
ومقاديرها :
علبة كنافه
قشطه
شيره
مكسرات فستق وصنوبر
اول شي نعمله نخلي الكنافه بره الفريزر لما تذوب تماما ونذوب كاس سمنه ونخليه على جنب
وبعدها نبدي نعمل القشطه :
3 كاس حليب سائل
4 م مليانه نشا
ماء ورد ... والقليل من الهيل
(اختياري)
وقشطه
ناخذ نص كاس حليب من المقدار ونذوب فيه النشا
ونحط الباقي على النار حتى يغلي ثم نضيف النشا ونحرك حتى يثخن .... وبعدها نضيف القشطه ونحرك قليلا حتى يتجانس مع بعض ..... ونترك القشطه على جنب حتى تبرد اشوي
الحين نبدي نشتغل في الكنافه
نحضر صينيتين مقاس واحد ونوزع فيهم خيوط الكنافه

ونحط السمنه على الوجه بهذا الشكل..... وندخلها الفرن على درجة 180 لما تشقر من تحت وفوق

وبعد ما تحمر الصينيتين نسقي وحده منهم بالشيره .... ونضيف عليها القشطه بهذا الشكل ... ونترك القليل من القشطه للتزيين .... ونضع عليها اشوي مكسرات مثل الفستق والصنوبر ....
وبعدها ناخذ الطبقه الثانيه من الكنافه ونحطها على القشطه .... ونسقيها اشوي شيره ونزينها بالقشطه بهذا الشكل


اتركيها اشوي وبعدها قدميها حتى تنزل الشيره على راحتها
ملاحظه:
لا تخلين الكنافه تاخذ وقت طويل بالفرن حتى ماتصير يابسه كثير ... والله يعينكم على التقطيع ههههههههههههههههه
:42: