؛¤ّ,¸¸,ّ¤؛°`°؛¤ تجمعنا الـ12لمواليد يناير (1) وفبراير (2) 2013حياكم ¤؛°`°؛¤ّ,¸¸,ّ¤؛

ام الامام
الله يعينك
اما على غيرة الولد منك عاادي انا ولدي كذا يغااار مني اذا قعدت عند ابوه لازم هو اللي يقعد بالنص وله الهرجه والسالفه ههههههه

مليكة ، ري يخلي لك ولدك و يشفيه و يعافيه و يشفي ولدي ،
أنتبهي للعلاجات ، لازم تستخدمينها و لاتوقفينها من دون استشارة دكتوره ،
ولدي بعد عنده تشنجات و يستخدم ثلاث علاجات ، نوعين شراب وواحد كبسولات ،
ياجبيب قلبي العلاجات صايرة أكثثر من أكله ،
و صرفوا له علاج قل أسوبعين لإرخاء شد العضلات و الأعصاب ،
تخيلي ولدي بسم الله عليه يشرب بالرضاعة عادي و أأكله بالملعقة أكل مهروس ،
الحين ذا يومين ماغير يشرق و يكح و يغص بالاكل ، و معاه بلغم حبيبي ،
العلاج جبوب أذوبها بموية صحيح أنها عدلت نومه و هدت أعصابه ، بس ذا الدكاترة ماعندهم إحساس ، أنا وزوجي ساألنا الدكتور قلنا العلاج يرخي عضلات الحلق ، لان الولد ياكل و مانبي نركب له أنبوب ، و قال أبد آمن و مامنه ضرر على عضلات الحلق و لا شيء ، هذا كلام دكتور الشلل الدماغي
يوم رحنا لموعده الثاني عند دكتور الأعصاب عصب و قال العلاج يسبب إرخاء بالحلق و يزيد البلغم بصدره ، و هذا اللي لاحظناه ، مالنا غير أسبوعين مستخدمينه ، و مثل ماقلتي يسبب إدمان و يتعود جسمه عليه لو استمر عليهو بعدها ماعاد يعطي أثر ،
قلت لزوجي بانتظر أسبوع إذا الكجة زادت و ماوقفت و اتعبني الاكل باوقف العلاج بالتدريج و أريح و لدي منه ، لي أسبوع ماأعطيه أكل ثقيل علشان مايكح و يشرق و يغص ، و بعدها بنمر على الطواريء و نطلب الدكتور و نلغه باللي صار ،
و الله انقهرت مايحسون بشعور الأم و الأب ، ليش الكذب و اللعب ، دكتور يقول يأثر و دكتور يقول لا ، ضعنا بينهم ،
هم من زمان يحاولون يقنعوننا بالأنبوب ، يقولون أريح للأم و للطفل ،
ماتهمني راحتي ، صحيح الحين مع الثقل أتعب معاه و لسه ماجات الشغالة ، بس مايهم أهم شي هو ياكل عادي ،
يقولون أريح له ، كيف أريح له و هم يشقون له شق البطن و يدخلون الأنبوب ، أصلا كيف بيصير وضعه مع تغيير الملابس و الشيل حبيبي ، بيتعب ، هذا غير الانبوب بين فترة و فترة يبيله تعقيم و يتجمع فيه باكتيريا ، يعني الحمدلله ولدي في غنى عن الأنبوب ،
أحس أني مقهورة ، تتعب نفسيتي معاه ، بس لمن أشوف اتسامته أنسى كل شيء ،
و لمن أشوف بالمستشفى ناس أشد من حالته أحمد ربي على النعمة اللي احنا فيها .

و تفاءلي خير بإذن الله ربي بيعوضك بالنونو الحلو اللي يسعدك و تشوفينه يراكض قدامك ، و يارب يشفي عيالنا و نفرح بشوفتهم طيبين و يمشون و يستغنون عن العلاجات .

رعشة خريف ،
آمين ،
ههههه أما ذا العيال ربي يصلحهم ، كنت أتوقع البنات اللي يغارون من الأم ، بس طلعوا الاولاد بعد ، أنا لو أغير لبسي حق البيت و اتزين ، يقولي و أنا ، لبسيني ، طيب ياولدي لبسك نظيف و حلو ، لا مافيه لبسيني ، آخر شيء ماأعطيه وجه و أشغله عن السالفة ، بيقعد كل مرة أغير فيها يطلب أني أغيره ذذ
حتى الروج و الكحل لمن أحطه يقول حطي لي ، وييييييييين ولد و يبي كحل و روج ماصارت ، صرت كل ماأبوه يطلع أقول له خذه معاك ، طلعه خله يشوف الناس و الرجال بدال مايقعد مقابل وجهي و يبي يقلدني ، البنت عادي ، بس الولد مشكلة لو تعود ع سواليف الحريم و شغلاتهم ذذ
الله يصلحهم بس يازينهم ، مرات ودي آكله من حركاته و غيرته و هباله .

حريمات حبيت أفيدكم ، هذا ردي على وحدة بموضوعها عن التشققات حقة الحمل ،



لاتنسوني من دعواتكم ، و ماتكلمت إلا من تجربة ، و أي اسئلة اسالوا خذوا راحتكم و الخاص مفتوح أخاف يروح الكلام بين الصفحات و ماأنتبه لكم .

 إحساس ملوك : انا طريقتي مثل طريقة اختي بنت ناس لأني أخمص الطحين مثلها
ميمو : انا مثلك معي سكر حمل وتقول مو زين يرتفع الوزن كثير خصوصا اني كنت زائدة 7 كيلو عن وزني المثالي في بداية حملي لكذا حسبتها كامل وقالت انتي زدتي 10 وقبل 7 يعني 17
بنت ناس :انا بعد من عرفت انه معي سكر حمل صرت احب شي اسمه تمر والشكولاتات وكل شي حلو