شاركي في النقاش

سجلي الدخول لإضافة تعليق.

التعليقات

72
  1. يوه ي كثر المدرسات اللى ضربونا بالابتدائي وياليتها صفعه الا بمسطره خشب لا وتلفها كمان تضربنا بالجزء الحاد مدري ايش هالقسوه والله انا لو عذبت حد اموت من تأنيب الضمير
    ماقول غير الحمدلله الذي عافانا مماابتلاهم والرحمه زينه ي عرب
  2. @basm_hyaty

    ماشاءالله الاغلبيه انضربوا ومانسوا ...!! بصراحه مالومكم ،،.


    في مره باقي وقت من ال ح ص ه فقامت المعلمه الشريرة تسولف فقالت لها وحده من الطالبات ان شاء الله ادرس بناتك قالت إيه تبون تدرسون بناتي عشان تنتقمون مني!!! ترا واصلني مثل هالكلام ان في بنات يبون يدرسون بناتي ويضربونهم كا انتقام !!!! )(شوفوا بس كيف خافت علا بناتها اما هالبنات اللي تضربهم ماخافت الله فيهم )،،،. بس وين بتروح من الله حسبي الله ونعم الوكيل


    تخيلوا من طرق الضرب عندها

    تفتحين يدك وتضربك بالمسطرة بطريقه توجع يعني تأخذ المسطرة وتخليها مايله علا جهة حاده عشان توجعك اكثر !!!!

    تأخذ قلم السبورة وبكل قوته تدخله براس الطالبه >>>زين ماجاها ارتجاج بالمخ

    تجمع الكتب يمكن حوالي خمس كتب وطراخ علا راس الطالبه>>>ناويه تفقع أدمغتهم !!!

    بنت مسويه سوطين بشعرها وجات لعند السبورة وما عرفت تحل فأخذت هالبنت وهي واقفه وتمسك شعرها وتدورها وتنزلها بالأرض <<<<حشا ملاكم مؤ معلمه أجيال .!!!

    هذي أساليب الضرب عند هالمعلمه المجرمه وعلا فكره البنات اللي ضربتهم الحين متزوجات ومخلفات ومانسوا اللي سوته فيهم ينتظرون ربي ينتقم لهم منها ...!!!

    يعني لا تلومون الطالب اذا يتذكر الموقف ،،،...
  3. أ نا موقف ماانساه من أبلى للحين مانسيت اسمها من كثر الارهاب اللي سوته فينا
    بفضل الله كنت شاطره وبالعكس كانت تثني عليا بس كنت مااحبها لانها قاااااااااااااااااسيه مع باقي الطالبات
    مره وانا رابع ابتدائي وحده من الطالبات ماحلت الواجب عندها
    والله يابنات ضربتها ضرب مو صاحي لدرجة الفصل كله يصيح واللي تبكي واللي غطت عينها والله كنت احسبها يهوديه
    ضربت البنت بالمسطره الخشبيه الطويله ألين انكسرت في يد البنت تحسبوون كفاها لا رجعت اخذت نص المسطره المكسور ورجعت تضرب البنت
    أنا ألحين عمري 23
    وهذي السالفه وانا 10 سنوات
    والله ماانساها ولا نسيت حتى وجهه الابلى وهذا وهي ضربت زميلتي مو انا كيف لو انها ضربتني انا
    حسبنا الله على بعض الابلات

تابعي تجارب أخرى من هذا القسم.