الدنيا تمشي بالمقلوب ولا انا الغلطانة ؟ يعني الوفاء ماينفع !

بنات انا متضايقة موووت

قبل كم يوم كان زواج اختي

وعزمت زميلاتي المعلمات في المدرسة كلهم مالبوا الدعوة
كنت حاجزة لهم طاولة واستناهم طول الليل اروح واجي على الباب

انا اللي قاهرني كل مناسبة اروح لهم

ولادة - زواج اقاربهم - زواجاتهم هم انفسهم اذا وحدة تزوجت
اي وحدة تصير لها مناسبة ونجمع لها فلوس عشان هدية اكون انا اول وحدة ادفع
عتبي على اللي قدرتهم وجيتهم في بيوتهم وافراحهم اما الباقيات مالي عليهم شي

واخرتها ماجات ولا وحدة
في المناسبات الثانية يحضرون ويوم عزمتهم ماجوني
واللي مزعلني ان وحدة قالت حمسوني عشان اروح ولما شافت غيرها بارد بطلت
واللي قهرني اكثر ان فيه وحدة تزوجت وكانت متخاصمة مع معلمة ثانية
وهذي المعلمة الثانية حضرت زواجها رغم قلة الاحترام والزعل وانا اللي حضرت لها طناااش


سبحان الله


والله ماجاء في بالي اني مالي قدر للدرجة هذي
ليش الطيب اللي يحب الناس في اخر القائمة

ياعالم الغلط فيني او الدنيا تمشي بالمقلوب ؟؟؟

نبهوني اذا ماني منتبهة الله يسعدكم

13 تعليق 2,385 مشاهدة

شاركي في النقاش

سجلي الدخول لإضافة تعليق.

التعليقات

13
  1. @nooor_gdh

    صاحبة الموضوع
    هلا حبيبتي

    انا حاليا ماخذة اجازة من المدرسة لكني كلمتهم قبلها باسبوع

    وارسلت عليهم وحدة عزمتهم شفهيا لاني ماني عندهم

    بعدين خفت ان العزيمة ماتكفي

    قمت ارسلت رسايل جوال عليهم

    حبيبتي احنا متعودين ان العزيمة مافيها تكلف ابدا

    لكن اظن اني تكلفت اكثر منهم

    اللي ضايقني اكثر انه زواج اختي الوحيدة وهم عارفين المفروض مايقصرون
  2. يعني ماعطيتيهم بطاقات؟؟

    انا واللي حولي كلنا مانجي الا ببطاقات, اما دعوه شفهيه على كلامك والا مسج ماتعتبر دعوه في هالزمن
    خصوصا بعد بدون كروكي الواحد صعبه يدل القاعه

تابعي تجارب أخرى من هذا القسم.