لقاء الأحبة *3*

اوكي اميرتي انا بإنتظارك وبإنتظار رسالتك :)

بنتشرف فيكي

الكل مشغول اللي خلصوا ولادها مدارس والي هي عطلت ونازلة تعزيل متلي لقيت بلاوي متلتلة مستخبية واكوام غسيل بدها كوي .
ولما شفت انو في خزانة مليانة ملابس من 3 شهور ما لبسوها ولادي أدركت بأن الملابس اللي عندنا كفاية وزيادة ولهالسبب قلت بعمل تصفية لنو ازا 3 شهور ما فقدناهم يعني ما كنا مضطرين نلبسهم لنو في غيرهم .

ولهالسبب :

شو رأيكم بهالمسألة : في ناس عندها ملابس قليلة بس حلوة وبتدير بالها عليها منيح وبتكويها وبتزبطها وبيكون للخروج عالسناتر لبسة معينة ولاستقبال الضيوف جلابية وحدة مرتبة كتير وحدة بس وكل ما زرتيها بتلبسها يعني خلال سنتين زرتيها 5 مرات وكل مرة لابستها .

وناس عندها ملابس كتيرة يعني مثلا شي 10 عبايات و30 طقم و10 جلابيات وملابس بيتية بالعشرات يعني 10 جينزات و30 بلوزة بيت و15 فستان و20 طقم لاستقبال الضيوف.


انا عني مرات بيعجبني النمط الأول بس مش قادرة أكون منه وبالعكس لأنو زواري قلال تلاقيني مرات معلقة ورقة على خزانة الملابس عليها جدول فيه اسم الزائرة وشو لبست لما أجت عشان ما اكرر اللبسة لأنو ممكن بالصدفة كل ما أجت البس نفس اللبسة .

ونفس الشي ولادي.
مرة زاروني جماعة وكانوا ولادي لابسين نفس الطقم .
بعديها بسنتين بالصدفة لقيت الطقمين رحت لبستهم للجوز اللي أصغر وبالمصادفة زاروني نفس الناس وحكوا يا الله لساتها هالطقوم عندك ؟؟؟؟؟؟؟ صرت بنص هدومي مع انو الملابس والله مليانة اشي من النت واشي من السناتر وكل ما حد سافر بوصي من كل الماركات .

وبعد هالحادثة خلاص صرت أكتب عالأقل للمناسبات لأنو الصدف مرات بتييجي كانها مرتبة ومزبطة ليفوق الواحد.

مثلا في بنات عندها شنطة سودا وكل يوم بتستخدمها كل يوم لمدة 5 سنين .
ولو ؟؟؟؟؟؟؟؟ ما بيمل الواحد؟؟؟؟؟؟؟؟
طيب كل لبسة مرات بدها شنتة يعني عالأقل وحدة بييج او اسود او زهري او ازرق فاتح او خمري !!!!!!!

ونفس الشي بيكون صندل واحد وما بتفك عنه الا لما ينقطع .

ومرات بقول طيب لأنو عندي كتير أحذية مش ساخية أرميهم لأنو طبعا كل حذاء ممكن ييجي دوره مرة بالسنة ( حفلة ) او كل 5 شهور أو كل شهر مرة وحدة على حسب المناسبة يعني .




انا نفسي أكون من النمط الأول :
بيجامتين لكل ولد
طقمين عاديين
طقمين مرتبيين
طقمين للمناسبات
بوت رياضي
غيارات داخلية 6 حبات لكل ولد
شبشب عادي
نعال
حذاء المدرسة الأسود


يا ريت ويكون عندي بس عبايتين ادير بالي عليهم واكويهم وما يتوسخوا لنو انا حاسة أنو لو وحدة انشقت خلاص في غيرها ولهالسبب ما بهتم كتير وولادي نفس الشي عادي ينشق بنطلون بس نادرا هاي او يتوسخ عالخزانة على طول بيغير وبيرمي بسلة الغسيل وبشوف ناس بالأردن البنت أم سنتين ونص لو نقطت اشي بتروح تبلل طرف بشكير وتمسح البقعة بعيني شايفة هالمنظر او الحذاء تمسحه بتقول ماما بتدبحني لو شافت غيرة .

شو رايكم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
والشغلة التانية :
كم بشكير أو منشفة لازم يكون ؟؟؟؟؟؟؟؟؟
وحدة بعرفها من جد والله منشفة ستحمام وحدو ل3 ولاد والأم والأب .
امامي تحمم الأولاد وانا أقول لها مبلولة حرام بتقول عادي متعودين ليش اسمها منشفة يعني بتكون مبلولة شوي مش ناشفة .

طيب والله لو حممت ولد ونشفت أخوه بنفس المنشفة ليروح يشكيني لأقرب شرطي لو بيطلع بإيده.
ولهالسبب عندي في كل خزانة 5 مناشف وبشاكير صغار وكل ما واحد مسح رمى البشكير وقال خلاص عليه مي .

ولما أشوفه صار بسلة الغسيل اخليه خلاص لأنو اختلط بالملابس الوسخة .

ونفسي أعتمد طريقة ترتيب وحدة تخلي البيت مرتب وفاضي مش خزاين مليانة لبس عالفاضي والمليان .

السلام عليكم،
مبروك الملف الجديد

مهى>>>شو هالمواضيع الي بتتحفينا فيهم؟؟؟

انا خزانتي مليانة وبخصوص استقبال الضيوف >>>مابيهمني بلبس بنطلون الجينز واي بلوزة فوقه
اما المناشف>>> حاسبة حساب 3 لألي و3 لزوجي وابنه 2 عشان مابيجيني غير بالويك آند>>>مش دايماً

ملابس الاولاد>> راح احاول ما اكتر بس بتعرفي الاولاد بيكبروا بسرعة وهيك هيك راح تشتريلهم لانه بيصغر عليهم
عارفة حالي كله حكي بس

زهورة>>> حزنتيني على ارضنا >>>الله يقلعهم قلع منها وتتحرر
الباقيات كيفكم؟؟

السلام عليكم
كيفكم يا حلوين كلكم بدون ذكر أسماء
روند <<<<<<<<<<< أهلآ وسهلآ فيك بس إحكيلنا كلمة وعرفينا عحالك وبتشرفينا
خلينا أقرأ شو الموضوع اللي بتحكوا فيه

بالنسبة لموضوع مهى والأواعي
عن نفسي لأني بلبس عبايات بفضل إني أضل أشتري وألبس كل يومين وحدة خصوصآ لما كنت بالجامعة وكلهم مناح وبلبسهم كلهم حلو التغيير لأنه في ناس بتضل بنفس العباي طول الأسبوع بتعرفيها من لبسها من بعد مسافة الله يعين العالم ممكن مابتقدر إتضل تشتري
بتعرفوا وأنا بصف عاشر كان عنا معلمة تاريخ طول السنة وهي لابسة نفس البسة تنورة وقميص والله يابنات نفسهم سنه كاملة عاملتهم زي مدرسي كان الكل يعلق عليها بس يمكن هي عندها وجهة نظر

بالنسبة لأواعي البيت ماكنت أهتم بشراهم كتير لأني بحب أضل بالبيت بتريننج وبدلات رياضة بس لما خطبت واجهتني مشكله إنه لازم كل مايجي ألبس لبسة مرتبة وغير التانية فبديت هلأ أهتم وأشتري أواعي مرتبة للبيت
بالنسبة للشنتات كل عباية إلها شنته بس أكتر شي بستخدم السودا لهيك إذا بفكر أشتري مارح أشتري إلا سودا وبتلبق على كل الألوان

المناشف عندي منشفتي الخاصة (وحدة ) بتحمم وبغسلها على طول وبرجع بستخدمها