شاركي في النقاش

سجلي الدخول لإضافة تعليق.

التعليقات

51

  1. @almkhmlyh_4

    خليك ررررررررسميه نصصصصصيحة
    والله انا اول ماتزوجت كنت طيبه مرره مع اهل زوجي وحمواتي
    وانصصصصصصصدمت بغيرتهم ويتكلمون فيني
    ذبحهم الحقد والغيره لاني تزوجت وكملت جامعه وهم لاء
    والحمدلله جمال وسنع وام زوجي تحبني وزوجي يمدحني عند خواته
    وتغيروا وانا مادريوشالسبب
    بس ندمانه إني كنت طيبه وع نياتي وماكنت رسميـــــة

  2. @fy_bhr_alahzan

    حبيبتي نصيحتي لك عاملي سلفاتك برسميه سرك لا تأمني عليه معهن لان بوقت الزعل ممكن تفشي اسرارك ولا تحكي عن اهل زوجك عنهم ولا عن حياتك مع زوجك مشاكلك او طلعاتك هذا حبيبتي الي اهم ما عندي لاني تزوجت انا وسلفتي مع بعض وعانيت منها بس انا محافظه على اسرار بيتي وهي تحاول تعرف كل شي عني بأسلوب ذكي شوي وهو الاستفزاز بحيث انها تحكي اشياء سوتها او سوالها اياها زوجها حتى تجبرني احكي فانتبهي حبيبتي من هذا الاسلوب وممكن تستعمل هذا الاسلوب حتى تتعاطفي معها وتحكي عن اهل زوجك اذا كانت بمشاكل معها فتتعاطفه معها وتتكلمي

  5. @afaak_alkon

    اولا : لا تكون بينك وبينهم علاقة خاصة بدون اهل زوجك
    يعني بتعزمين سلفتك اعزمي اهل زوجك معها لان اذا جلستوا لوحدكم
    ممكن يكون فيه مجال للغيبة في اهل زوجك وهذا نادر من يعصم منها الا
    ما رحم ربي!! وانتي ماتدرين عنها تنقل الكلام لزوجها او اهله، حتى
    إذا عزمتك اذا كانت ماعزمت اهل زوجك حاولي تعتذرين لها اسلم لك
    إلا اذا اكتشفتي مع مرور السنين طيب أخلاقها وحسن معدنها ممكن
    يكون بينكم زيارات خاصة، أنا اقول لك من واقع تجربة اول ماتتزوج
    البنت تبغى تتعرف على الحمولة بس ماتتجرأ تسأل فتشوف السلفة
    هي الوسيلة للكشف عن واقع اهل الزوج إذا أعطتها وجه!
    أنا وحده من زوجات إخواني كانت دائماً تعزم سلفتها زوجة اخوي اللي
    قبل وتتكلم الله يهديها عن علاقتها مع اخوي ويمكن تتكلم عنا والله ما ادري
    بس زوجة اخوي الاولى مزاجية تزعل وترضى بدون سبب فزعلت منها
    وجت عندنا تقول انها تقول في أخوكم كذا وكذا...!!وانه يقول فيها كذا كذا!!
    فقلت لها: لو سمحتي لا تتكلمين فيها! ما اسمح لك؟ وبعدها انطمت لا نها تبغى
    تفسد... فلا تثقين فيهم أبدا ولا تندفعين وتتحمسين معهم حتى تدرسين شخصياتهم
    والله لو نعطيهم زوجات إخواني وجه كان كلوا بعضهم أكل عندنا...خليك
    العاقلة الرزينة اللي ماتطلع منها العيب.

    ثانياً: لا تتكملن في سلفاتك عند اهل زوجك الا بكل خير مهما قالوا او فعلوا
    بعض اهل الزوج كأنهم بزران نقالين كلام ويحبون الفتنة ويتقلبون كل يوم
    بوجه واحفظي حسناتك حسافة تروح في القيل والقال.

    ثالثا: عاملي سلفاتك بنفس المستوى في الزيارة والتكريم والاسلوب
    واذا كانت وحده افضل من وحده عندك فلت تظهرين تفضيلك لها قدام
    الثانية مراعاة للنفسيات! وانتي حساسة وغيورة مثل ما قلتي وتفهمين
    وش اقصد..

    رابعاً: زوجك لا تجيبين اسمه بخير ولا شر تدرين صار اخوي يعرف
    اسرار بيت اخوي الثاني عن طريق زوجته، هل نلوم الزوجة النمامة
    او نلوم الزوجة اللي تطلع اسرار بيتها!! كلهم على غلط!!
    تخيلي يصير بينك وبين زوجك سوء تفاهم ويدري عنه اخو زوجك
    الله يسترنا بس...نتيجة متوقعة من الثقة العمياء!!

    خامسا: ولاده او مرض او عزاء او فرح شاركيهم الواجب والله اشياء
    بسيطة تكسب ودهم ورضاهم...زوجة اخوى ميته قهر ان جدها يتوفى
    وماكلفت نفسها سلفتها ترسل لها رسالة او تكلم تعزيها...هذي مو وقاحة
    وقلة ذوق والله مايكلف الاتصال خمس دقايق وش بيضرك حتى لو كنتي
    ماتحبينها باخله على نفسك بالأجر، والواحد يشارك البعيد وشلون عاد القريب!

    عموما أنا اتوقع لك مستقبل علاقة طيبة مع سلفاتك طالما انك تفكرين من الان
    وشلون تكسبينهم وتتقين شرهم ماشاء الله عليك 

تابعي تجارب أخرى من هذا القسم.