ساعدوني تكفون في الحنيني النثري

معقولة ولا وحده ردت

اللي كنه معصوب هاذي طريقته جيبي حله وحطي طحين بر ومويه وشوي بزار واخلطيها بالشبك ثم سويها وي المراصيع خليها لييييييييييييين تشد والافضل للنثري تكون مستويه ع الاخر يعني بالنظر اذا صارت قاسيه اطرافها شيليها ثم حطي كذا قطعه في محظرة الطعام مع سمن او زبده مطبوخه وشوي تمر لين شايله النوى حقه اكيد طبعا وبس واذا سويتي الكميه كلها حطيها عالنار شوي لين تدفى تحت حديده طبعا او في المكرويف تصدقين عاد انا الليوم اهوجس اسويها بس البرد ماخلاني اقوم ابدا ابدا

الله يجزاك خير دعيت لك من قلبي
طريقتك هذي عريكه صح

طريقتي في الحنيني النثري اجييب خبزة بر واقطعها اربع قطع وغطها في حليب سائل سريعا وكل ربع خبزه تقريبا معها ثلاث حبات تمر اي نوع وحطها في خلاط ست البيت طبعا تقطين الخبز اكثر علشان ينطحن واذا بغيتيه احلى زيدي في التمر واذا اقل زيدي شوي في الخبز بعدين حطيه على النار وحركيه بعدين كصربي النار وصبي عليه زبده سايحه يعني اذا كان الحنيني قد الحافظه الصغيره خليه اصبع زبده ويجلس على النار الى ثلث ساعه وماله داعي التطويل لا ن الخبز اصلا مطبوخ مسبقا وراح يكون نثري اهم نقطه لاتطولين بتغميس الخبز بالحليب وفيه بعض الناس يحطون بدل الخبز مصابيب وانا جربت كل الطرق الاولى اسرع والطعم واحد

السلام عليكم

شوفي اختي الحنيني النثري اقولك طريقته وراح يعجبك إن شاء الله

أولااحضري تمر معبوط اي معجون تحصلينه بالسوبر ماركت اهم شي يكون جديد خذي كيس صغير
احضري قرصان ناشف او رطب الي يجي جاهز والافضل ناشف تحصلينه عند هرفي وغيره او محلات القرصان
بعدها جهزي ماء حار في زبديه وضيفي له شوي ليمون وذرة ملح
خذي مقدار من القرصان الناشف وكسريه وضعيه في صفايه او شبك وغمسيه بالماء الحار وبسرعه انشلي الصفايه
مجرد ما يتشبع القرصان بالماء الحار
ضعي القرصان في فرامة اللحم واحتاري الشفره الوسط اي الي خرومها وسط مو صغير ولا كبير وافرمي القرصان بعدها ضعي ملعقة زبده بالفرامه عليه ثم ضعي كميه من التمر المعجون في الفرامه وهكدا الى أن ينتهي المقدار عادانتي ورغبتك اذا تبين التمر طالع بزياده اضيفي منه اكثر وقللي القرصان والعكس بعد ماتنتهين من فرمه جميعا اعجنيه بيدك مره ثانيه
ورجعيه للفرامه مع اضافة قليل من الزبده وبعدها احضري حله وضعي في اسفلها قليل من الزبده وكوري الحنيني بيدك وضعيه في الحلهواضغطيه بيدك عشان يكون نازل شوي واعملي حفره بالوسط وضعي قليل من السمن فيه وحطيه على نار هادئه جدا لحد مايسخن وبالعافيه