تطبيقي لبلوزة ورشة عمل 1

السلام عليكم

قبل ما ابدا احب اقول ان انا ابتديت اجهز لموضوع طريقة عمل البلوزة ديه في موضوع مترتب ومنفصل
عشان يسهل عليكم عملها

ديه بلوزتي من ورشة عمل 1
على فكرة هي لسه مش مكوية

ديه صورة البلوزة


وهنا الصدر من قريب


على فكرة في البلوزة الاصلية في الصدر من فوق اول شريط هو عبارة عن وردات صغيرة
انا حاولت اعمل زيهم وماعرفتش وبصراحة ماتعبتش نفسي عشان اعرف ازاي يتعملوا
المهم اني اختصرت السكة وعملت سطر اقواس كل قوس يتكون من 7 سلاسل
فوق الاقواس ديه اشتغلت
"1 حشو , 1 نص عمود , 2 عمود بلفة , 3 عمود بلفتين , 2 عمود بلفة , 1 نص عمود , 1 حشو"
وده اختراع من عندي اتمنى انو يعجبكوم

شرح بسيط للشرايط من فوق لتحت
اول شريط ورد فيه 16 وردة
تاني شريط ورد فيه 14 وردة
تالت ورابع شريط ورد فيهم 16 وردة
خامس وسادس شريط ورد فيهم 18 وردة
بس طريقة الشغل حتكون من تحت لفوق
مقاس البلوزة 38 يعني مقاس M

وهنا البلوزة لما قيستها لصاحبتي الاجنبية وطلعت عليها اتجننننننن بس الصورة مش واضحة خالص
عشان مصواراها بالموبايل


وهنا على صاحبة تانية ارفع من الاولى <<<<< اصل الاولى بتقول انها تخينة :22:

على فكرة لما قيستهم البلوزة كنت لسه ما عملتش الحتى بتاعت الصدر من فوق
وبصراحة كنت ناوية ما اعملهاش
بس بعدين غيرت رايي لما حسيت انها فاضية ومش حلوة

يلا بقى ادوني ارائكم الغالية بكل صراحة

56 تعليق 41,990 مشاهدة

شاركي في النقاش

سجلي الدخول لإضافة تعليق.

التعليقات

56
  1. صاحبة الموضوع
    رجروووجة
    الله ايبارك فيكي يارب وايطول في عمرك ويديكي الصحة
    بس للاسف كل اللي بشتغلوا بيروح للتخزين لحد ما اولد واخس عشان اقدر البسوا
    جوزي بيقولي قربتي تفتحي محل هدوم كروشيه ,, وقالي لو استمري ان شاءلله حتصدري للدول المجاورة :22:

    يلا بقى شدي الهمة وابتدي اشتغلي في اي ورشة عشان تحمسي البنات واتشجعيهم
  2. @alragyh_aafo_rbha

    ان شاء الله تقومى بالسلامه وتخسى وتلبسى كل الهدوم
    وربنا يسهل واحاول انضم لاى ورشه وابدا
    بس لى رجاء
    لما تبدئى التصدير لا تنسينا بمصر ههههههههههههههههه
  3. مبروك يا مروه جميله جدا حبيبتى

    ملبوس الهنا وعقبالى ما اخلص بلوزة بنتي والله يهونها عليك ويجعلها ساعة خفيفة وتقومي بالسلامة انت والبيبي وتخسى وتلبسى

تابعي تجارب أخرى من هذا القسم.