السلام عليكم بنات انا جديده فالمنتدى وهذي اول مشاركه لي
اول شي يعطيك العافيه ام عيون على تعاونك مع الجميع الله يوفقك ويعطيك اللي تتمنينه
انا بقول تجربتي مع الليزر
طبعا انا رحت عيادة الطبيب فالدمام ابي اشيل رجولي وايديني والابط
رحت للدكتوره امس كشفت علي وشافت فيني اثار حنا فرجولي وايديني قالت اذا راح الحنا تماما تعالي ابدي الجلسه لان بيسبب حروق لوسيتلك لاسمح الله
قلت طيب راح اسوي اليوم الابط بس ورحت مع الممرضه الفلبينيه غرفة الليزر وانا كنت خايفه حيل الصراحه بس ماشاءالله عليها النيرس طيب جدا ومبتسمه طبعا حلقت لي الشعر بالموس واستخدمت اتوقع جهاز جنتل من كلامكم اتوقع هذا هو الجهاز وحطته على درجة 12 والصراحه مع ان الجهاز في تبريد بس في الم لان انا خوافه مااتحمل شي الالم يكون زي اللسعات كأنه شي يحرقك بس يعني محتمل مو ان ماتقدرين عليه بالنسبه لي لما يستشورون شعري فالمشغل بالهوائي ويحرق جلدة راسي يكون الالم اعظم هههههههههه ابوك يالتشبيه
المهم ان مدري ليه في لسعات تكون احر شوي ولسعات عادي حتى كنت اقولها اح اح تقولي النيرس سوري معليش معليش هههههههههه
طبعا الحلو فالسالفه انها مااخذت 4 دقايق وخلصت وعطوني كريم اليكا احط منه ثلاث ايام الحمدلله مافي انتفاخ ولا احمرار
اليوم لما صحيت من النوم شفت الشعر بدا يتنقز وييلع من مكانه نفس الرؤؤس بس سؤالي ابي اعرف متى بيطيح ؟؟!!
وانا قريت ان مو اي مزيل عرق نستخدم بعد الليزر لازم طبي ومن هالكلام بس العياده قالوا لا عادي بس ثلاث ايام لاتحطين مزيل عرق بس بعدين عادي استخدمي مزيلك العادي فمادري انتوا كذا قالوا لك ؟؟
اي صح وابي طريقة البكيني الذاتيه الله لا يهينك ام عيون رسليها ل ع الخاص
سوووري طولت عليكم ادري
تجمع الحوائيات الليزريات لاي سؤال عن ازاله الشعر بالليزر/اكتفى بالردود
متابعة النقاش، صفحة 189