه...

مشكلتي يابنات مااكل حلا ابدا اصلا اكره الحلا خلقه ومره نفسيتي تعبانه خااااايفه بقوه انا السكر معاي من قبل يعني مو سكر حمل واخذ انسولين انا اللي موترني اول حمل لي ماكان سكري كذا كنت مره مضبطتها بس حملي الثاني مادري عيا يتضبط ينخفض واضطر اكل عسل عشان يرتفع واذا ارتفع مصيبه برتفع بقوه وبعدها اجلس ابكي صرت احلم كثير نفسيتي دمااااااار خاصه انه لما قالتلي وحده ارتفاع السكر يشوه الجنين يارب رحمتك لاحول ولاقوه ساعدوني وطمنوني تكفون هل حمض الفوليك يقي بأذن الله ومن صار لها مثلي وولدت طفل سليم بقدرت رب العالمين
طيب تنصحوني انزل الجنين والله ماني عارفه وش اسوي

كم تمشون باليوم هل بعد كل وجبة والا كيف ؟؟؟ وكم المدة نصف ساااعه او ربع ساااعه

اختي صفحة امل انا اللي معي سكر حمل يروح بعد الولادة بس ممكن يصير سكر دائم
انا هذا حملي الثالث وما يصيبني السكر الا مع دخولي الشهر السادس
بس انتي أكثير من الاستغفار ولا تنزلي الجنين ولا شي
أتكلي على الله وروحي سوي ألتراساوند وراح يبين معك اذا الجنين سليم او مشوه وان شاء الله ما فيه غير العافية
ونصيحة اختي بعد الوجبة امشي لك لو نص ساعة حتى تحرقي من السكر وينزل ولا تأزمي حالك ولا شي
أمي اذا وسوست وحطت فكرها كله على السكر يرتفع عندها فأنتي شيلي التفكير منك واتكلي على الله ومثل ما قلت لك سوي ألتراساوند 
انتي في اي اسبوع اختي ؟ وتاخذي ابر أنسولين او معتمدة على حمية ؟ روحي لدكتورتك افضل لان اذا مرتفع السكر عندك وما تاخذي ابر أنسولين راح توصف لك الإبر وان شاء الله ما فيه جنينك الا العافية

اختي : عسلة انا عن نفسي امشي بعد كل وجبة نص ساعه بس صار لي يومين ما امشي لان سكري ينزل بسرعة يعني بعد الساعتين يكون في السبعينات