عندي طفل حركته كتير

كل شيء تمام إلا الموسيقى الحمدلله ما أسمعها
انا ولدي ماشاءالله حركته كثيره بس دائماً اقرأ عليه وافتح له الرقيه وسورة البقرة
الحمدلله ارتاح عليها معاه
مشكورة عالطرح

انا ولدي عنده نشاط زائد. .الله يصلحه تعبت معه. .حتى المدرسه طلعوه علشان ما يجلس ولا يركز.

يعطيك العافيه

مشكووووره
لكن الموسيقى حرام
والافضل تهدئة الطفل بسماع القران
الا بذكر الله تطمئن القلوب

انا عندي ولد الله يهديه ويحفظه عمره سنتين بس تصرفاته اكبر من عمره ماشاء الله عليه حرك ونشيط وذكي وفيه شقاوة لحد التخريب
مستحيل يخلي شي في حاله ... يتكلم بوضوح واي كلمةيسمعها على طول يحفظها ماشاء الله .. بس تعبني على طول اتابعه يروح للشباك يبغى ينط منه ويروح للمغاسل يتسلق ويقعد فيها ويلعب بالمويه واذا قفلناها من تحت يفتحها ويخلع التصريف الي بالجدر .. التلفزيون صار خردة من كثر مايطيحه بالأرض... ويشبك ويفصل ويضغط ويقول اقلب ... الحين اسبوعين قاعدين بدون تلفزيون المهندس صار يعرفنا وانا والله ارتحت ...المكيف 3مرات يخرب وصرنا نقفله من برى وصار يروح يحاول يفتح الألعاب بيومها يقضي عليها حتى حق خواته واخوه مايخليها ويضارب ... قطع شعور البنات ..لا ويطالع بيده اذ ماطلع شعر الايرجع يطلعه ولاحظت انه عصبي ويحب ينتقم ومايرتاح الااذابكى الي يضربه.. او يطلع الحره في البيت وفينا .. والله اني مستغربة منه وقاعده اشربه زمزم مقري واقرأعليه .. واهلي يقولون عنده طاقة طلعيه البر يفرغها احسن ... وصرت اذا شفته بيعصب او يخرب اقعد اقول شطور وحلو واصفق له وبوسة وحبيبي الين ينسى .. واحيان لا والله الايرجع يسوي الي في راسه... الله يصلحه يارب البيت عندي في حالة طوارئ مستمرة لأن حتى نومه قليل واي صوت يصحى على طول...