الموضوع مغلق

برجع لطليقي فلوس شهر العسل ....//اكتفى من الردود

السلام عليكم اتمنى تقروون مواضيعي السابقة المتعلقة بطلاقي قبل ماتردون
انا طليقي وداني تايلاند شهر عسل لمده اسبوعين
وداني لانه ماعمل فرح سواء رجال او نساء انا عملت حفله صغيره وماجاب شبكه والمهر يعتبر قليل بالنسبه لمجتمعنا
وكل هذا ماهمني وقتها كنت شاريه رجال وقلت دامه اثث شقه وبيوديني شهر عسل كافي صحيح الاثاث كان عادي جدا كنت اتمناه احسن وافخم بس مو مشكله دامه ماثث كل الغرف والادوات والاجهزة كامله
صارت مشاكل كثيره وطلقني بعد زواجي بفتره بسيطه
طلاقي كان تعسفي وظلمني كثير فيه حسبنا الله ونعم الوكيل
تمنن علي كثير لانه بخيل وبعد الطلاق صار يتكلم فيني عند اخوه واخوه وصل الكلام لاخويه من كلامه اني صرفت عليها وتخسرت عليها ومدري ايش
بصراحه قرفت من منته واحسها للحين بقلبي
ودي ااحسب كم خسر علي بشهر العسل وارسله له
شرايكم
علما ان لي نفقه عده ومتعه مادفعها وتنازلت عنها مابغاها
شرايكم
احس لو عطيته قلوسه برتاح من هالصفحه نهائي
لاني لما اتذكر شلون من علي
وشلون حطني ماشفت خير
وش قال اتالم بداخلي
الناس تتزوج عشان رجالها تعزها وانا انهنت وانذليت

163 تعليق 18,589 مشاهدة

شاركي في النقاش

سجلي الدخول لإضافة تعليق.

التعليقات

150
  1. @grgh_samth

    لاياقلبي لاتعطينه ريال واحد
    يماما اللي صرفه بشهر العسل لك وله
    وخليه ان شاء الله لو كان دافع فلوس الدنيا كلها
    لما دفع كنتي على ذمته وملزوم فيكي يصرف عليك
    والله يعوضك باللي افضل منه
  2. @shmokh_ansanh_3

    تعطينه وجعتن توجعه
    هاللحين لاعرس
    ولا شبكه
    واثاث عادي

    اجل ياقلبي وش تخسر عليك بس شهر العسل ويمن فيه

    شكله بخيل وومفضح

    ولو بمكانك الريال مايشوفه
  3. هل تتوقعي انو يسكت لو رجعتي الفلوس حقته !!!

    شيلي هالانسان من راسك ولا تفكري في كلامه ابدا واطوي هدي الصفحه من حياتك

    وربي يعوضك باللي يعزك ويقدر قيمتك
  4. انتي مرررا طيبه يعني ﻻ سوا عرس وﻻ دفع مهر زين وتنازلتي عن حقك وش يبي اكثرر من كذا وربي مايستاهل وﻻ نص ريال وخليه يتحسف يحمد ربه انك وافقتي عليه وهو بخيل

تابعي تجارب أخرى من هذا القسم.