الجاثوم ينكد علي نومتي

السلام عليكم ورحمة الله وبركاته
كيفو ياحوائيات الصراحه مدري وين اكتب الموضوع قلت مالي الى العام
انا اعاني بشده من الجاثوم بسم الله
باقولكم عن حالتي اول انا ماكنت اعرف الجاثوم ابد قبل زواجي ابد الا مره جتني كتمه وجاني باصوات اهلي وبالاخص ابوي واختي كانهم يصارخوون وبعده طلع الجاثوم يعني ماحسيت بحركته ابد بس صوت و ماكنت ادري انه جاثوم وبعد زواجي طفشت منه كل يوم يجيني انا لي سنتين ونص متزوجه وماييجيني الا لانمت الحالي طبعا تعودت عالوضع بس مره جاني وانا اسمع خطبة الجمعه فاتحه الدريشه وغفيت وجااني زي الصرير بالاذن وقمت اصيح من اذاني ومره جاني كنت حامل لي 5 شهور بالليل كان زوجي تحت عند اهله وكان اول مره احس بوجوده والله يابنات حسيت انه فتح الباطنيه وكتم ع انفاسي بتكلم عجزت وبعده طلع وكان شخص ثاني دخل بسم الله والله يابنات اني اسمع باب الشقه انفتح بالمفتاح وانكتم مره ثانيه لين قدرت اقول بسم الله ليين راح اعوذ بالله منه وقمت زي الخبله اصيح لدرجه زوجي انهبل وذيك اخر مره جاني فيها الحمد لله جبت ولدي وماجاني ابد قلت الحمدلله ولدي معي اكييد ماراح يجيني لاكن اليوووم هي اللي انجنيت منه تخيلو حاطه قناة الرقيه الشرعيه ونايمه بعدها جت صاعقه وطفيت التلفزيون ونمت وفجأه انفتح الباب عبالي زوجي وبقوم عجزت قلت بنفسي وش ذا العجز وحسيت كان احد ينط بالسرير وبعدين طلع وانفتح الباب مره ثانيه وعجزت اقوم عرفت انه الجاثووم وخفت وفتح الدرج ومشط بمشط زوجي وقدرت اقوول بسم الله لانها كانت ثقيييييله بلساني والله يابنات انه قالي الله يلعنك وطلع وقمت اصيح ومارتحت لين صليت والساعه كانت 8 الصبح وانا ماصليت الفجر

الخلاصه ليش جاني بعد سنه ونص من الراحه مع اني قاريه اذكاري
وش معنا ماجاني الا يوم حطيت قناة الرقيه يعني اول مره انام وانا حاطه قران :-)اخاف فيني شئ

85 تعليق 11,212 مشاهدة

شاركي في النقاش

سجلي الدخول لإضافة تعليق.

التعليقات

80
  1. @anaml_naaamh_2

    لامو معناها فيك شي
    هو يجي لاغلب الناس
    بالنسبه لي نكد علي حياتي فتره طوييييييييله وانقطع لما حملت وطول الحمل ماعرفته
    وقعدت سنه بعد ماولدت ورجع لي
    لي الحين سنه يجيني على فترات متقطعه ويجيني بالنومه مرتين او ثلاث يعني تعذيب
    بس صرت اشغل سوره البقره جنب راسي وانام احلى نومه
    لاحظت ان له فتره ملازم زوجي كل يوم او يومين يجيه والحمد لله لي كم اسبوع مرتاحه منه

تابعي تجارب أخرى من هذا القسم.