*** حركات جديدة في استقبالات النفاس وش رايكم فيها***

بالنسب ة للحركة الاولى ممكن تصير اذا عندي احد يستقبل عني اما الحركة الثانية فعيب وعيب لان مايحلي النفاس الا الزيارات واذا بحدد طارو ضيوفي وانا الي قعدت بها ومح جاني وتجرعت الاربعين يوم يوم تعرفون الاربعين ممللللللللللللللللة

انا اعجبتني الحركه الاولى اختي سوتها ونا نا ان شاء الله لاني الان اذاكان في حريم مانسدح احس اضحك على نفسي بس مايد التحديد لان الجمعه ونااسه بس بعد اسبوع

والله احس حلاة النفاس البيت مليان
وش هالعادات الجديده حتى ضيوف النفاس مانستقبلهم زين:icon810:
في ناس مايجون غير في المناسبات الي كذا
يَ ليت عاداتنا وسعة صدورنا وبساطتنا زي آهالينا:ohmy:

الاولى على كلام البنات
مبطيييييييييييين عنها
حتى تقديم البيبي لي فتره مااشوف احد يجيب البيبي يوزونه
كنها والده هوا
كان البعض اذا طلبتوه جابوه والحين طلبته من وحده وتعذرت وحرمت اسال او اطلب

وحركة ان فراش النفاس مايكون عندهم
عشان تجي تسلم وتروح ترتاح وحوستها وسريرها واغراضها تصير بعيد عن الناس

وحركة استقبال المستشفى ماعجبتني مع اني شفتها كثير
بس ماجازت لي واللي اعرفهم سووها بحركه غبيه
جابت ماخلت شي وجوهال الناس كلهم
وعقبها رجوا جوها بالبيت وتكلفت 2 مره


اما سالفة تحديد الايام
مره حلوه
بصراحه في بعض الناس تكون نفاس في بيتها وعندها زوجها وعيالها ومدارس غير تعبها بالنوم والسهر هي والبيبي
اذا حددت ايام الاثنين والاربعا مثلا
او اربعا وخميس تصصير عارفه ان الناس بيجونها هاليوم تتجهز وتحسب حساابها من قبل
وتجيب التقديم وهي عارفه ان الناس بيجونها

غير كذا يابنات وعي المجتمع منا حنا وحده وحده

الحين بالله مو النفاس تاكل اعشاب وحلبه الخ
بتصير ريحتها هي وفارشها وبزرها وكل شي
عرا ان بعضهم تولد قيصري او تتعسر ولادتها
وتكون تعبانه الاسبوعين الاولى
النفاس 40 يوم
شيلي منها 14 يوم
بقا لكم 26 يوم
لو شلنا منها الاسبوع الاخير عاساس تتجهز وتغير لوك وغيره
وعيب نزورها فيها

بالله 20 يوم مابتلقين لك يوم تزورينها فيها

لا تشوفين ظروفك انتي واللي يناسبك وتقولين طز فيها هي ماعلي منها
حرام

اول شي لازم تكلمينها قبل تروحين
يمكن فعلا محدده يوم وبعاليوم جد شي تعبت او تعب طفلها بتروح مستشفى جايهم اقارب من بعيد وعازمينهم اي شي ظروف وبس كلمي قبل تجين شوفي يناسب اولا

ثاني شي بتجين لوحده والده طبيعي او قيصري تعبانه يابنات كلنا جربنا الولاده وتعبها وسهر الليل مع المولود
عدا لو كان عنده اخوان غيره بعد
فرجاء تعالي عشان تباركين لها وتادين الواجب
مو تجين اذان العصر وماتروحين ال 12 او اكثر وحلا وقهوه وشاهي الخ غير عن العشا
بالله هذي تكاليف مالها سنع
ولاتجلسين تسالينها كيف ولادتك
والا ليش ولدك راسه كذا وخشمه كذا وليش ماطهرتوه ويسهرك؟
الخ من العلوم السنعه
الحرمه تعبانه وطالعه روحها ماله داعي عقب ماتروحين تقول ياربي ليتها ماجت :(

رفع