شاركي في النقاش

سجلي الدخول لإضافة تعليق.

التعليقات

81
  1. صاحبة الموضوع
    أعذرووني حبيبااتي على التأخير ..
    بس كل تأخيرة وفيها خيرة انشالله :42:

    والشي الثاني صراحة .. انشغلت بأخواتي الحبيبات اللي يرسلون على الخاص عشان استشارات ..
    ..
    وحبيت افيد الكل بنشر الاستشارات هنا .. بعد اخذ الاذن من صاحبة السؤال طبعا ً ..

    وحدة من خواتي الحبيبات ارسلتلي التالي :


    انا توني طالعه من النفاس وابي اغير ملابسي كلها بس ما اقدر اغير كل شي مرة وحده
    فحابه الان ابدا بلبس للدوام ولبس للزيارات العادية
    (ابي لبس حلو البسه لما اروح لخالتي)
    ولبس للزيارات للناس الغرب
    ابيك يالغالية تدليني على شي متناسق وحلو علما باني مليانه وللاسف مو طويلة مره
    اليوم خذت لي تنورة من لونها اسود ومقلمه مايل تقليماتها خطوط مقطعه وميدي التقليم ابيض مدري وش يناسب معها؟
    واخذت بدي ارونج مع بني ممزوج يجنن قصة صدر ماسكه وواسع من تحت ناسبني كثير وافكر البسه مع بنطلون بني شرايك؟ بس لو ابي اطلع بالبدي هذا وشلون اسويه؟ البس تحته بلوزه مثلا؟ عشان يسترني؟
    ودي بتنورة جينز بس ابي جينز خفيف ومدري وين القاه
    وودي بعطر لي ولابو العيال
    ومكياج ناعم شدو شرايك بحق مكياجي؟
    واي شي بينفعني دليني اذا ماعليك كلافه
    شاكر لك


    الـــــــــــــــــــــــــــــــرد :

    في البداية ما أنصحك ابدا انك تغيريين كل ملابسك بهالوقت .. لان جسمك خلال الفترة هذي ولين سنة قدام بيتغير من بعد الحمل والولادة والارضاع وغيره .. يعني حرام تكدسين ملابسك وانتي منتي ضامنة هل يستمر جسمك على ماهو عليه او يتغير ..

    فمن رأيي انك تشترين بعض القطع الحلوة .. وتكون متعددة الاستعمالات (Multipurpose) بتقولين كيف .. انا اقولك :

    ركزي على القطع اللي فوق .. اشتري شي كشخة وبنفس الوقت ستايل .. مثلا :


    انا افضل النوعية هذي من الملابس لانها مع الجينز تكون سبور شييك .. مع البنطلون الرسمي تعطي لوك رسمي .. ومع التنورة ايضاً تناسب بالزيارات والمناسبات ..

    فضلا عن هذا .. تضيع ملامح الجسم وبالتالي تناسب الحوامل او المرضعات او المليانات شوي ..

    اما القسم الأسفل .. ممكن تشترين بنطلونات جينز بقصات كشخة تلبسينها للمناسبات العصر او الصباح وعند الناس اللي تمونين عليهم .. وتشترين بنطلونات رسمية .. لطلعات الليل او الجمعات الرسمية ..

    ولطلعات اهلك واهل زوجك .. اشتري القطع السمبل بس بقصات مناسبة :


    أما الدوام .. ممكن تشترين القمصان العادية بألوان حلوة مع اكسسوارات مناسبة .. ويطلع شكلك مرة مرتب وستايل
    مثل :


    نجي على سؤال عن القطع اللي شريتيها ..

    ليوم خذت لي تنورة من دبنهامز لونها اسود ومقلمه مايل تقليماتها خطوط مقطعه التقليم ابيض وش يناسب معها :

    ممكن تلبسين عليها قميص رسمي وكشخة ابيض او اسود بس لا تخلينه باللونين .. مايطلع حلو .. يعني شي زي كذا :


    ولو تحبين التميز.. ولو كنتي جريئة : البسي حزام احمر مع القميص اللي بتلبسينه مع التنورة .. يطلع حركة مرة خطيرة ..

    السؤال الثاني :
    اخذت بدي ارونج مع بني ممزوج يجنن قصة صدر ماسكه وواسع من تحت ناسبني كثير وافكر البسه مع بنطلون بني شرايك؟ بس لو ابي اطلع بالبدي هذا وشلون اسويه؟ البس تحته بلوزه مثلا؟

    ممكن تلبسين عليه الجاكيتات النص او الشالات المربوطة .. بس الاهم لا تلبسين تحته شي .. لأنه مايطلع ابداااا حلو ..
    ممكن تركبين علي شي زي :


    او تلبسين عليه ايشارب بلون مناسب :


    التنانير الجينز .. فعلاً صعب تلقين نوعية حلوة .. بس انشالله تلقين .. ماعندي فكرة حالياً لاني ماني في المملكة حاليا

    العطور يعتمد على ذوقك .. بس انا مع مبدأ ان الوحدة يكون لها عطر خاص فيها ماتغيره .. وتشتري على حسب المواسم العطور اللي تعجبها .. لكن العطر الاساسي دايم موجود ..
    بما اننا في الصيف .. اشتري الروائح الخفيفة الباردة ..
    عطر كلينك تعجبني ريحته بالصيف

    اما الميك اب والاي شدو .. خذي الوان فرايحية ... الالوان المرحة سبحان الله تعكس على نفسية الانسان.. خلي عندك الاساسيات ابيض لؤلؤي .. بينك .. بيج .. واشتري الألوان اللي تعجبك مافي لون معين .. بس على مزاجك اشتري .. بس لاتحوسين بالشرا وتشترين كل شي .. كل ما اشتهيتي لون اشتريه .. واستخدميه لين ما تملين منه
    انصحك بميك اب فور ايفر .. الوانهم خطيرة .. واشتري من هم العلبة اللي تجي تكفيا اكثر من لون وكل ماشريتي واحد ممكن تركبينه فيها .. خطيرة ..

    اتمنى اني كفيت ووفيت ..
    ولو ماعندك مانع ممكن انشر الموضوع على العام بعد موافقتك .. بس بشيل اسمك والتفاصيل .. عشان تعم الفائدة

    سعيدة بمعرفتك يالغالية .. وانا بخدمتك اي وقت ..


    ((((((الف الف شكر لك يالغالية
    كفيتي ووفيتي وماقصرتي ياعمري
    وماعندي اي مانع بنشر الموضوع
    جزاك الله الف خير)))))))

تابعي تجارب أخرى من هذا القسم.