وزير العمل : رفع تكلفة الأجانب هدفه مكافأة المخلصين ورجال الأعمال يتفقون ع المقاطعة

متابعة النقاش، صفحة 10

شاركي في النقاش

سجلي الدخول لإضافة تعليق.

التعليقات

67
  1. @am_alashbal_2_1

    ما شاء الله حنا الخباز اللي بحارتنا بدا بحل مشكلته مع وزارة الدجه قصدي العمل صار يبيع 3ارغفه بريال بدال اربعه يقول عشان اقدر ادفع لوزارة العمل يعني الوزير يبي يغتني على حسابنا مو مكفيته ميزانيه الوزاره اللي تصرف من الدوله وتونا الارتفاع بالاسعار جاي بالطريق كلن بيعوض خسارته من جيب المواطن السباك والكهربائي والبناي والحداد انتم بس اصبرو شهر والله ان الواحد تخرب سباكة بيته ماراح يقد ر يصلحه اﻻ بالدين واللي يصفقون لهالقرار بس يذكرون لي قرار واحد من وزارة العمل كان لصالح المواطن وعلى فكره ترى الوزاره ذي ماعرفنه اﻻعقب الفقيه كل يوم طالع بقرار مثل وجهه اول شي دمر اهل جده وهلحين بيدمر كل البلد الله يدمره وﻻ يعزه حسبي الله عليه
  2. ياسارة بنت فيصل

    القرارت عندما تسن لابد ان تطبق على الجميع بدون استثناء ويشدد على تنفيذها

    واكبر دليل شوفي شركة سعودي اوجيه وفضائحها رغم ذلك تستثنى من كل القرارات

    اما بخصوص المدارس ألأهلية فهذا خطأ صندوق الموارد البشرية عندما اعتمد قرار رفع رواتب معلمين ألأهلية لماذا لاتنزل الزيادة في حساب المعلم مباشرة وليس في حساب صاحب المدرسة

    راح تسالين كيف انا قولك

    تستحدث مكاتب للتوظيف ترتبط ارتباط مباشر بالتأمينات وبهالشكل لن يكون فيه تلاعب

    اما الراتب التقاعدي والتأمين الأجتماعي والطبي فهو مسئولية الدولة تجاه المواطن

    لو وضعت القرارت بشكل مدروس يخدم جميع ألأطراف صدقيني سوف تكون المنشأت الخاصة جاذبة للشباب لأنهم سوف يستلمون رواتب كالحكومية بالأضافة انه يكون مطمئن ان حقه محفوظ فيما لونعرض لأي ظرق استدعى ان يخرج من عمله بشكل خارج عن أرادته

    ولنا في التجربة الصينية خير مثال دولة تعداد سكانها مليارو ثلاثمائة مليون نسمة ورغم ذلك تنعدم عندهم البطالة تقريبآ لأن الدولة ساهمت في تفقات المواطن قللت من ارتفاع تكاليف المعيشة وليس بعيب ان نتعلم من تجارب ألأخرين للقضاء على البطالة لدينا التي اعتبرها وصمة عار على بلد مثل السعودية ان تحمل الدولة بعض تكاليف المواطن سوف يتيح فرص العمل للكثير ويقل الغلاء وبالتالي ينخفض مستوى تكاليف المعيشة

    اما من ناحية التدرج اقولك شوفي قرار توظيق المرأة كبائعة متى صدر وكيف طبق بسرعة

    على فكرة انا اؤيد وزير العمل في بعض قرارته لكن ارفض بعضها واجدها منافية للمنطق


    نصيحة لاتكلين معهم تميس وتكثرين تراه ينفخ القولون ويصير الفهم بطئ
  3. مدام المهندس
    ياسارة بنت فيصل القرارت عندما تسن لابد ان تطبق على الجميع بدون استثناء ويشدد على تنفيذها واكبر دليل شوفي شركة سعودي اوجيه وفضائحها رغم ذلك تستثنى من كل القرارات اما بخصوص المدارس ألأهلية فهذا خطأ صندوق الموارد البشرية عندما اعتمد …
    يفترض طبعا ومن قال لا تطبقونها على الكل



    سعودي أوجيه في السابق كانت تخص ببعض المشاريع لكن ما تستثنى من القرارات وحاليا انتهى شهر عسلها وآخرها لما اتضحت فضائحها على قولك سحب منها مشروع كبير جدا والكل عارف هالشيء



    الآن تنزل الرواتب في حسابات المعلمين ..ومع ذلك مازال فيه تلاعب في العقود يقولون الدولة تعطيكم وتبونا نعطيكم كأنهم يتصدقون عليهم ! يعني التلاعب في قيمة الراتب اللي تدفعه المدرسة للمعلم مو في أنها تأكل جزء من مخصص الموارد كما كانت تفعل في السابق.. التجار الطماعين ما تركوا شيء ما فكروا يتلاعبون عن طريقه..

    ومع ذلك أقول لك يفترض الدولة تضع نظام للرواتب لجميع الشركات مو فقط المدارس الأهلية .. يحدد حد أدنى للراتب للسعودي والأجنبي ويستلم عن طريق البنوك وأكيد طبعا راح نسمع ولولة أعلى بكثير من الحاصلة مع القرار الحالي .. وهو إن شاء الله في الطريق



    هل المطلوب من الدولة أن العامل يشتغل في شركتك والدولة تدفع له التقاعد بدلا منك ؟ هذي ما صارت في أي بلد .. ولا راح تصير إلا في أفكار التجار الجشعين في بلدنا! أجل ايش معنى قطاع خاص ؟ وإلا فقط معناه يجمع المال دون أي مسؤولية اجتماعية أو وطنية ؟ على كذا يفترض الدولة تعامله بالمثل وترفع دعمها وتخليه يواجه السوق بنفسه ويشتري المواد بنفس سعر السوق مثله مثل غيره !

    التقاعد مسؤولية صاحب العمل ( الدولة أو الشركات ) وليس مسؤولية الدولة وحدها .. الدولة مسؤوليتها تقاعد موظفيها ووضع نظام التقاعد في الشركات ومراقبة تنفيذه .. والتأمين كذلك




    القرارات تصدر بعد دراسات وتخدم الجميع واللي ما تخدمه على المدى القصير تخدمه عالمدى البعيد .. ومع ذلك الاعتراض مستمر وسيستمر لأن تجارنا تعودوا يأخذون فقط لا غير أذهانهم تبرمجت عالكسب بأي طريقة ومن أي مصدر وأبسط دليل رفع الأسعار بشكل مستمر في مدد زمنية متقاربة دون سبب ! وأقربها المراعي اللي تبيع الحليب في بلدها بسعر وفي الخليج بسعر أرخص مع أن المفروض العكس لأنها تتحمل تكاليف إضافية للنقل !



    من قال أن البطالة منعدمة في الصين ؟

    الصين نسبة البطالة فيها 22% في إحصائياتها الرسمية ومع ذلك يفترض أنها دولة لا بطالة فيها لأن شعبها شعب صناعي ويعمل في كل المهن

    http://www.aleqt.com/2010/09/11/article_440731.html



    من قال أنه طبق بسرعة ؟ هالقرار صدر أواخر عهد الملك فهد مع القصيبي وأجهضوه التجار كم مرة وضحكوا بقنواتهم وصحفهم على الشعب وقالوا أنه حرام ! لكن الآن فلت الموضوع من يدهم لأن الدولة صارت مهددة في سيادتها أمنيا واقتصاديا بكثرة العمالة فحطت التجار على جنب ومشت القرار

    اللي يقولون طبق بسرعة هم اللي يحاولون يسقطون وزير العمل لأنهم حسوه بيخرب عليهم الاستفراد بقرص العسل ..




    ههههه من المعلومات المضروبة اللي كتبتيها في ردك حسيت أنك كتبت هالرد علشان تقولين هالسطر وتعاطفا معاك ولأني ما أحب أجاري كثير في هالنوع من الأسلوب راح أغض الطرف :smheart:
  4. @logy2005

    احسن خليهم يخسروا علشان يوظفوا الشباب السعودي والشابات السعوديات حتي لو منشئ صغير يوظف السعودي هذا الشي في صالح الطبقة الكادحة واكيد اللي بتسب وتشتم ماهما بنات وشباب بلدها اهم شي زوجها لا يخسر فلوسوا وكلو كوم والا اللي يجيب عاملين اجانب ويفلتهم في الشارع واخر الشهر يكسب منهم وفي النهاية عمالة متسربة وخطف وقتل وبيوت دعارة وبيوت خمر قد ماراح تسوي الحكومة ماراح يعجبكم علشان الغشاوة اللي في عيونكم وحب الذات انا مع القرار وعقبال مايبقي في بلدنا ولا عامل الاولي شبابنا وبناتنا والمبتعثين بطلوا الجهل اللي انتو فيه والانانية

تابعي تجارب أخرى من هذا القسم.