زوجي يبيني اساعده وخايفه اتندم

..صباح الخير ..



شوفي الله يحفظك رجلك متزوج متزوج عليك طال الزمن ولا قصر ..
وأسفه جدا على صراحتي بس واضح جدا ..
المهم أبدا أبدا .. لا تعطينه ولا تشاركينه بـ المره .. ولا تتدخلين معه ماديا مهما حصل ومهما كان ..!
صدقيني رح تجيبين المشاكل ووجع الراس لك وأنتي في غنى عنه..
كانه قادر يسوي لك بيت فـ عز الطلب ..

×


وأن ما كان فـ اقعدي فـ بيتك الي انتي فيه حاليا واصبري لين الله يفرجها عليكم ...
أما تدفعين له من عندك .. والله العظيم رح تندمين ندم شديد ..
انا ما أأيد أبدا المرأه تعطي زوجها من فلوسها ..
ولا تعطيه ذهبها .. والي يطلب المال ولا الذهب تأكدي أنه ما فيه خير بـ المره ..
الله يوفقك ويسعدك ..
ي هلا بك ..!


..ركب الأغراب..

شوفي سوي زي صديقتي يكتب ورقة بنص سعر الأرض الأصلي وانك بتدفعين له شهريا مبلغ كذا من بداية تاريخ كذا

الى نهاية تاريخ كذا ويوقع ويبصم وتوقعين وتبصمين وتجيبين شاهدين اخوكي واخوه وكل شخص يبصم وتبقى الورقة بخزينة أمك أو أبوك المهم بعيدة عن ايديه .....

وترا الحق ماينزعل منه حتى بالقرآن مذكور تدوين الدين والحق

واذا هو واثق من نفسه المفروض لايزعل.....

وترا متى بتحسين بالندم لاتزوج وحسيتي بحرقة هالشي بتموتين قهر انك ساعدتيه .

انتببببهي

الرجال مالهم امان

والله لاتخليه يضحك عليكي

حتى لو واثقه فيه وضامنته

حبيبتي انا مثلك لكني معلمة
جاني قبل 4 سنين وقال بشتري سيارة وسيارتنا خربانه من جد وانا اب عيالك وما بنصب عليكي وبرجع حقك وانتي ما تثقين فيني و كلام السعة ودبسني في قرض واشترى سايرة فخمة وغالية مرة
اكتشفت فيما بعد انه يدور في الاسواق ياخذ لفة ويركب الداشرات فيها ويقول مالك شي .. عندك اثبات !؟ وشوفيني الين اليوم وانا ادفع في القرض وانا ماذقت منه شي

زي ما يكلمك باسلوب حلو كلميه باسلوب حلو و رومانسي اننا مع بعض طول الزمان واللي في يدي لي ولك .. لكن ما اتشارك معك الا بورق رسمي واثباتات .. انت ما راح تاكلني وانا حبيبتك وام احلى ولد لكن الشيطان يدخل وانا ابثبت ان لي حق لو صار لك شي لا قدر الله ..