الي جربت كفالة اليتيم في البيت تدخل

حتي انا نفسي بس حابه اكفله بفلوس وياريت اقدر اجيبه البيت بس احسها صعبه

الله يجزاكم الجنه  هالموضوووع يعجبني وعمتي كافله ولد وماشاء الله اللحين بثالث ثانوي وارضعوه من مرت جدي يعني يصير اخوها من الرضاع والكل يكشف عنه لانه بمقام العم عندنا ومن افضل واحسن العيال ماشاء الله ومن احسن تربية ..

بسً سؤاااال دايم مشغل بالي واستحيً اسألها .
كيف يكون اسمه الرباعي بالبطاقه او بالمدرسه؟؟ وهل هم يعرفون اهله او لا؟ 
يعني يسجل باسم رجل عمتي او له اسم رباعي مختلف ؟ 
وهل انه يعرف اللحين انه مو ولدهم او كييف؟
نفسي اعرف ... وبس 

اهلين حبيبتي


انا كافلة يتيم في البيت من سنتين ...... والحمدلله سعيده معاه.. وأحبه وأهلي كلهم يحبونه ماشاء الله والحمدلله


شروطهم يكون حسن السيرة والسلوك وتكملين أوراق يعطونك اياها ويكون فيه واحد من الأهل يرضعه وبسس

ياخذ وقت بس اذا تابعتيهم وربي يسرها لك ... يجيك بغضون أشهر


نصيحة لاتتردين لحظة... وراح تحسين انه مثل ولدك وأكثر ... سبحان الله ربي يطرح الحب في قلبك لهم والرحمة ...







الي تسئل عن الأسم.. يسمونه أي اسم بدون اسم عائلة .. مثلا محمد فهد خالد ... بس

والمفروض يعلمونه اذا بلغ 7 سنين وصار يفهم



الله يكتب لكم الي فيه الخيرر

الله يجزاكم الجنه بس عندي سؤااال دحين كيف تصرفو عليه من مصروفه والامع عيالي اناحابه اصرف عليه من مالنا واحط مصروفه بلبنك اجمعه له وادااحتجت له شي اخد من فلوسه كدا صح والا لا طيب مين يخلص الاجراااءات اناوالازوجي الله لايحرمني منكم وكيف اداكبر لازم اعلمه الحقيقه واننا مواهله طيب افضل اخدبنت والا ولد كثرت اسئله بس ادري عنكم تحبو الخيرالله يجزاكم الفردوس الاعلى من الجنه تدكرت اااخر سؤااال ادا طلبت طفل بس مولقيط لا معروف الابوين بس متوفين الاقي والا كلهم لقطاء لاني احس لواهله متوفين يهووون من القيط ياحرام ايش اقوله اداكبر ساعدوني يابنات الموضوع جدددي بس بعرف كل شي قبل لاجيبه

عادي اذا الله منعم عليك اصرفي عليه من مالك الخاص وادخري ماله في البنك وبالعكس كيذا افضل لانك تأمنين مستقبله خاصة انه مايورث احد في هالدنيا


الاجراءات كلكم تخلصونها وفيه تحاليل طبيه وكشف طبي لكم الاثنين واجراءات عاديه ماهي صعبه

بس يمكن ماتلاقين طفل بسرعه اول ماتروحين خاصة اذا تبغين مولود وترعينه من بداية حياته

وطبعا فيه مشرفه من الشؤن الاجتماعيه تتابع حالته معاكم وتشوف كيف وضعه حتى بيتكم يزورونه ويشوفون وضعكم كيف وراح تفهمك كيف تبلغين الطفل بحيقة امره عشان يتقبل الوضع من صغر مو اذا كبر يسمع احد يقوله وممكن تكون صدمه في حياته وتصير ردة فعله سيئه مثل الانحراف او الانتحار لذلك يعطونه خبر بالتدريج منذ الصغر عشان يتأقلم مع وضعه

بالنسبه للاختيار بنت او ولد انتي ايش ترغبين وطبعا تربية الولد اصعب من البنت

ممكن تلاقين ايتام متوفين اهاليهم بس اتوقع نادرين مره الله يكون بعونهم ويرحم حالهم