السلام عليكم،
1. وين ممكن ألقى أكياس التسوق؟ البيضا أو الشفافة أو اللي من كرتون؟
أنا بالشرقية على فكرة.
2. أنا مشروعي يحتاج شركة شحن تشحن بعناية لأن مشروعي عبارة عن دفاتر وأشياء ورقية. ومن السهل تتخرب. ايش افضل شركة شحن ؟
3. قد احد جرب يشحن إلى اي دولة في الخليج؟ عن طريق اي شركة/ بكم/تقييم التجربة؟
4. قد سمعت عن الاشتراك بشركة شحن وتطلب مني مبلغ رمزي كل مرة .. قد احد جرب هذا الشيء؟
الف شكر لكم.
شاركي في النقاش
سجلي الدخول لإضافة تعليق.
التعليقات
5- ان شاء الله البنات يفيدونك ويفيدوني
بنسبه لاكياس عندك في الحياه بلازه تعرفين رامز والهرم بلازا المنطقه هذي فيها محلات تبيع الاكياس والاواني البلاستكيه
اسفه مااعرف اوصف بس هذا اللي قالولي البنات عليه في محل اسمه الغيث يبيع الاكياس والكراتين والعلب
انتي اذا رحتي هناك اسالي لان هذا اللي راح السويه
بخصوص شركه الشحن ان جربت فيدكس اكثر شي اشحن لجده طبعا سعر الطيار تقريبا 120 والسياره 60
اواقل
طبعن الزبونه هي اللي دائما تختار هذا الشركه لانه سريعه بنسبه لها
اسال الله رب العرش العظيم لي لك ولكل بنات المسلنين الرزق الحلال
ان شاء الله البنات يكتبون تجاربه
واسفه لعدم الوصف الصحيح لاني مبتدئه - بالتوفيق
- اذا بتشحنينها حطيها في كراتين افضل
واشحنيها في زاجل شحن بالكرتون ب ١٥ ريال وبالكيس قال لنا ب ٥٠ ريال
فحطيت الاغراض في كرتون وشحنتها - اكياس اهلا وسهلا الوان واحجام عند محلات البلاستك
والشحن شخصياً افضل فيدكس بس الاسعار غاااليه بتخسرين زباين عشان الشحن
زاجل وقفت اتعامل معهم يضيعون الشحنات - فيدكس
شركة ممتازة
والتوصيل في يوم او يومين
والسعر 65 ريال
حاولت اشترك معهم عشان يكون فيه تخفيض
بس فهمت انه لازم يكون عندك سجل تجاري
والشركات الرخيصة
ايضا تخافين تخسرين زباينك بسببهم
ياتضيع الشحنة او تتأخر او تصل وهي بحالة غير جيدة
عموما
اذا بضاعتك مميزة
ثقي ان الزبائن سيزدادون وسيشترون
المهم الجودة والتميز
وفقنا الله واياك
مواضيع مشابهة
تابعي تجارب أخرى من هذا القسم.