شاركي في النقاش

سجلي الدخول لإضافة تعليق.

التعليقات

148
  1. مرحبا حبيبتي




    وش تبين تعرفين عن الي كانو اسوأ منك وربي فرجها بوجيههم ..

    تبغين أقوولك ان ابراهيم يوم القي في النار جاه جبريل قال له
    الك حاجة ..؟؟

    يسأله يبي ينقذه تدرين وش رد عليه سيدنا ابراهيم عليه السلام ..

    قال له أمّا منك فلا وأما من الله فحسبي الله ونعم الوكيل ..
    تعرفين ربي وش سوا ..
    سبحانه ..

    جعل النار برد وسلام عليه وهو يتقلب وسطها ...
    جبريل كان عنده القدرة انه يطفيها بجناحه .. لكن ربي بقوته وعزته حولها لبرد وسلام وهي تشتعل ... سبحانه ..

    انتي تبين تعرفين قدرة ربي انها اكبر من همك ..
    انا اقول لك وبالفم المليان ربي اكبر من همك ... والله والله والله ...
    ان ربي ماابتلاك الا لأنه يبي يسمع صوتك وانتي تدعينه ..

    ربي ماابتلاك إلأا لأنه بيمحص ذنوووبك ..

    ربي لو مايحبك كان جعلك تموتين وانتي على معصيه وهي الانتحار
    لكن انتي جربتيها مرتين وابعدك عنها بقدرته ...

    انا بدلك على أمر اقسم لك بالي رفع السموات السبع لو طبقتيها بيقين
    ان همك كله بينفرج ..
    اهم شيء اليقين ...

    شفتي الساعه الي قبل أذان الفجر ... هذي الساعه مايقومها أي أحد
    بمعنى ثاني ربي يختار ويصطفي من خلقه الي هو يبغاهم يقومون فيها ..
    أصلا قيامك للصلاة توفيق من الله ... وتقدير قدره ..
    طيب يوم هو يختارك انتي بالذات فلانه بنت فلان وقمتي وبكيتي وشكيتي مثل الطفله ..
    طلعتي كل الي بخاطرك ..
    وش تتوقعين من رب ارحم فيك من امك الي جابتك ..

    انا رحمتك وانا مااعرفك ... كيف بالرب الي خلق الرحمه هذي وجعلها في قلوبنا ...

    تدرين .. ربي يستحي من العبد انه يرفع يدينه له ويقوله يارب ويرده ..
    يستحي يردك ...
    يستحي يكسفك سبحانه وهو الغني ...

    نصيحتي لاتقومين من سجودك وانتي بخاطرك شيء ...
    اشكي لربي كل همومك من اول يوم تعذبتي فيه لين اللحضه هذي ..
    يسمعك وهو عارف انتي وش فيك
    يسمعك وهو الي قدر عليك هذا كله ..
    يسمعك وبعدها ينزل عليك راحه وربي لو يدري عنها اهل القصور بيحاربونك عليها ,....

    قولي امن يجيب المضطر اذا دعاه ويكشف السوء
    ردديها ببكوة
    تعرفين المضطر مين

    المضطر هو الي ضاقت عليه الدنيا وحس ان مافيها ملجأ إلأأ الله
    \المضطر هو الي تقفلت قدام عيونه كل الابواب الا باب الرحيم الرحماان



    انتي متعذبه من جوا

    مشاكلك اثرت على نفسيتك وشخصيتك
    حاولي تزرعين الثقه بنفسك
    عشان تكونين ثابته ومايهزك كلام ومسخرة مديرتك
    هي وين بتروح من ربي
    اذا كانت ظالمتك وتستهزأ فيك


    كيف تسخر من قدر ربي الي لوشاء سحب البساط من تحتها

    والله غير ربي يفرجها عليك لو تمسكتي فيه
    وربي القرب من ربي غنيمة

    ابكي بين يدينه في الليل عشان يضحكك في النهار

    تصدقي الصدقه تدفع البلاء



    الله يفرج همك عاجلا غير اجل
  2. @am_khlody_ooaaody

    ومضة حرف
    دلوعة سليمان دامك ماقريتي خلك بعيده .. عقد الماس زهري دانه الدنيا في القلب ذكراهم بنتي حياتي النجلا ماركة دانه العناقر .. والله اني قريت كلامكم حرف حرف تدرون بعضه خلاني ابكي زود البعض احسن الضن والبعض قال العيب فيني ي…
    اجل اسمعي مصيبتي يمكن مختلفه عنك لكن لعلك تستفيدي قدر الله علي وجبت طفل مريض قبل وقته بالشهر السادس دخل الحاضنه جات الدكتوره تتخيلين وش تقول ولدك ماراح يعيش على التنفس الصناعي وان عاش راح يعيش معاق
    قلت الحمد لله على كل حال
    وايقنت ان الحياة والموت بيد ربي وانا راضيه بماكتبه لي ثاني يوم تتصل الدكتوره تبشرني ان ولدي يتنفس طبيعي بعد خمس ايام ولدي يرضع و
    كان وزنه مايتجاوز 800 غرام
    بعد شهرين بالضبط طلع من المستشفى عاش معي اربع سنوات يتكلم وياكل ويلعب لكن كانت مشكلته الوحيده المشي يخاف وانا ماكنت اجبره

    في يوم من الايام صحيت عادي زي اي يوم ولدي قبلها بيوم كان مزكم
    واليوم اللي بعده نشيط ويلعب مافيه شي دخلته ينام بسريره كان يناديني ونام وغبت ساعه بالضبط جيت اشوفه لقيته شكله غريب ايديه مايله ويخرج من فمه دم
    تخيلي ابني يموت قدامي ابني افقده ولا اقدر اسوي شي ضميته وطلعت للمستشفى فيه بعد كم ساعه توفي توفي في لحظه نسيان نسيت ان اللي عطاني ايه بياخذه لكن كنت اردد الحمد لله على كل حال اللهم لااعتراض الكل توقع اني ممكن اجن لكن اللي عطاني اياه اخذه وقادر على ان يعوضني كنت في العزا على طول اردد الحمد لله على كل حال

    بعد اسبوع بالضبط رحت للمستشفى سويت تحليل طلعت حامل
    احمدي الله على كل حال
  3. @syf_alaslam_4

    حبيبتي نحن بشر في دنيا فانية اعلمي حبيبتي انا وانتي وكل مسلم على وجة الارض في بلاء وفي نفسة حوائج يريد قضائها لكن اعلمي انا هذي دنيا فانية مهما اردنا الكمال لاياتينا فيها فعلمي حبيبتي بان رسولك علية السلام اشد منك بلاء كان فقير مسحور محسود ماتت زوجتة التي يحب وابنائة وكان يتيم من الام والاب حتى في الجنة ليسو معه ومع ذلك يصلي حتى تتفطر قدماة ويقول افلا اكون عبدا شكور فاحمدي الله ان الله امد في عمرك لتزيدين من الطاعة انظري الى من هم في المستشفيات تحت الاجهزة ينظرون ولايتكلمون احمدي ربك على نعمة الاسلام والذرية والوظيفة والعافية ولاتنظرين للكمال في دنيا فانية فلقد مات صحابة رسول الله وحاجاتهم ماقضيت اجلسي مع نفسك وانظري للنعم الله عليك واشكريها فنعمة الاسلام من اعظم النعم فالمنافقين ينظرون الى الاسلام بالثناء اذا اعطيوا من الغنائم او انجبت الفرس فمدحوا دين الاسلام والعكس عندما يحدث لهم ضده اكثرت عليك فاللهم عمق في قلوبنا معنى وماخلقت الجن والانس الا ليعبدون

تابعي تجارب أخرى من هذا القسم.