اللي بتقضي النفاس في بيتها لاول مره الله يسعدها تتفضل
يا طويلات العمر زي ما البعض يعرفني اختكم في الله حامل بالطفل الثالث وكل نفاساتي عند امي الله يجمل حالها على حسب عوايدنا الموهم ابويا الله يعطيه الصحه ويشفيه جاتو جلطه بعيد عنكم وصاير جسمو من ناحية اليسار صعب الحركه ودحين تمريخ وجلسات كهرباء الله يشفيه من عندو يارب وامي الله يعطيها الصحه اكيد تعبانه معاه الله يكتبلهم الاجر دحين انا افكر مو معقول بلمره اني اروح لاهلي اقضي نفاسي اذا ظل وضع الوالد من غير شر على كذا وشايله هم يا بنات ما يعلم بيه الا الله كيف رح اسوي في نفسي وايش الوحده تجهز لبيتها من جميع النواحي غير ولدي الله يهديه 4سنين و4 شههورمغلبني بلمره اوديه كمن يوم عند اهلي وخاصة اذا عندي ضيوف وبنتي الله يصلحها سنه ونص محتاره بلمره اجيب شغاله ولا كيف لان امي يوم كنت عندها رفضت رفض قاطع اني اجيب وحده تساعدها وقالتلي وايش شغلتنا انا واخواتك والله كل شويا افكر في الموضوع وعمتي ام زوجي معايا في نفس العماره واكيد مارح تقصر بالرغم من تعبها بس رح استحي اطلب منها تسوي وتسوي مو زي امي ادلع عليها الله يسعدكم شاركوني وكل وحده تقول ايش تسوي من ترويش البيبي واستقبال الضيوف والعناية الشخصيه الله يخلي مل مين لاهلو ويسعدكم يارب وادعوي لابويا الله يقومو بالسلامه يارب لعل وحده فيكم مجابة الدعوة