ابو زوجي وتسلطه على بنتي

انا اقول مو زينه في حقك تعاندين ابو زوجك
ماعليش انتي والدته وبنفسك اسم تنازلي على شان خاطر الشايب

والله يرزقك بولد ثاني وتسمين الي نفسك فيه
اتوقع انه هو ماترك الاسم الي سماه لانه حاس ان فيها اهانه له اختار وغيرتو
واعرف ان الحق على الاقل انه يشاورك بس خلاص ارضي بالامر الواقع
والله يصلح لك ولدك
انتي بطريقتك هذي حتى ولدك شتتيه

كل هالمشكله من اجل اسم يالله اشكثر مكبرين السالفه
بقولك ياأخيتي أنتي نادي ولدك بالأسم اللي تبيه انتي وهم بكيفهم يناادوه بالاسم اللي يبون
المهم وسعي صدرك وابعدي الشر عن دربك يالله أنتي تقولي ماتبي تخربين علاقتك مع زوجك
يالله شوفي الشيطان كيف دخل عليك من مدخل ماتشعرين به انتي
شوفي الشيطان ايش يقول بداخله أنا احترت كيف ادخل عليهم وازعزع علاقتهم لكن بااسم الولد راح اقلب تفكيرها
أختي/هذي وساويس شيطان اعوذ بالله منه مثل ماوسوس لك وسوس لي اول ماقرئت عنوان موضوعك
تصدقين راح تفكيري بعيد جدآ لكن الحمدلله مدام الموضوع كذا فهو خير وبركه ياأختي ابطلبك طلب تنادين ولدك قدام ابوه بالاسم اللي سماه جده وشوفي ردة فعل زوجك؟
صدقيني ذا اسمه من يوم ربي خلقه واذا الاسم مو قديم او مكروه فليش الحوسه ذي كلها
مثل ماقلت لك بعد ردت فعل زوجك قرري انتي وافهميها عاد
ربي يحفظ لك اولادك من كل مكروه

ياختى كبري راسك الولد وتسمي
اذا كان الاسم مقبول تقبلي الامر الواقع
ترا كله اسم لاراح ولا جاء
ماله داعي تخربين علاقة زوجك فى ابوه عشان اسم
واذا كان الاسم الى اختاره ابو زوجك شين
غيروه باقناع الشايب ان الاسم شين ومنقود فى جيله وكذا
بس انا انصحك لاتحطين نفسك وزوجك وبنتك فى وضع بايخ عشان اسم
لان ممكن تكون سبب فى طلاقك اذا كان من الشياب المتعصبين

تبين الصراحه حرام عليك موقف زوجك صعب هذا ابوه وغير كذا انت تقولين ابو زوجي هو الي دخلك المستشفى يعني وش يضر اذا فرحتيه بالاسم بدال ماتسمون الولد عليه مستكثرين انه سماه
ومن قال ان الشرع لازم الام والاب يسمونه الرسول عليه الصلاة والسلام سماء اولاد فاطمه معن علي رضي الله عنه كان مختار اسم وغيره
يعني لو ابوك الي مسمي تبي تعادينه وتاندين ولدك غير الاسم
الاسم اقل شي يقدمه زوجك لابووه
فرحي الرجال الكبير واقتنعي بالاسم وريحي ولدك من تشتت الاسماء

ابو زوجك تراه اب لعيالك يعني من باب رد الجميل انه تسكتون على الاسم الي سماه وحتى لو مااعجبكم ولاشاوركم يكفي تردين له الجميل انه ولدك ودفع مصاريفك غيره يقول انا مالي دخل بشي

يعني من باب رد الجميل ولاتنسين فضله عليك
انا مااقول انه ماغلط ابو زوجك الا غلط يوم سمى ولاشاور بس هو يمكن يمشي على نظام الاولين انه الجد الكل بالكل او يحسب نفسه يمون لدرجة انه يسمي حفيده على الي يبي
تخربين علاقتك عشان اسم

ترا الدنيا ماتستاهل عشان كم حرف تتغير