بنات اعذروني هالايام دخولي قليل زوجي اجازه وتعرفون كيف الزوج يلزق بخشتك بالاجازه
وباذن الله اليوم اذاربي يسرهابمشي دبي نغيرجو للعيال
لاني كنت ناويه اروح مكه وجهزت عمري والعيال طارومن الفرح ياعمري عليهم ماعمرهم شافو مكه وللاسف بالاخيرمالقيناحجز:icon33::icon33:
الطيران فل وحجزناع طيران ارامكو وللاسف برضو مزحومه مع ان حنااول مره نحجزعندهم
اناقلت لكم اني بروح اتمرخ هالشهر وتمرخت الحمدالله بس اللي مرختني قالت رحمك سليم ماهو نازل ولا مايل مثل ماقالت الدكتوره النصابه بس شكت بشي عندي قالت لي عندك تكيس او الرحم فيه شي سبحان الله صارت روحتي لهاخيره لاني كشفت عندهالدكتوره وماقالت ان عندي شيء
ونصحتني الممرخه اني اكشف ورحت لدكتورتي الاساسيه ولماسوت لي السونار انصدمت قالت عندك كيس كبيييير ع المبيض 6*6ونص وعندك تضخم بالمبايض
الحمدالله ع كل حال وصرفت لي حبوب منع الحمل وقالت ع الدوره الجايه لومانزل نحولك ع العمليات:(
وكنت ناويه اروح مكه ادعي ربي بالشفاءواتداوى بماءزمزم بس للاسف ماحصلت لي
دعواتكم لي بتيسيرروحتي للحرم وان ربي يشفيني من هالتكيس من غيرماحتاج لعمليات
ويابنات نصيحه تلاحقو عمركم واحملو لاتترددون ترى العمريركض والمشاكل تزيد ماتنقص
شوفوني كنت ناويه احمل بعدمايدخل ولدي الروضه بس تحمست معكم ع البنت وغيرت رايي وقلت خليني اجرب حضي ولي ست اوسبع شهورمن تركت المانع بس ربي ماكتب لي الحمل وكل شهرتطلع لي مشكله جديده والله يستر من الجاي
تندمت اني سمعت كلام اهلي لانهم مايحبون يجيبون عيال كثير كانوينصحونالاتحملون لاتجيبون العيال على بعض وسمعنالهم وكنانفتخران حنا منضمين العيال نفكرانهم ع كيفنا متى مابغيناالحمل حملناوكنت الوم صديقاتي ع كثر هالعيال بس طلعواحسن مني اللي جابت خمس واللي ست واقلهم اربع الله يخليهم ويحفضهم لهم
والحين حنا ندورهم مولاقينهم خالتي وقفت ع اثنين وخواتي التوام وقفو ع ثلاث وصديقتي وقفت ع واحد واناالله يستر ومالحقهم
يعني اللي ابي اقوله لكم جيبوعيالكم باول العمر وبعدين ريحو ماتدرون شنوربي كاتب لكم بعدين صحيح تعب وشقى بس اشوف صديقاتي ماشاءالله تعبو مره وحده والحين ارتاحو وحتى لوطلعت لهم مشاكل بالحمل مومشكله عندهم لانهم جابو كفايتهم من العيال
&& ملف العمل بالاسباب لانجاب البنت باذن الله && %الجزء الثامن%
متابعة النقاش، صفحة 51