مسجااااات مرسلة بالغلط هههههههههه

ههههههههههههههه
مره ارسلت لاخوي من ابوي ابشركم تراني تخرجت من الجامعه بتقدير كذا والحمدلله وبنهاية الرسالة كتبت ام سعد
المهم وتجيني رساله ع طوول الف مبرووك التخرج يا ام سعد
اليوم الي بعده اتصال الو قلت مين فلان قال لا مو فلان قلت من انت قال انتي الي مين اتصالات ورسايل وش تبين مني يا ام سعد هههههههههههه

زوجي مسوي قروب عالواتس اب هو واصحاببة المهم واحد من اصحابه زوجته عندها ضيوف فيبغى يرسلها ارسل للقروب
(هاه حياتي الضيوف الي عندك راحو اجي؟)
ههههههههههههههه
شبوو عليه الشباب ضعيف
فكتب(هاه معليش شباب امسحوها جات بالغلط )

خالة امي مره اتصلت بالغلط على واحد تحسبة خالي يعني ولد اختها وسلم عليه وتسولف شخبار اهل الرياض واهل الديرة واهل جده بشرنا عنهم وام عبيد وتسولف مسترسلة وهو متونس على سواليفها والصدق هي سوالفها تونس المهم لمن خلصت قالها خاله ترا انا مانب فلان بس اصير لك فلان عادي ههههههههههههههههههه
صار كل عيد يتصل عليها يقول لها ابشرك يا خاله اهل الرياض وجده واهل الديره كلهم بخير ويسلمون عليك تسلط عليها فترة ثم اختفى كان يقولها والله اني حبتك وانتي مثل امي انا بس ابي احد اسولف معهم ويسال عني الله يهداه

هههه

مواقفكم توحفـة

في موقفين كل ماتذكرهم اضحـك

مرة جوالي القديم واحد مرسل صورته وكلام حلـو ماارة

ويرسل لي ها وصلتك صورتي وانا ماارد عليه وفي النهاية يرسل

ياروح خالوا وصلتك الرسالة ومارديت أبد .<<< ههه شكله حس بعدها انو غلطان

الموقف الثاني اخواني مسوين قروب بالواتس باسم العيلة الموهيم ابوي كان متخاصم

مع أبوا واحد من القروب ويجي اخوي يقول لاخوي الكبير تعال خاص بكلمك ضروري

ويقوله اخوي تفضل على باله انو راح ع الخاص . ويكتب ذيك الرسالة الطويله والعريضة

سب وشتـم في أب الولد اللي مضاف عاد من سمع اخوي يسب في ابوه ويعصب ويحلف على اخوي

لايكون بينهم محاكم وشكاو. واخوي مو عارف كيف يتصرف رحلت قلت له خلاص اعتذر له قدام الكل

وقوله كله بسبه التدقيق الاملائي بالجوال والحمدلله تقبل الوضع وتصافت النفوس

زوجة اخوي كانت معزومه بزواج صديقتها وفستانها موجود عند بنت عمتها
كان جوالها استقبال وقالت لي تكفين ارسلي مسج لبنت عمتي
خليها ترسل الفستان ( رقم بنت عمتها مو عندي لكن قالت لي أنا حافظته )
المهم نقلتني الرقم رسلت المسج للبنت
وكتبت لها
مرحباً يافلانه أخبارك ارسلي الفستان الأحمر حق فلانه لان بكره زواج صديقتها تبيه ضروري

مرت ربع ساعه والبنت ماردت علي
قامت زوجة اخوي ودقت عليها مرتين ولا ردت
ورسلت لها مره ثانيه يافلانه تكفين ردي ابي الفستان ضروري
وجلسنا ساعه نحاول ندق عليها ولا ردت
وبالليل كنت سهرانه قلت خليني اجرب يمكن ترد الحين
دقيت وماردت علي ، بالأخير رسلت لها مسج قلت لها
اذا تشوفين المسج ردي تري بنت خالك زعلت وتبي فستانها

بعدها بدقيقتين دق جوالي وطلع. لي رقمها وبسرررررعه
رديت عليها
والله يابنات توني بسلم عليها
والا فجاه يطلع لي صوت واحد مصري معصصصصصصب
قال لي نعم في إيه هو إحنا مش حنعرف نرتاح النهارده ولا إيه
مافيش فساتين عندنا وعيب كده
قلت له اسفه أنا غلطت بالرقم
قام يصاااارخ علي وقال
امشي يابت اجري نامي ( يعني قصده يقول اقلبي
وجهك وروحي انخمدي )
وقفل بوجهي
ورحت اررررررررركض لزوجة اخوي ودي اذبحها
تهزات بسببها عطتني الرقم غلط

والله يابنات مسكتنا حالة ضحك هستيررررررررررررررررررري
ولحد اليوم هذا يتريقون علي
خخخخخخخخخخخخخخخخخخخخخخخخخخخخخ

هههههههههههههههه ياحلو العجوز يالبى قلبها فله

ههههههههههههههه

حلووووه المواقف تمووووت من الضحك...