شاركي في النقاش

سجلي الدخول لإضافة تعليق.

التعليقات

25
  1. @maly_ghyr_allh

    حبيبتي إزا كنتي ساكنة في السعودية وبالتحديد في الشرقية راسليني عالخاص وبعطيك رقم حرمة هندية تبيع زيت ممتااااااااز ممتاااااااااااز حق الشعر أقسم لك بالله العلي العظيم إنه يوقف التساقط وييدأيكثف الشعر من عاشر يوم استعمال راح تحس بشعر صغار لو تلمس فروتها ولو استمرت عليه بيطول شعرها مرررة والله ثم بالله ما أكزب عليك ومجربته شخصيا وأنا أساسا شاريته من المنتدى بس حصل إن الست اللي تبيعه غيرت رقمها ومش حابة ترجع تعلنه في المنتدى ماأدري يمكن جاها إزعاج. هو نفسه الزيت اللي مدحته الأخت بقايا الماضي وعاشقة المعالي وأسمه زيت الوعد. إزا حابة أنا بخدمتك بكلمها وأستأزنها وأعطيك رقمها وتوصله لك. والله على ما أقول شهيد.
  2. خليها تجرب الحجامه
    وان شاء الله تشفى
    انا عملت حجامه ليس لسبب معين فقط لانها سنه

    ولاحظت بعدها ان شعري بدا يتزايد عن قبل

    اسال الله لها الشفاء
  3. مالي غير الله
    حبيبتي إزا كنتي ساكنة في السعودية وبالتحديد في الشرقية راسليني عالخاص وبعطيك رقم حرمة هندية تبيع زيت ممتااااااااز ممتاااااااااااز حق الشعر أقسم لك بالله العلي العظيم إنه يوقف التساقط وييدأيكثف الشعر من عاشر يوم استعمال راح تحس بشعر صغار لو…
    السلام عليكم ..
    اولاً .. اسأل الله العلي القدير ان يشفيها ويشرح صدرها ويعافيه من كل سوووووء
    ثانياً .. بحاول افيدك وافيد كل البنات بالمعلومات التاليه :

    حلول مشاكل الشعر :
    1. تأتي من الداخل قبل الخارج .. يعني الاكل الصحيح الصحي .. ابتعدي عن الدهون والمواد الحافظة ..
    اكثري من الفواكه والخضروات .. العصائر الطازجة والوجبات المتزنه ..
    ايضا حاولي تعويض نقص الفيتامينات والمعادن بتناول حبوب مكملة للغذاء متعددة الفيتامينات .. بعض الماركات تبيع حبوب ( حبه باليوم ) كافيه لتعويض النقص بالجسم ..

    2. زيوت الاسماك .. الاسماك جدا مفيده للشعر والاظافر بشكل لا تتخيلونه .. اكيد لاحظتو شعر الاسيويات واظافرهم ( من الفلبين, تايلند , الصين , واليابان .. الخ ) شعورهم تلمع .. وناعمه وصحيييييييييييييية
    لأن السمك يعتبر غذاء اساسي عندهم .. وياكلونه يوميا .. بل وحدة منهم قالتلي شخصياً .. حنا نفطر سمك ونتغدا سمك ونتعشى سمك .. وهي ماتمزح من جدها كانت ..
    كل فائدة السمك تتركز بزيوته .. يعني لو بتاخذين حبوب زيت السمك .. ممكن تفيدك .. لكن اللي اعرفه ان اكل السمك مرتين على الاقل في الاسبوع يسااااااعد كثير بتحسن شكل الشعر والاظافر ..

    3. الثوم .. كثير سمعت ان الثوم يطلع الشعر ويعالج الثعلبه ويكثف الخفيف منه .. بس الله يعينكم على الريحة .. انا شخصيا ماجربته .. لكن البنات يقولون انه بعد البخور ماتطلع ريحة .. والله اعلم ..

    4. زيت الزيتون .. قرأت في احدى المجلات الطبية .. ان كل المواد اللي تنحط على الشعر من الخارج .. ماتغير في تركيبه الشعر ولا في قوته ولا في كثافته .. اللهم تسوي طبقه تحمي الشعر وتحفظ زيوت الشعر الطبيعية فيه .. وبالتالي يكون الشعر لاامع و بمظهر صحي .. يعني الزبده .. لو بتحطين زيت عافيه ولا زيت معصور من اندر زهرات الارض .. نفس الشي .. المهم تركيبه الزيت .. كل ماكانت كثيفة كل ما مسكت بالشعر اكثر ..
    زيت الزيتون يتميز بأنه ذو تركيبه متوسطة .. ليس بالخفيف مثل زيت الذرة والكانولا وغيره ولا ثقيل مثل الخروع وجوز الهند ..

    5. تمشيط الشعر .. حنا نخاف نمشط شعورنا عشان مايطيح .. لكن الواقع تمشيط الشعر يوميا يقويه .. ويحرك الدورة الدموية .. فخليها عادة عندك تمشيط الشعر قبل النوم لمدة خمس دقائق ..

    6. اثقال الشعر بمستحضرات التجميل .. لا يخفى على اي احد ان مستحضرات التجميل الخاصة بالشعر مثل الصبغات والجل والموس والسبراي وغيره .. اكبر خطر على الشعر وبالذات الصبغات لانها دائمة .. تسبب الشيب المبكر .. وبهتان الشعر .. تساقط .. ومظهر باهت وخشن ..
    لو كنتي من البنات اللي يصبغون دااايم لازم تنتبهين .. وتبطلين .. واستبدلي الخلطات هذي بالصبغات الطبيعية.. مثل الحنا ( وعلى فكره فيه خلطات كثير للحنه على حسب اللون بغيتي اسود بني احمر ) او غيره من الصبغات الطبيعية ..

    7. الماء الماء الماااااء .. نسمع كثيرا عبارة اشربي 8 كاسات ماء باليوم .. لكن من يطبق ؟
    < انا شخصياً ما اقدر اشرب موية .. سبحان الله ما احب .. وكل مارحت عند طبيب قالي اشربي ماااااء اهم شي الماااء .. وفعلا .. صرت اشرب اكثر .. وانتبهت للتغير في حياتي كلها تدريجيا .. ما ابالغ لما اقول حياتي كلها ..
    صار النفس عندي اطول .. لياقة الجسم اعلى.. هضم الاكل لا يوصف.. روتين الذهاب الى الحمام الله يكرمكم .. البشرة البشرة البشرة .. وبالتالي الشعر ..
    فكري معاي .. اذا كان جسمك ناشف .. كيف تبين شعرك يكون رطب ويلمع ؟
    حاولي قبل النوم تجهزين قارورات الموية حقت بكره .. بالثلاجة ولا ينتهي اليوم الا انتي مخلصتهم ..
    وبتدعوون لي :)

    8. حماية الشعر عموما .. من الكلور في المسابح .. او المياة المالحة سواء البحر او في البيوت .. الحماية من الشمس .. وايضا من الغطااء لفتراات طوويلة ..
    تجنبي ربط الشعر او تمشيطه وهو رطب ..
    ابتعدي عن السشوار .. ولو اضطررتي لازم يكون الشعر ناشف .. عشان مايتكسر ويتقصف ..
    حمامات الزيت .. تحفظ زيوت الشعر الطبيعة فلا تهمليها ..
    مساجات الشعر .. لو 5 دقائق قبل النوم .. بالتمشيط .. او بالاصابع ..

    هذا وادعو ربي بان يحمينا ويشفينا ويعافينا من كل سوء ويديم علينا نعمنا وعافيتنا .. ويعيننا على شكره وحمده .. ويهون علينا مآسينا وامراضنا .. ويعيننا على حمده وشكره ..

تابعي تجارب أخرى من هذا القسم.