انا رحت في حملي الاول عند اسامه عبدالغني بعرفان والجهاز على مستوى صح الدكتور يادوب 5 دقايق تحسي انه يبغاكي تطلعي بس عالاقل السي دي مع ان يادوب دقيقتين لكن ملامح بنتي ويدها وفمها وكل شي وااااااااااااااضح كنت مستخسرة فيه الفلوس انه 700 ريال يادوب دقايق دحين عرفت انه لو طلب 1000 حلال فيه
انا بحثت بالتفصيل الممل في الانترنت ووجدت ارخص مكانين السامرية في النسيم وجهازهم حاليا خربان والهجرة في كيلو11 وهذا الي رحتلهم على قولة زوجي "يا مسترخص اللحم عند المرق تندم" والمشكله في بنات كاتبين انهم راحوا واخدوا صور انا واثقة اكيد عهذول البنات ماشافوا الصور الي المفروض تطلع فكرو انه شي عادي
المهم دخلنا الدكتور يضحككثيييييييييير قلت لزوجي باين انه عبيط قلي راح يبين بعدين فكرنا هبل واول مرة نعمله
المهم اول مافتح جلس يسوي زي الافلام ولد ولد ولد ويصرخ قلتله طيب احنا عارفين انه ولد بس بنطمن على الاعضاء الداخليه وبنشوف الملامح انا باسبوع 30 المهم فتح لي هو زي السحب تتفرق وتتجمع مافي اي ملامح ولا اي حدود سحب تتجمع وتتفرق ويقلي شايفه العين شايفه اليد قلت يمكن انا انعميت زوجي يقول احنا شايفين سحب ولا حتى بركان مو شايفين بني ادم ولا عين ولا رجل يقول اصله بيمص صباعه سبحانك يارب مدري كيف شاف الاصباع قلتله طيب هو يمص صباعه عالاقل عينه باينه يقلي لا هو حط ايده على وجهه كله قلت طيب عالاقل تبان اصابع يبان حدود الوجه والممرضة جلست تضحك وانا اقله دكتور قدامي شكل غير منتظم عالاقل اقنعني فين اليد بالضبط جلس يحوس 40 دقيقة وقال ده اقصى شي اعمله قلتله وانا دحين ايش استفدت ليه ماقلتلتلي من الاول جهازك ردئ انت غشيتني قال لا و الولد وضع واحد قلتله انا عملته قبل كذا الوجه واضح والاصابع باينه لدرجة تقدر تعدها انت جالس تاشر على شي مكوم زي السحب يتجمع ويتفرق وتقلي هذي عين وهذي رجل و40 دقيقة نفس الوضع انا كنت حاسه البيبي يتحرك حتى بطني بيتحرك كمان!! ويقلي عملتيها فين اقله عرفان يقلي "مستشفى عرفانه!!!!!!!!!!" اقوله عرفاااان يقلي ااااه عرفانه اتقفل خلاص وزوجي ميت ضحك
المهم اني رميت 350 ريال كانه بالزبالة والله داري قد ايه حاجتي للمبلغ هذا وكيف دبرته بس حسبي الله ونعم الوكيل
والادهى والامر حتى موعد الولادة يقلي 8 فبراير قلتله دكتورتي تقول 17 فبراير يقلي اه من 8 الى 17 الله اكبر 9 ايام هو اليوم المتوقع!!!!!!!!!!! اسامه عبدالغني قلي 7 اكتوبر في بنتي ولدت بنفس اليووووووم
نصيحة روحوا على مستشفى لها اسم لا تغلطوا غلطتي :(
وادعولي ربي يعوض عليا المبلغ
شاركي في النقاش
سجلي الدخول لإضافة تعليق.
التعليقات
23- كنتي باي شهر يوم كان واضح
الله يتمم لك على خير ♥♥
صادقه والله الواحد اهم شي دكتور شاطر او دكتوره اما الفاشلين ياكثرهم استغفرالله حرام الفلوس فيهم رموش ورديه ~ كنتي باي شهر يوم كان واضح الله يتمم لك على خير ♥♥ صادقه والله الواحد اهم شي دكتور شاطر او دكتوره اما الفاشلين ياكثرهم استغفرالله حرام الفلوس فيهم
نفس الشي رحت اسبوع 30 عند اسامه الشهر السابع يعني- الله يعوض عليك
- طيب ايش فايدة الاشعة الرباعية
طالما انك عرفتي جنسة فليه تسويها
هل لها ضروره لان الاشعه العادية تحدد الجنس وموعد الولادة
انا اسمع في الرباعي لكن احس انها نصب وش فايدة اني اشوف الجنين
احس انه ما يكون واضح وملامحة ماهي حلوة انا شفت مقطع في النت ما عجبتني - اهم شي سلامه البيبي الباقي يتعوض والدكاتره فيهم الزين وفيهم الردي
مواضيع مشابهة
تابعي تجارب أخرى من هذا القسم.