شو الحل ؟؟؟

من جد ياليت نعرف وش فايدة حثالة القهوة؟؟؟لأنها هذي المرة الثانية اللي أسمع فيها بالمنتدى؟؟
ومشكورة وجزاك الله الجنه

ريوده بنت الكويت... مدمنة خلطات.....ورقة نعناع..... dot_com

شكرا لتفاعلكم .. و الله يا أخواتي حالتي النفسية زي الزفت .. عرسي بعد شهر و عندي مشاكل الدنيا ..
ترهل وااااااااضح و تشققات و هالحبوب .. أحس انه رح يقرف مني و ما يقرب علي .. الله يعين

افااااااااااا عليك ليه كل هذا ؟؟؟؟
خلي ثقتك فووووووق حتى لو ناقصك شي...
أعرف بنت فيها حساسية بوجهها كثيرة وعند نفسها مافي أحلى منها..يعني ثقتها في العلالي
وتلقين بنت حليييييييوه ومافيها إلا حبه صغيرة مثلا بخدها ومكبره السالفه وتقول أكيد الكل راح ينتبه لها أكيد راح تشوه من منظري وأصلا محد جاب خبر الحبه أو الحساسيه....
يعني الثقة ثم الثقه ثم الثقه....
أنا قبل الزواج نفسيتي دماااااااااااار بسبب الشعر اللي في ظهري وأقول وشلون إذا شلته راح يكون مكانه حبوب!!وقضيه حتى أخذت محاضرة من أختي....خلتني الحمد لله مو عشان شي بسيط أحطم نفسي وأتخيل ان هذا المكان اللي راح يلفت الجميع ووووووتخيلات..
أدري طولت عليك بس رفع ضغطي كلامك يوم قلتي راح يقرف مني...
الله يوفقك ويسعدك ويرزقك دنيا وآخرة...أختك

صراحه ما عندي حل لها بس انا عندي حبوب حمره ومسامات واسعه جدا في ريلي ما ادري اذا هي نفسها اللي بالمؤخره انا احينه استعمل الرتن اي على ريلي املا انها تخف

اما على سالفت العرس فلا تحاتين فديتج خاصه بهالفتره لان انا قبل ما اعرس كنت جي احاتي كل شي كيف بيجوفني ريلي بعيبه ولا لاء خاصه ان عندي strech marks اللي هي التشققلت البيضاء اللي بالجسم وبلاوي لين ما ظربتي حساسيه وحبوب بجسمي كله كله حتى على جفوني وها قبل العرس باقل من اسبوع و سرت لعياده تخصصيه قالي الدكتور ان ها من الخوف والتفكير الزايد فلا تغلطين غلطتي والحمدلله ريلي ما لاحظ شي لان الرياييل باول ايام العرس ما يركزون على كل شي هم فبالهم اشيا أكبر من حبوب وتشققات وغيره
ولا تحاتين فديتج وخليج ريلاكس سيري لعياده او يمكن ينفعونج البنات ان شاء الله وتحلين هالمشكله بس حاولي تبتعدين عن الموس وجربي المكينه اذا خايفه من الترهل لان الموس يطلع حبوب
وهالله هالله بالتغذيه الصحيه والنوم الكافي ولا تنسين شرب الماي بكثره والرياضه لانها تطرد السموم من الجسم وتخفف من التوتر والضغط النفسي ولا تنسين الاكثار من الدعاء وخاصه في قيام الليل
والله يوفقج ويسرلج امورج ان شاء الله ويألف بيبنج وبين ريلج ويجملج بعيونه ويطرح فيكم البركه ويرزقكم الذريه الصالحه ان شاء الله

الله يعلم كلامكم رفع لي معنوياتي .. الله يسعدكم و يوفقكم يا رب