تطنشين أخواتك في الغربه تعالي قولي ليه؟!!

الله يسعدهم كللللهم ويجزاهم خير من اول يوم اغتربت فيه لليوم ماشفت منهم الا كل خير الحمدلله ..اما الطلعات والجمعات كل وحده وظروفها بس غالبا نشوف بعض في تجمع سوق في معهد في تجمعات النادي في اي مكان ونقعد نتطمن على بعض وعادي مافيه اي مشاكل .... الله يجمعنا في الفردوس الاعلي

البعض فعلاً مصيبه

نعومة الله يعينك صراحة واشكرك لذكر تجربتك لاني استفدت كثير الله يسعدك ويوفقك

انا اقولك هالترم سكنا بهذي المدينه جديده المهم جو سعوديتين بعدنا بكم يوم وصارن يدرسن مع زوجي العزيز وحده مرافقها زوجها والثانيه ماتزوجت مرافقها اخوها
ومطنشتهم أخاف أتعرف ويجون عندي واروح لهم ونطلع سوا وثم يصير زوجي يمون عليهن اكثر وهن بعد الله يستر
أش تنصحوووني والحين زوجي صار يطلع بالويكند مع زوج زميلته
ودي أتعرف عليها علشان وقت مايطلعون الرجال نجتمع انا وهي
ثم اقول والي ماتزوجت حرام اتركها أكيد تبي الي يوسع صدرها ياليت نجتمع سوا بس ارجع اقول ابصبر
واستخير واسأل وش الحل محتااره
وانا بعد ملييت من الوحده

صدقتي والله اذا السعوديين شافوا بعضهم برا يتهامسون سعوديين سعوديين كانهم شايفين شياطين
انا والله اسلم على كل محجبة واسولف تتقبل تتقبل ماتتقبل كيفها وامد يدي للجميع
احسد الشرق اسيويين على تكاتفهم مع بعض

معليش مع احترامي لك لكن وش هالتفكير
اذا زوجك يحبك ماراح ينظر لغيرك وماتقدري تغطي عيونه
وكلي امرك لله وتواصلي مع الناس والمبتعثات اللي ماتزوجن طموحهن اكبر من رجل متزوج