شاركي في النقاش

سجلي الدخول لإضافة تعليق.

التعليقات

1,748
  1. @hoaaa_alkhbr

    بنات شربت شاهي فيه جوز الطيب وقريت انه خطر
    سبحان الله ماشربت الا شفطتين او ثلاث فيه خطر
    تكفون منهاره من اللي قريته
  2. @alord_34

    ياعمري ماعندي فكره بس استودعيه ربي ونعم الحافظ وقولي بسم الله الذي لا يضر مع اسمه شي في الارض ولافي السماء وهو السميع العليم
    ومدام شفطتين على قولتك ان شاء الله مايأثر لا تتعبين نفسك بالتفكير
  3. @alshhd_2008

    مساكم / صبحكم الله بالخير كروشات.

    اشلونكم بنات والله وحشتوني تراني متابعتكم يوميا بس كل ما كتبت مشاركة قام واحد من التؤام وخرب علي
    ههههههههه الله يصلحهم ..

    كنت أحاول اكتب أكشن ولادتي بس ما فيه شي يذكر يعني دخلت المستشفى الأربعاء بالليل وثاني يوم الخميس عملت العملية والحمدلله كانت أموري طيبة وكل شي تمام

    والتوائم كانت اوزانهم واحد 2،500 كيلو والثاني 2،300 كيلو كان معاهم بوصفار خفيف راح منهم بعد اسبوع بفضل من الله .. بس اصغار يا قلبي وكل شي فيهم صغير لحد الان مارضعتهم رضعه كاملة حلوجهم صغيره وايد وحلمتي كبيرة عليهم .

    جلست بالمستشفى اربعة ايام وطلعت أنا وتونزاتي بالسلامة لبيت أمي .  

    على فكره اول ما ولدتهم كان فيهم اختلاف وكنت افرق بينهم الحين ما اقدر اميزهم الا بالملابس صاروا يتشابهون كثير أنا تونزاتي مشيمة وحده وكيسين .

    تعبت معاهم بالأسبوع الاول لانهم كانوا يصيحون مع بعض وكنت خايفه من أني اعطي الخدامة ترضعهم معاي لانهم كانوا وايد صغار .. بس الحين الحمدلله صاروا واحد ينام والثاني يقوم بعده بنص ساعة تقريبا

    إيه تذكرت بنات اللي ساعدني في ان جرح العملية القيصرية يلتئم بسرعة مشروب النعناع مع مطحون قشر الرمان رهيب بجد كلمة روعة شوية عليه

    اتمنى لكل الكروشات الولادة السهلة الميسرة بإذنه تعالى .. ولكل اللي حملوا قريب ان الله يتمم عليهم حملهم بخير وعافية .. امين  

تابعي تجارب أخرى من هذا القسم.