محتارة اسكن مع اهل زوجي بعد الي صار منهم او اطلع شقه لحالي

الله يكتب لك اللي فيه الخير

استخيري بالزواج

كيف بتعيشين معه مايعرف يسوق وبتسكنين معهم وانكالي بعد

يعني بس بيتزوج عشان ياخذ حقه وبس
استخيري قبل يطيح الفاس بالراس وبيعوضك ربي بالي احسن منه

ياقلبي اطلعو بشقه وخليه بجيب سواق او تاكسي يوديكم ويجيبككم لاتعتمدي علي اهله

أتمنى ما تفهمين كلامي على أنه تحريض للانفصال

شوفي عزيزتي أولا زوجة ولدهم متمكنه من العائلة لدرجة أنها سببة مشكلة معاك في فتره حساسة واللي هي فترة تعارف بدون ما تعمل أي حساب لأهل زوجها وزوجها وهذا إن دل على شي يدل على أن البيت في مشاكل وانحياز لها بسبب القرابة يعني مستقبلا حطي ببالك أنهم بيوقفون معاها بكل صغيره وكبيره

النقطة الثانية ليش أهلك يساعدونه من الأول هالباب أغلقيه بوجه زوجك وأهله اللي راضين عليه أن أنسابه يساعدونه لا وهم أجناب عنهم مو قرايب

برضو زوجك ليش ما يسوق ؟ إذا أنتي مقتنعه بعذره أفرضي وجود سواق من البداية لأن الحياة مو كلها مجاملات بكره بتطلبين أخوانه يودونك ويجيبونك وأنتي شفتي زوجاتهم من قبل الزواج أيش صلحوا فما بالك بكره مع تزايد المشاغل وكثرة الطلبات ووجود أطفال هالمشكله لام تنحل من الأول لازم يجيب سيارة وسواق خاصين فيه أو يتعلم على السواقة

أنا أكره اللي يقولون خليك رسميه مع أهل زوجك بس يبدو لي في حالتك ذي لازم تستقلين عنهم استقلال تام ويكون لكم زيارة أسبوعية أريح وأفضل

على فكره لو كنت مكانك باخذ ورقة وقلم وأكتب إيجابيات الرجل وسلبياته وأستخير قبل لا أكمل في هالزواجه

أتمنى لك التوفيق والسعاده