هل يشعر الانسان بقرب اجله// قديم

اللهم احسن خواتمنا
واغفر لموتي المسلمين اجمعين

بنات انا هالفتره احس باكتئاب فظيع له تقريبا كم شهر
وهاليومين من اسبوع كيذا احس بضيقه صدر فظيعه للدرجه اني اتخيل الموت ودايم ع بالي ،ولالي خلق اشوف احد ،واحس بقلق وخوف شديد
واقول بنفسي ربي لاتاخذني لين مايكبرون عيالي
وش تتوقعون هالاعراض وشي؟! :(

السلام عليكم ورحمة الله وبركاته

شخباركم خواتي؟

مثل ماهو موضح بالعنوان
انا دايما اسال نفسي الميت الله يرحمه يحس بانه بيموت وانه حان موعد رحيله ؟؟

قبل يومين توفى بحادث ابن جيران اهلي شاب بعمر العشرينات. من شوي موصلني اخوي للبيت يقولي انه وهو طالع من بيتهم وقف يسولف مع اخواني شوي مثل عادتهم اذا تقابلو بالشارع وكان اخوي معاه شنطة سفر فقال لاخوي على وين ؟مسافر؟ قاله اخوي لا والله الشنطة ماهي لي فقاال ابن جيرانا والله انا الي ودي اسافر سبحان الله
وامي لمن راحت العزاء تقول ان امه تقولهم انه مرتين يطلع ويرجع يسلم عليها كانه يودعها :(


تبادر لذهني ولد عمي توفى بحادث سياره هذي السنه الي فاتت في شهر 9 رمضان الي صار انه اتصل ع اخوي وهو واخوي اعز اصحاب الي صار انه قاله عزوز الف مبروك وكان زواج اخوي في شهر 11 فاستغرب اخوي لانه بقي شهرين ع زواجه وقاله مبروك على ايش؟ قاله مبروك وبس فرد عليه اخوي وهو يضحك :الله يبارك فيك وعقبالك بعدها بربع ساعه جاء لاخوي اتصال من رقمه رد لقاه واحد وساله صاحب الرقم هذا ايش يقرب لك قالهم ولد عمي قالو تعال في الموقع كذا لانه صار له حادث لكنه طيب وبخير ولمن راح اخوي لقاه متوفي
الله يرحمهم ويغفر لهم جميع

كمان تذكرت اخو زوجي الله يرحمه في اخر ايامه كان دايما يوصي اخوانه ع بناته وكان حريص كثير ع الصلاة لدرجة زوجهته تقول يصحيني اصلي وانا علي العادة الشهريه تقول اقوله فلان وش فيك انت داري ماعلي صلاة سبحان الله اخر يوم له بالدنيا كلم كل اخوانه من اكبرهم لاصغرهم تخيلو الصباح كلم زوجي وسواليف وضحك المغرب يقولون لنا توفى
وكمان هو توفى بحادث سياره
لا اله الا الله

اللهم ارحمهم وارحمنا اذا صرنا الى ما صارو اليه
اللهم احسن خاتمتنا يارب العالمين
اللهم اجعل خير اعمالنا خواتمها وخير ايامنا يوم نلقاك