نار ....نار أسعار الملابس ها السنة ليش كذا ؟؟؟؟

والله فعلا الأسعار نااااار وياليت في خامه تعجبك والله أنا ناخذ الشي عن عدم اقتناع بس نبي نفتك من زحمة الاسواق وخاصه الي عندها عيال صغار الله يعينها مع ذا البرد وملابسه وجاكيتات وغطا الرأس وشراريب وداخليات الله يكون في العون بس

الحمد لله على كل حال ��

وربي قهر الـ ١٠٠٠ ريال ماتسوي شي

ولحد الان ماشتريت ملابس الشتاء عندي ٥ اطفال لو بشتري لكل واحد بجامتين داخليه وجاكيت
وهيلهوب بيطلع مبلغ وقدره
وخاصه لولدي الي بالروضه تعرفون لازم كل يوم لبس وملابس عيد الفطر والحج انكرفت وبهتت من كثر الغسل واللبس ومحتاج اخذله لبستين جديده
وبنتي بالمتوسط تبغى جاكيت جديد

زارا و اوكايدي وهالطقه غالي تلاقين بنطلون لابو سنه ونص فوق الميه
والبلايز من ٩٠ وطالع والجاكيتات شفتها بنكست على ٣٠٠ وعليها
حتى سنتر بوينت الجنز على ٦٠ و ٧٠ من غير التي شيرت والجاكيت طقمت لولدي عمره سنين ولما حسبتها ٢٠٠ وعليها !!
والهرم وشلتها بضاعه رديئه والسعر مرتفع
الله يعين يارب
وحسبي الله ونعم الوكيل على كل شخص خان الامانه وغرته الدنيا
حافز باقي شهر وينقطع وربي شاياه هم

فك ازمه للحالات الميسوره

الحمد لله راتب زوجي زين بس مصاريف البيت والاطفال والكهرباء والمكتبه الي كل يوم طلبات
والمستشفى نضطر نروح خاص لان الحكومي معدوم

الله المستعان
اذا احنا محتارين مع هالغلا كيف الي ماعنده وظيفه او راتبه مايتعدى ٤ الاف
يارب لا تجعلنا نحتاج احد

صادقين حتى الهرم صاير نار
وبضاعته تقليد تخرب من اول غسلة

كل شي مع الوقت يرتفع سعره
اول كان الخمسين راتب شهر

كل شي غالي والواحد مو ملحق على شي الله المستعان وحافز بينقطع اللهم ارفع عنا الغلا والبلاء