الكيراتين تجاربكم استفساراتكم كل مايخصه [سيتم حذف اي موضوع يخص الكيراتين ]

صباح الخير ..\\
انا جربت الكرياتين بعد تردد طوييييييييل اولا لأن شعري اساسا ناعم لكن لعبت فيه بالصبغات والهايلايت وتلف وصارت اطرافه تروووع حتى الاستشوار ماينقع معه من زود التلف اللي حصل له :( وخفت استخدم الكريايتن ويضره زوود ..
لكن مع حالة الياس اللي وصلت لها قررت اغامر لأنه ماراح يخرب اكثر مماهو عليه ..
وبديت رحلة البحث في المشاغل وكلهم اصفقوني بالسعر من ثلاث الاف وطالع ..! لأن شعري اطول من نص ظهري بشوي ..

ومره رحت لمشغل ولقيت فيه وحده فلسطينيه قالت لي عندنا عرض للكرياتين بلو اوت بالفين لطول شعرك وقلت بأستخير وارد عليك وماش ماارتحت لكن بعد شهر قررت اروح لهم ودقيت عليها وقالت لي خلص العرض والحين نسوي لشعرك بثلاث الاف ونص لكن ممكن اجيك البيت واسويه لك بالفين بس ماتقولين لاحد او اصحاب المشغل .. انا هنا شكيت بالوضع وماارتحت ..وكنسلتها ..

المهم بعد بحث وتقصي شفت عرض لمشغل بالخبر اي طول شعر بخمسميه وكاتنت عندهم وحده تبيع بكشك خاص فيها وسألتها عن شغلهم بالكيراتين وقالت لي انها ماتشوف احد يجيهم وقالت لي لو تبين وحده مضمونه انا اعرف وحده مسويه انا وخواتي عندها وعطتني رقم وحده بالثقبه .. وكلمتها وحسيت اني ارتحت من كلامها وقالت لي انهاتستخدم كاديفو ومحد اشتكى منه عندها ..وتوكلت على الله ورحت لها .. وماشاالله سوت شعري بسبعميه وهي اسعارها ماتتعدى الالف لأي طول شعر يعني فرق السعر .. بس مشكلتها ماتجيك لازم تروحين لها البيت .. واللي تبي رقمها ترسل لي ع الخاص ..

نجي للتغييرات اللي صارت لشعري ..

صرت مااستخدم الاستشوار الا للتجفيف .. ولو اتركه بدون استشوار برضو ناااعم ..
فررررق شعري غن قبل وبعد وماني مصدقه لدرجه اني كل مامريت على المرايه اجلس اتفرج عليه ماشاالله تبارك الله ..
اذا استشورته لمناسبه ماياحذ مني وقت ابدددد ويطلع شعري لييييييييس ويلمع مااشالله ..

بعد اسبوعين طلعت لي قششره وكنت اقرا هالشي في اللي يحطون كيراتين ولما سألتها قالت لي هذا الكريايتن اللي لاصق بفروة الراس يفك عن الفروه ويسبب هالقشره ومع استخدام الخل يروح ..
من ناحيتي صرت بعد مااغسل شعري وينشف امشطه بمشط سنونه صغااار واحك فروة راسي عشان تطلع القشره هذي ومشت معي الطريقه تمام ..

طبعا لازم تستخدمون الشامبو والبلسم الخاص بالكريايتن وذولي انا اخذتهم منها العلبيتن بميتين الف مل ..
وايييش بعد مممممم شعري كان يتساقط من قبل لما اغسله وامشطه ولاحظت انه مازال يتساقط يعني ماتغير شي من ناحية التساقط ..

عموما .. التجربه بالنسبه لي تعد ناااجحه وحاليا بكمل شهر ومازال الكيراتين مثل ماهو .. ولو انعاد فيني الزمن راح اكرر نفس التجربه لأن شعري كان شي وصار شي ثااااني ..

ومثل ماقلت لكم .. بنات الخبرو الدمام اللي تبي رقمها ترسل لي خاص .. مع العلم انها من الاحساء وتسوي للي بالاحسا اذا راحت هناك ..

وبس ..

انا اخذت من المشغل الشامبو 250ملي ب175 ريال اما حمام الزيت 150 ريال حجمه كيلو وماشاء الله شعرها تحفه عليه بس الملحوظة ان الشامبو بالكرياتين اما حمام الزيت فهو نوع عادي اسمه جيت ماكس بجنين القمح وما فيه كرياتين يعني ممكن انواع عادية بس اخاف استخدم اي شئ غير ده يضيع الكرياتين

ياعبير الورد 

آنا جذيه وايد استخدمت اساياء

اكثر من مره 

والله حلوو ويهبل هو علاج 

ويخلي الشعر حيوي ولامع حلوو

ماحسيت بتساقط ولاشيئ سلبي ابدآ

كيووور ماجربته 

لو جربته ذكرت لتجربه 

بس للاسف ماجربته 

مااحط الا الاسايا هو الي 

ناسب لي وايد شعري
اتمنى لج وللجميع دوام التوفيف

اسوه أنا الي معاي الماسك الأساسي من البلو أوت نفس الشركه ماغيرته لي الأفضل أخذي الماسك نفس نوعيه المعالج علشان لا يطير من رأسك العلاج
وآلشامبو 150 أخذه منه يعني فرق عنك 25 ريال بس عبوته 350 ملل ومن نفس الشركه 

تأكدي منهم واضح أن المشغل يبيع لك الصغير غالي 

بنات اللي من ينبع تقول فين سويته بكل صدق.
وتذكرر تجربتها ونفعها وكيف شعرها بعد الكيراتين