بقولك تجربتي إن شاء الله تستفيدين منها قعدت 3 سنين ماحملت ولاخليت دكتور ولا شي فالدنيا الاسويته دكاتره يقولون ضعف مبايض ودكاتره يقولون سليمه ودكاتره ذبحوني بأبر التنشيط وابر التفجير وحريم يمرخوني ولا قالوا وش علتي عايشه كذا على الاحتمالات الين ماأكتشفت أن أنابيب الرحم متسكره تماما ولا أحد أكتشفها الا بعد سنتين من العلاج المهم رحت لدكتور وفتحها لي بأشعة الصبغه زاد جرعة الصبغه شوي وفتحها اللهم لك الحمد بعد كذا قالي رحمك مايل امرخي عند معالجه شعبيه ودلنا صديق زوجي على حرمه الله يسعدها وين ماكانت ومرختني شهرين ثاني شهر كان عندي مراجعه وكشف علي الدكتور من تحت ولقى قرحه نسبه بسيطه والتهابات وعطاني علاج التهابات وعطاني كلوميد للتنشيط وانا كنت اكل خلطه تنظف الرحم وتنشط بعد وبعد الدوره سويت سونار للتبويض لقى بويضتين جاهزه للتلقيح مشاءالله اللهم لك الحمد وبعد شهر ماجت الدوره وحللت منزلي وطلعت حامل اللهم لك الحمد وبعد فتره سويت سونار طلعت حامل بتؤام لك الحمد والشكر يارب وربي ماضيع تعبي .
خلطة التنظيف:
المكونات اللي تطحن> ملعقه صغيره كمون + 7حبات حبة سودا( حبة البركه)+ كسرة مره كبر حبة الحمص.
المكونات اللي ماتطحن> نص ملعقه صغيره رشاد+ 7حبات حلبه
وتجمعينها كلها المطحونه واللي مومطحونه مع بعض وتحطين عليها ملعقة عسل أي عسل موجود وتخلطينها وتبلعينها وتشربين وراها ماء فاتر ولا حليب حار أهم شي مب شي بارد.
هذي الخلطه تاكلينها أول يوم دوره على الريق وثاني يوم وثالث يوم بس .
وذي المكونات تكفي ليوم واحد بس يعني تصحين تسوينها وتبلعينها ع طول ماتسوينها قبل بيوم
وأي سؤال أنا حاظره الله يكتبلك الخير يارب وكل من يبي الضنى
ابي اشياء تنشط المبايض تكفون ربي يحرم وجيهكم عن النار ساعدو اختكم
متابعة النقاش، صفحة 8