دوالي الساق والحمل

صباح الخيرات
ياليت تفيدوني خاصه الي عندهم دوالي الساق انا طلعت لي دوالي بالساق بالرجل اليسار اعلى الساق جايه جنب لما اجلس توجعني لانها جايه من خلف الركبه الى الطرف وعضله الساق متورمه شوي واوقات احس بالم فضيع فيها وادا رفعت رجولي فوق تخف وتهدا بس انزلها احس بوخزات قويه زي الابر والدكتوره تقول لا تجلسي كثير ولا تمشيء كثير ولا اوقف كثير احترت ووصفت لي حبوب دافلون 500 ثلاث مرات بس ماحسيت بفايده وسالت دكتور قال هذي الحبوب مايستفاد منها الا بعد سنه يعنى استخدامي لها الحين مامنو فايده والحين بدخل التاسع وخايفه تاثر على وقت الولاده اخاف من الجلطات
ومن يومين صار فيه الم بنفس الرجل بس في بطن الرجل من تحت
ياليت تفيدوني الي مجربات وعندهم نفس الحاله

4 تعليق 2,895 مشاهدة

شاركي في النقاش

سجلي الدخول لإضافة تعليق.

التعليقات

4
  1. @bhralgod

    انا فيني دوالي وخااايفه مره من الجلطه
    الله يستر يارب

    بس اذا كانت شديده اللي اعرفه يصرفون لك اسبرين لمنع الجلطه

    اهم شي في النفاس لايصير وقتك كله في السرير

    قريبتي جتها جلطه في النفاس وصلت للرئه الله لطف بحالها

    اهم شي المشي وماتوقفين كثير وماتقعدين كثير
    لازم تغيرين الوضعيات كل شوي وارفعي رجولك خلي رجولك اعلى من مستوى القلب
    عشان ضخ الدم

    وان شاءالله ماقدامك الا العافيه
  2. @kmos_1

    استخدمي الجوارب الخاصة في الدوالي تلقينهن في الصيدليات ولا يطحن من رجولك يمدحونهن حيل للتخفيف الألم والله يشفيك ياااارب
  3. @alshrmh

    ان شاءالله ماقدامك الا العافيه

    انا سمعت الد كتور جابر القحطاني يقول خل التفاح ممتاز حق دوالي ارفعي رجوالك وخذ قطعه شاش فيها خل وامسحي على دوالي 3 مرات لمده شهر وعند النوم خلي شاش خمس دقايق على دوالي
  4. @baad_alsbr_frg

    صاحبة الموضوع
    بحر الجود خوفتيني الله يستر انا دايم احاول ارفع رجولي عند النوم واوقات على الكنب اتسطح وارفع رجلي بس اهم شيء عند الولاده يعني وقت الولاده مايصير شيء

    الجوارب سمعت عنها بس الدكتوره ماقالت لي شيء عنها ولا حتى نصحتني فيها مدري عادي الحامل تلبسها
    وخل التفاح برضوه سمعت عنه بس سبحان الله ماقد جربته شكلي بجربه
    جزاكم الله الف خير

تابعي تجارب أخرى من هذا القسم.