تزوجت صغيرة وندمانه//اكتفى من الردود

الحمد لله على كل حال عيشي حيااااتك يا اختي وانبسطي مع عيالك وزوجك

الزواج المبكر او المتأخر كله له عيوب ومميزات

الزواج المبكر حلاته انو الوحده تعف نفسها وهذا احلى مافيه
واذا جابت عيال لما يكبرو ويتزوجو هي تكون لساتها بشبابها ^_^

عيوبه انو لو تزوجت بسن 18 وعدا على الزواج 20 سنه يكون عمرها 38 وهي بأوج شبابها واحتياجها للكلام الحلو والغزل والدلع بيكون زوجها شايف انو خلاص كبرتو على هالكلام وفي رجال يبغو يجددو شبابهم بوحده اصغر منها

والي تتزوج بنهاية العشرين وبدايات الثلاثين حلاته انو لما يعدي 10 سنوات على زواجها وهم بالاربعين تلاقيهم لسا كانهم عرسان وعيالهم صغار وراح يكون فيهم الحيويه والنشاط

لكن عيبه انو الوحده بتكون متخوفه لازم تحمل بدري وتجيب عيال قبل سن الاربعين وبيكون عليها ضغط


لكن احمدي ربي والله انك بنعمه ماشاء الله تبارك الرحمن

دام زوجك ابن حلال ويخاف الله فيك هذي نعمه كبيره انتي كبيره عايشه فيها

انا عمري 29 وربيي مااراد لي الزواج ولله الحمد على كل حال

وانا مدلعه اخر دلع عند اهلي خادمه وسواق ومصروف شهري مدلعه والكل يحترمني بالبيت ماشاء الله تبارك الله لكني فوق هذا احس بنقص كبير بحياتي
لاني مااملك لازوج ولااطفال
وتعرفي حنا بنات ولنا احتياجات ولازم تهذب وصعب تهذيبها بذآ الزمن لكن الواحد يتحمل علشان ربي يرزقه

والله يوفق كل المتزوجات ويعينهم ويسخر لهم ازواجهم ويبارك لهم بذريتهم
ويرزق على البنات بالازواج الصالحين

اله يعييييين

لاتعممين ياختي مو كل وحده عايشه ببيت اهلها انها ماتقدر تطلع لاي مكان ولاتزور صحباتها ولا تطلع لنادي ! صراحه استغربت من اسلوبك الهجومي !!!
البيوت مو مثل بعض والناس مو على طبقه وحده
انا عادي اطلع للسوق وقت ماابغى واطلع مع صحباتي واعزمهم بقسمي بالبيت واجتمع ببنات قرايبي ونسهر للفجر في بيت وحده منهم ومتطوعة بجمعية ونسوي حفلات للاطفال بالمستشفيات
ولااطبخ ولا اسوي شي بالبيت الا اذا جاء ببالي اطبخ طبخت كهوايه
والحمدلله على منه وكرمه الله لايغير علينا ماشاءالله ولاقوت الابه
وع سالفة الجوال البنات بالمتوسط والثانوي اغلبهم معهم جوالات

اما الي تقول من مميزات الزواج صغيره انها تلعب مع عيالها
طيب كل الامهات يلعبون مع عيالهم ماهي ميزه يعني بالعكس الام الكبيره احن على عيالها من الام الصغيره وتراعي مشاعرهم اكثر اللعب ماهو كل شي بالتربيه بالعكس الام اذا كانت كبيره تراعي نفسيات اطفالها تكون فاهمه ومن واقع المجتمع الي حولي اشوف الام الصغيره تتعامل مع عيالها اكثر شي بالضرب والتهديد الله المستعان
الخلاصه :لكل شي مميزات وعيوب